2⃣️歲10個月小朋友是否係自閉

Angel1202

我囝2⃣️歲9⃣️個月 兩歲果時做着全面評估話有臨界遲緩 但就冇自閉 有感統失調 會玩視覺刺激 開門 追線等 尤其言語嚴重delay. 但后來又差不多追番進度 但都仲慢着3個月 咁佢E家可以表達到自己嘅需求 喜好 間中有問點解 邊度尼D 可以講句子 但近2⃣️個月發現佢係社交上面出現着問題 開始唔同小朋友玩 之前會嘅 之前有主動撩人玩 閒時會重復講人哋同佢講嘅說話 僻如放學返來自己問、你就係陳XX（自己個名）？跟住自己答 係丫 分唔到你我他。請問問🈶冇小朋友之前評估唔係自閉 後來又係自閉丫 擔心中我仔會用手指物 大約一歲2⃣️個月先開始指   
眼神0k
跟指令

Activehealth

Angel1202 發表於 15-9-28 13:01
我囝2⃣️歲9⃣️個月 兩歲果時做着全面評估話有臨界遲緩 但就冇自閉 有感統失調 會玩視覺刺激 開門 追線等 ...

其實最緊要幫到小朋友嘅問題，自閉英文係Autism Spectrum Disorder (ASD), 係一個超大spectrum, 包羅萬象。
我個仔由最初診斷爲唔係自閉到嚴重自閉，再話係阿氏保加，到依家雙重特殊(資優+輕度自閉）。

診斷不停變，最後學懂接受他是一個特殊兒，診斷只是為他爭取合適支援的一個手段。

我已經唔介意你話佢係乜問題，最緊要你幫到佢。

以前佢唔講野，驚佢大個都唔識講。

依家句句頂到行，樣樣同你拗，情緒行為又係另一難題。

EEFF

原帖由 Activehealth 於 15-09-28 發表
其實最緊要幫到小朋友嘅問題，自閉英文係Autism Spectrum Disorder (ASD), 係一個超大spectrum, 包羅萬象。 ...

想請問你小朋友多大? 由最初評估到現在, 你给了什麼訓練和治療而有咁好的成效? 你小朋友幾多歲才懂説話?

Jcat

其實評估都真係成日變, 因為好睇當天孩子的心情和狀態.

Activehealth

EEFF 發表於 15-9-29 14:21
想請問你小朋友多大? 由最初評估到現在, 你给了什麼訓練和治療而有咁好的成效? 你小朋友幾多歲才懂説話?



  ...

現在十一歲。
ABA, biomedical treatment 排毒+GFCF diet + 髗骶治療法。
做過ST（私家）幾個月，ST 話幫唔到，叫我地唔好浪費時間金錢。
做過感統完全無效。

四歲才識講野。

Adamok128

很利害,小朋友,父母肯定非常努力改善,好想聽聽你尼十一年嘅經驗分享,之前你的説話已非常認同,〈已不介意你們叫他什麼了,只要对他有幫助〉感動啊！

Activehealth

Adamok128 發表於 15-10-4 16:57
很利害,小朋友,父母肯定非常努力改善,好想聽聽你尼十一年嘅經驗分享,之前你的説話已非常認同,〈已不介意你 ...

謝謝！仍在努力中。
同路人亙相支援好緊要。
唔知你想聽邊方面？

經歷太多，不知從何說起。

Angel1202

回覆 Activehealth 的帖子

感統係曬鬼氣

Activehealth

Angel1202 發表於 15-10-4 21:18
回覆 Activehealth 的帖子

感統係曬鬼氣

嘥哂我同阿仔啲時間，好彩搵到其他方法幫阿仔。

但我阿仔做感統無用，唔代表佢真係唔得。

有無人嘅細路做咗覺得係得架？請嚟傾傾！

EEFF

原帖由 Activehealth 於 15-10-04 發表
謝謝！仍在努力中。
同路人亙相支援好緊要。
唔知你想聽邊方面？

好感動仍然有人真心分享, 亦好高興聽到你仔仔在這咁多年來嘅進步! 我仍然在担心和尋找方向中, 説話又未識, 古怪野又越來越多..........,

juemilia

原帖由 Activehealth 於 15-09-28 發表
其實最緊要幫到小朋友嘅問題，自閉英文係Autism Spectrum Disorder (ASD), 係一個超大spectrum, 包羅萬象。 ...

