想問蔡繼有同陳守仁既分別？

lungfule

請問有冇家長可以分享下？功課上？考試測驗？谷唔谷？邊間會偏向fun learning ?麻煩有冇家長可以分享下，謝謝！

kokobear

CKY係私小，TSL係直資

crm1chm

價錢，年期，學生類別

bubuG

我相信Cky唔使煩中學煩少D。TSL是傳統學校，冇中學，去到呈分唔會好輕鬆。

siden

浄睇價錢，南轅北轍。家庭負擔太重。

重要做IB白鼠。

自己完全唔考慮CKY。

當然我尊重喜歡CKY的朋友。經濟負擔到，多個少壓力，重閲讀的一條龍選擇也替他們高興。

TSL語境又好又抵讀升中成績又好。係煩升中壓力大辛苦。

picture

原帖由 siden 於 15-10-04 發表
浄睇價錢，南轅北轍。家庭負擔太重。

重要做IB白鼠。

請問一下TSL 英文語境點好法？

Jane1983

回覆 picture 的帖子

因為學校收的小朋友英文底子好，加上學校有相當一部份學生係非華裔，小朋友之間講英文的機會很多，亦很自然。這是其他一線小學比吾到的。

siden

原帖由 picture 於 15-10-04 發表
請問一下TSL 英文語境點好法？

只要你唔同真正IS比。

比起普通學校甚至傳統名校，TSL學生普遍英普對答真係好。

識幾個高小的。

我個人覺得impressive。

作為一個chinese, 小學生有這樣英文程度難得。

hosuper

聽聞越來越多讀IB嘅學生開始出外補習，學費一般會比較貴！真是百上加斤！

XYZABC

學費已經相差好遠。

lungfule

原帖由 hosuper 於 15-10-04 發表
聽聞越來越多讀IB嘅學生開始出外補習，學費一般會比較貴！真是百上加斤！



  ...

想問佢地出去補咩科呀？

erniewellie

原帖由 XYZABC 於 15-10-04 發表
學費已經相差好遠。

自問真係俾唔起 d 學費

cat_house

cky一條龍12年，比起tsl要升中當然少些壓力。cky出名唔多功課，測點都即興唔駛溫書自然比較輕鬆。但也有家長覺得無分數唔自在，功課少唔聚財。當然學費也是另一考慮，讀一個月cky夠讀4個月tsl，咁就要睇你覺得性價比值唔值了。

picture

原帖由 siden 於 15-10-04 發表
只要你唔同真正IS比。

比起普通學校甚至傳統名校，TSL學生普遍英普對答真係好。

是否有好多NET 教英文？

Soundervolt

原帖由 cat_house 於 15-10-05 發表
cky一條龍12年，比起tsl要升中當然少些壓力。cky出名唔多功課，測點都即興唔駛溫書自然比較輕鬆。但也有家 ...

即興嘅測驗默書，即係隨時隨地都要溫習好去準備突然其來嘅考驗，咁樣都未必會比定期嘅測驗默書較輕鬆。據聞CKY已順應家長要求已滲入「傳統默測考」元素，而非純用assessments去鑑定學生成績。

hkpapa852

Soundervolt 發表於 15-10-5 09:24
即興嘅測驗默書，即係隨時隨地都要溫習好去準備突然其來嘅考驗，咁樣都未必會比定期嘅測驗默書較輕鬆。據聞 ...

當學校過份著重"客戶服務", 就好容易會偏離自己原定既教學理念, 係一件好危險既事

retriever

一間貴, 一間平.

一間本地, 一間國際

bbb330

經濟是首要考慮條件，如果環境麻麻，就不要考慮cky, 一讀12年，你自己計下

saltato

已被刪除

Soundervolt

原帖由 hkpapa852 於 15-10-05 發表
當學校過份著重"客戶服務", 就好容易會偏離自己原定既教學理念, 係一件好危險既事
...

唔少人都未搞清楚IB喺乜嘢，只聽見「活動教學」就楝CKY，返咗學之後先至發覺自己其實接受唔到呢種模式，而要求學校改變去遷就家長需要作改變。CKY係私校，有時要做多少「客戶服務」好難避免，不過認同你所講如果偏離本身教學理念係十分危險。

其實唔少家長喺高唱「活動教學」嘅時候就將佢等同「愉快學習」，其實兩者並不一定畫上等號。有人可能自己係舊嘢苦主，所以認為新嘢一定好過舊嘢，其實又唔係必然。如果IB係咁完美，點解好多家長都趨之若鶩嘅英國教育當局唔全面實行類似IB課程，而仲係懸用GCE(A-Level)課程為主呢？

我相信成功需苦幹，要有好成績就算讀IB或DSE課程亦需要付出相當努力，只係行嘅路唔一樣，兩者之間唔存在邊個制度又輕鬆愉快又容易有好成績，只有適唔適合用家需要，可唔可以對小朋友成長達至最佳效果而已。