自閉症兒童會鐘諗攬人，錫人嗎？

yiyi0401

我仔係早產b,一直所有發展都慢，依家已經21個月，但評估左只係1歲大既bb,而且仲未識講野，仲係bb話，叫佢唔鍾意望人，鍾意轉野玩(但我教佢玩其他野，例如入錢箱，佢會肯入)

見過一個兒科醫生，聽到我仔既情況咁，話佢好大機會有自閉症，叫我再大小小去搵專家評估，因為依家仲細，未知，但因早產，出世後 10個月大 已經照過晒腦既mri,腦電圖， etc ，話佢完全無問題，咁究竟會唔會係後天影響？

但等2次覆診，見另一個兒科醫生，我問一問佢可否轉介下 想幫阿仔做評估(因為上次兒科醫生話佢有機會係自閉)，醫生聽完我講，就同阿仔簡單咁玩左一陣，就話我仔唔似，又話佢所有發展都慢，又唔係單一方面慢，所以唔似，但我都希望係咁，只怕佢唔想寫封信幫我轉介，而錯過左。。

另外，我仔每次見到其他小朋友都會好開心，好想去攬人，錫人，哩點我就覺得佢唔似，我都想了解多d,想幫到我小朋友。

謝謝大家! 歡迎大家可以給我意見嗎？謝謝

DENNIS201

首先唔好盡信普通兒科醫生，普通傷風感冒或其他兒童病佢地就識，自閉症譜系既特徴同情況佢地未必熟，要盡快搵合資格既兒童心理專家評估，萬一有問題都可以盡快排位等服務

DENNIS201

我仔歲半時父母覺得唔對路，叫名唔應，自轉，玩車輪，尖叫，唔識手指指同分享，但去到健康院見姑娘話佢唔似，因為會同姑娘互動玩又有望，結果無任何轉介。好在我地之後搵私人評估，再拎住份報告周圍搵服務

yiyi0401

原帖由 DENNIS201 於 15-09-20 發表
我仔歲半時父母覺得唔對路，叫名唔應，自轉，玩車輪，尖叫，唔識手指指同分享，但去到健康院見姑娘話佢唔似 ...

我岩岩講果兩個醫生係政府醫院入面既兒科醫生。。。唔係普通診所果d家庭醫生呀

同樣兩個都係一間醫院既，見兩次兩個唔同講法。。。。

另外一個話我仔有d似既係 醫院入面既職業治療師呀。。。

yiyi0401

原帖由 DENNIS201 於 15-09-20 發表
我仔歲半時父母覺得唔對路，叫名唔應，自轉，玩車輪，尖叫，唔識手指指同分享，但去到健康院見姑娘話佢唔似 ...

明白，我都有d咁既感覺，第2次見果個醫生就係咁，我話我仔玩轉既野，佢話我係到睇唔到有喎，我話佢唔講野，佢話我仔發展慢，係一個1歲左右既bb,俾多d時間關心佢，教佢啦。。。咁岩佢俾左個野我仔玩，醫生話係屋屋，我仔咁岩就用bb話回應佢，所以佢覺得我仔表現好好，又嘗試表達，其實係想講野。。。。

我都好想出去搵人評估下，可以及早幫到阿仔，但我唔識，唔知可以點做

DENNIS201

我仔兩歲三個月，等左九個月第一次CAC評估，結果寫有自閉症徴狀加排I位，好彩我九個月前已經私人評估完，排位早左，宜家已經番左I位幼稚園半個月了！

DENNIS201

就算CAC高級兒科醫生我都覺得唔夠，除非小朋友嚴重到好多野非常明顯，例如入到房只叫喊同訓地，又唔肯坐住同你做桌上活動，完全唔理人只沈迷玩某些野之類

yiyi0401

原帖由 DENNIS201 於 15-09-20 發表
就算CAC高級兒科醫生我都覺得唔夠，除非小朋友嚴重到好多野非常明顯，例如入到房只叫喊同訓地，又唔肯坐住 ...

明白，但我想問自閉症兒童會鐘意小朋友嗎？會鐘意主動咁攬小朋友？錫小朋友嗎？

yiyi0401

原帖由 DENNIS201 於 15-09-20 發表
我仔兩歲三個月，等左九個月第一次CAC評估，結果寫有自閉症徴狀加排I位，好彩我九個月前已經私人評估完，排 ...