好想有係呢種豁達,我个仔做左pre assessment 話自傾,不過智力無問題,而且唔算好serious,姑娘建議唔洗side錢做全面評估,不如做小組或者private training去改善問題。不過我仍然好介意佢係出面參加興趣班會比導師問我or懷疑佢有問題.....每次興趣班後接佢我都好有壓力。我知係唔啱,但係我好辛苦

Activehealth

juemilia 發表於 15-10-4 23:27
好想有係呢種豁達,我个仔做左pre assessment 話自傾,不過智力無問題,而且唔算好serious,姑娘建議唔洗side錢 ...

如果唔話俾小組或private training 嘅導師知佢嘅問題，咁人地點幫佢？
如果你都唔接受到佢嘅問題，咁叫其他人點接受佢？

我由細到大都同阿仔講我無論點樣都咁錫佢，只因佢係我個仔。

唔好諗咁多，愛就係咁簡單，unconditional love is what he needs.

bubibubibuuu

原帖由 Activehealth 於 15-09-28 發表
其實最緊要幫到小朋友嘅問題，自閉英文係Autism Spectrum Disorder (ASD), 係一個超大spectrum, 包羅萬象。 ...

幾時變咗資優？資優唔係好明顯歲半倒已知？

juemilia

明白亦認同,心態仍調節中,我會加油

Activehealth

bubibubibuuu 發表於 15-10-5 00:18
幾時變咗資優？資優唔係好明顯歲半倒已知？

小四時老師講話佢資優，問我肯唔肯俾佢去跟小六上數學堂（國際學校）。
我仲同老師（英國男老師）講唔好玩我，你都唔係唔知佢乜野底。

但老師話佢一定係，憑佢教咗四十年書嘅經驗，叫我俾佢試。我話咁就試試。

果真小四上小六數學完全無問題，老師在班上仲不時叫佢同啲小六生解釋番啲問題。

校內以國際標凖評估証明佢數學比同齡超出6-7年，英文超2-3年。

小五開始自修中學數，現在中一已準備考中五英國會考數學試（有私人數學補習）。

剛暑假返咗澳洲喺大學上資優數學科，我同老公上培訓資優兒課程，正學識佢呢一類叫雙重特殊（twice exceptional)
導師話要搵心理學家再作評估。4歲及5歲分別做過，浄查到佢自閉，完全唔知佢資優。

依家十一歲正知佢高度資優同輕度自閉（最初係嚴重自閉）。

unfunny

你仔仔4同5歳時言語，表達，理解及眼神接觸都OK？咁後期潛能才發出來，小朋友要開竅真估佢唔到。加油努力！

bubibubibuuu

原帖由 Activehealth 於 15-10-05 發表
小四時老師講話佢資優，問我肯唔肯俾佢去跟小六上數學堂（國際學校）。
我仲同老師（英國男老師）講唔好玩 ...

咁之前一直都冇發現到或者小朋友冇表露佢英數比較出色嗎？我睇資優寶寶以為資優係好細個時就表露出黎。咁你小朋友幾大先識講爸爸媽媽？好多都話我仔唔似自閉似係醒目仔，我都唔知佢大少少發唔發掘到佢長處。

EEFF

原帖由 Activehealth 於 15-10-05 發表
小四時老師講話佢資優，問我肯唔肯俾佢去跟小六上數學堂（國際學校）。
我仲同老師（英國男老師）講唔好玩 ...

嘩! 好叻呀! 小朋友好幸運遇到佢嘅佰樂, 相信咁多年來家長都下過不少苦功! 請問你小朋友嘅training幾多歲開始逐步減少? GFCF又介到幾歲? 你個人覺得生物療法和臚底骨治療有較嗎? 治療維持了多少時間? 太多問題, 請見諒!

EEFF

原帖由 Activehealth 於 15-10-05 發表
小四時老師講話佢資優，問我肯唔肯俾佢去跟小六上數學堂（國際學校）。
我仲同老師（英國男老師）講唔好玩 ...

另外, 還想問問你小朋友是不是由幼稚園開始就讀國際學校? 幾種語言環境下可以嗎? 謝謝解答, 感激!

piglet0529

原帖由 Activehealth 於 15-09-28 發表
其實最緊要幫到小朋友嘅問題，自閉英文係Autism Spectrum Disorder (ASD), 係一個超大spectrum, 包羅萬象。 ...

我仔都有的似, 佢三歲時比CAC評冇自閉, 到近五歲時因為有點情緒問題再評為自閉普系, 但同時間佢很喜歡自學自己有興趣的科目, 不過上小一前的評估冇評有資優, 我自己睇佢也似雙重特殊, 請問你到佢幾大自己發現?