師資好嗎？老師都很惡嗎？學習氣氛好嗎？

ladtmama

       幫女女自行揀左嘉諾撒聖方濟各學校。想問下學校的老師如何？老都很惡嗎?小朋友喜歡上學嗎？喜歡學習嗎??(有點擔心，因為剛有在校生家長告知，該校老師壓力大，所以老師都好惡，今年有多達8位老師離識。學生多功課，老師要求家長為學生檢查功課，老師不太接受學生功課上有錯漏，甚至有學生因此被責罵。這樣的教學方式，小朋友會喜歡學習嗎？小朋友會喜歡上學嗎？)
另外，學校真的沒有外藉英語老師嗎？

謝謝解答，好煩惱！

small99

外籍英語老師只是安排3及6年級, 當然有些老師惡, 有些老師好有教育熱忱, 由於是傳統天主教學校, 所以一定嚴格, 功課已經比以前少了, 低年級需要家長跟下, 否則可能追不上

boyi

原帖由 ladtmama 於 15-09-24 發表
幫女女自行揀左嘉諾撒聖方濟各學校。想問下學校的老師如何？老都很惡嗎?小朋友喜歡上學嗎？喜歡學習 ...

揀左先了解似乎太遲了。校長很有heart, 信任她的帶領，有b1真屬中學的全日新校舍津貼小學，沒有免費午餐的，要輕鬆溫馨真不是你杯茶了

ladtmama

謝謝回覆！
       其實之前有了解過架，只是交表後才認識到一位中年級的家長，她以親身經歷和我分享後，有點擔心囉！傳統的學校，老師如果屬正常的嚴謹當然係意料之內啦！但因壓力，無理的惡就.......。唔怕小朋友讀書幸苦，只怕失去學習興趣囉！希望只屬個別事件啦!

[color=Purple]Thanks! Thanks! Thanks! Thanks! Thanks!

stepyau

囡囡今年一年班，暫時比我想象中輕鬆好多好多 - 其他學校已經8-10樣功課、小測、默書等，通通出齊，但我們至今還未開始默書，功課堂能完成大部分功課。與幼稚園相比，老師改正是嚴緊了很多很多，所以要很小心。不過，我也聽過不少朋友，包括幼稚園的老師說st francis的功課量和中文程度，所以，很大機會現在是蜜月期only。

ladtmama

多謝你地既回覆。Thanks a lot!

enahau

我覺得好睇小朋友本身適應力，我女讀3年班讀得勁開心，放假都掛住老師同學，熱愛學校生活，老師非常會激發學生潛能，當然我女亦遇過較嚴格老師，但我覺得完全可接受的嚴，亦見過有同學覺得壓力大，老師惡唔開心，所以不可一竹竿打一船人。

CTISBebe

Can u share more about the sch work and dict/ exam? Is that hard ?

sml

囡囡已畢業，佢地讀得開心，老師都有心教。

sml

功課係比較多，尤其週末和放假時。

enahau

學校有功課堂，我女為咗有多啲時間放學玩，會在功課堂盡做，返到屋企要做45分鐘至1個鐘不等，（我要求唔高只要啲字清楚同寫得啱就得，有啲家長要求字要好靚，所以唔俾小朋友喺學校做功課）每日約有4至8本功課不等，假期更多，一年三次考試，測驗唔計考試分，但每周間隔中，英默書會計入考試分。學校一定唔係輕鬆，但我對比灣仔區二線學校，例如李賜豪同寶小，反而我哋會合理些，課程循序漸進無佢哋咁谷（我個人認為，並不一定正確）。

CTISBebe

Ths for sharing

CTISBebe

是的，所有事都有好壞2面。唔知係咪日日都有工課堂，小朋友可以做工課呢？學校有沒有做Tsa 練習㗎？我見有些小一開始要當課外練習。

venetamama

除了星期三之外，其他日子都有功課堂。
一年級小朋友的媽媽，我可以話你知小一頭幾個月可以尚算honeymoon period, 但考中期試唔再讀卷就見真章，好多小朋友成績都明顯跌好多，壓力那時候才真正出現。

enahau

Tsa大可不必擔心，小一，二沒有操練，小三會有一些練習做，但學校不會太重視tsa成績，有老師話，學校過往tsa成績考得不錯，所以並不認為學生要操練。至於功課堂係每日都有。

sml

對於tsa，近期聽到很多人說tsa給學生很大壓力，囡囡去年小六，不覺得有什麼tsa壓力。學校真的不大著緊，完全沒有為tsa補堂，有的只是一本練習，十分慶幸

CTISBebe

Ths for the sharing!!!!