好好呀，咁快排到i位，因為我仔已經21個月，一早見左Cac,但因為佢係早產，一早評左佢所有野發展慢，追唔到實際年齡，更加未到達到更正年齡，但無再評其他野，因為當時只得10個月大，但好似問題依家先出黎，我都唔知應該點，返兒科覆診，醫生又幫唔到，問醫生又只答官腔說話。。。

money82

早產幾多？幾多周出世？出世時有冇缺氧情況？你先吾好向自閉方向諗，發展遲緩有很大機會。你要向醫生要求評估再做排位，因為不論自閉和發展遲緩都需要I，E，S位的幫助。早D介入，希望可以持續進步。

LeeCC

亞氏小朋友中意同人玩，但吾識點同人相處，遇到以為系朋友的人，會攬，甚至會錫，我個仔幼稚園時會錫同學，現在小學，仍會攬同學，一見同學不分男女，都熱情地拖人地，不懂與人的距離，貼住人地塊面講嘢，每次都要提醒他，保持距離

球星媽咪

會，過份熱情，我囝間中都係咀，佢番緊e位

琪寶

我朋友的兒子是典型自閉症小朋友，佢好鍾意攬人錫人，唔會理人地鐘唔鐘意，總知佢想攬就揽，想錫就錫

yiyi0401

原帖由 球星媽咪 於 15-09-21 發表
會，過份熱情，我囝間中都係咀，佢番緊e位

Ic,請問e位是什麼呀？

yiyi0401

原帖由 琪寶 於 15-09-21 發表
我朋友的兒子是典型自閉症小朋友，佢好鍾意攬人錫人，唔會理人地鐘唔鐘意，總知佢想攬就揽，想錫就錫



  ...

因為成日聽自閉症係唔會鍾意同人玩，所以我以為係唔會有熱情既一面。。。。

yiyi0401

原帖由 money82 於 15-09-20 發表
早產幾多？幾多周出世？出世時有冇缺氧情況？你先吾好向自閉方向諗，發展遲緩有很大機會。你要向醫生要求評 ...

我仔係30週出世，一直都發展遲媛，10個月大左右到cac評估，發展delay好多，所以就安排排早訓，岩岩有得上啦，但只安排職業治療和幼兒，無言語治療俾我仔，佢地聽我講左d情況，再同我仔上左兩堂 就話有小小中自閉症特徵。
但因為之前cac已評估過，我依家唔知點先可以有人幫我仔評估下，我好擔心阻礙我仔日後發展。。。

yiyi0401

原帖由 LeeCC 於 15-09-21 發表
亞氏小朋友中意同人玩，但吾識點同人相處，遇到以為系朋友的人，會攬，甚至會錫，我個仔幼稚園時會錫同學， ...

哦。。。明白，謝謝你分享

Jcat

會，特別係亞氏保加症的小孩（現在都係歸納入自閉譜系）．
我仔上年ｋ３都仍然在校攬人錫人，好彩今年暑假我不停教佢，暫時佢升小一幾星期都無被投訴，哈哈．

Jcat

政府的評估係排好耐，家長可以去協康會或耀能排期做評估，　仲有大口環兒童醫院的私家症，不過唔平架（大約６０００－７０００），而且好似都要排一個月．

helenchanz

Jcat 發表於 15-9-22 09:49
會，特別係亞氏保加症的小孩（現在都係歸納入自閉譜系）．
我仔上年ｋ３都仍然在校攬人錫人，好彩今年暑假 ...

亞氏保加症係咪都係正常咁讀幼稚園架? 如果比幼稚園知有亞氏保加症會唔會被踢出校架?而家K1, 老師叫我地去健康院CHECK 下, 話佢同同齡社交有問題, eye contact比較弱(但呢樣我唔覺). 同埋話佢唔識表達, 出手快過出口,但老師又話佢語言冇問題, 有D唔專心但問番佢又識...同埋又係過分熱情, 對同學仔會攬人錫人.
因老師話家校合作, 如果健康院CHECK到有問題可能去上下堂咁, 但我擔心比老師點, 如果CHECK 到係亞氏保加症唔比佢讀落去.