真心請教, 應不應該入泳隊?

jessielui2004

我女升小學開始在泳天學游水, 現在8歲, 剛考完試亞sir叫她入泳隊, 現有以下問題:

1)想給亞女試下, 但1星期游3日怕沒時間溫書, 影響成績
   (校內成績(津小): 考最差全級30%內, 最好全級頭5)。
2)亞女也喜歡跳舞, 曾1星期跳3日舞(1日跳學校西方舞, 2日跳芭蕾舞),
   現仍想keep住跳西方舞, 會不會太累?
3)入泳隊費用大約要$5,000(3個月), 另外, 入會費$1,300(1年), 值不值?
4)如果再升級, 費用會不會再增加?

希望有過來人家長幫忙分析一下, Thank you!

仔仔錫錫你

似“涼”水多過操水

jessielui2004

回覆 仔仔錫錫你 的帖子

Sorry, 我並不是指泳會值不值或是教練值不值, 而是為了亞女興趣值不值?

Jane1983

亞女自己點諗？

操水係幾刻苦的訓練，用的時間和精神多，興趣和天份都有緊要。

jessielui2004

回覆 Jane1983 的帖子

我就是想試下佢可唔可以刻苦, 意志夠不夠。 其實之前刨過下文, 知操水係好辛苦, 所以怕佢3分鐘熱度, 所以先心大心細, 唔知點好!

KimB

最緊要繁小朋友是否應付得到?
至於收費方面, 對比泳班是平了少少, 但泳隊沒有補堂, 唔返要同教練交待。
自己小朋友都係泳天學緊, 都係泳隊, 一星期練4日, 有時仲要加操, 因為越高級, 教練就會越有要求, 小朋友有時都會叫累, 我會因應他的功課測驗的來adjust練水時間, 有時太忙會停一兩堂唔返。

edith208

jessielui2004 發表於 15-9-17 09:37
我女升小學開始在泳天學游水, 現在8歲, 剛考完試亞sir叫她入泳隊, 現有以下問題:

1)想給亞女試下, 但1星期 ...

德藝會的話, 呢個價$, 主要交場租
要有取捨, 阿女的意願都好重要

edith208

KimB 發表於 15-9-17 10:11
最緊要繁小朋友是否應付得到?
至於收費方面, 對比泳班是平了少少, 但泳隊沒有補堂, 唔返要同教練交待。
自 ...

我都係咁做, 暑假, 學界前練多D, 之後游基本3或4堂, 學校考試前請假, 教練明白的

pamelaywy

我親身識一個操泳天的小朋友，操水是要求極高的活動
最勁一個星期操九次，即一星期有兩日要操早晚
而且其實制度極汰弱留強，如果負擔不起這麼多時間，就會被汰
大部分這樣操的小朋友，功課成績不能要求高（放學都三四點，食少少野，場地做功課，操完番屋企食埋飯收拾已經八九點），日日如是。這幾個星期六日選拔出賽，上午晨早操，中午比賽，黃昏再操，你要考慮是否頂得順這種生活
（小朋友只是小學生）
而且小朋友本身要愛游水

jessielui2004

回覆 pamelaywy 的帖子

謝謝回覆, 明白到操水真的是很辛苦, 好敬佩在努力中的同學和家長
今日回家我會再問清楚小女是不是認真的游,
認同錢是其次, 恆心和毅力才是最重要,
依個先係學的重點。

786

原帖由 jessielui2004 於 15-09-17 發表
本帖最後由 jessielui2004 於 15-9-17 09:38 編輯

我女升小學開始在泳天學游水, 現在8歲, 剛考完試亞sir ...

游水有點講天分。有見點操都無進步，有見無咩狂操都拿獎。咁看看小朋友意願吧

jessielui2004

回覆 786 的帖子

謝謝回覆!
亞女有無天份我又唔清楚, 但未學游水前佢係畏水既, 之後為左約同學玩, 所以求左我幾次先俾佢學。之後去泳天學左3個月, 克服左畏水及識游自游式加少少背泳, 但蛙式都學左差不多1年先掌握到,
現在就想睇下佢發揮左小宇宙未! 但又驚佢頂唔順!  進退兩難, 所以還是再問清楚, 由她自己決定。

aminafy

泳隊... 依家1星期3日，遲D1星期五日，自己諗。

786

原帖由 aminafy 於 15-09-17 發表
泳隊... 依家1星期3日，遲D1星期五日，自己諗。

又唔係，有人游了四年都未有進升，也沒有出賽。其實，睇到有無天份。拿到獎，當然想再拿，4天，5天，6天咁去小朋友都情願。游得一般，沒有獎，游兩三年都無「癮」，自動離開。我覺得，試下先，唔試點知咩事。

tinyan1977

我覺得如認真要有成績的話，游水/跳舞只可選其一，因跳舞用好多腳/小腿，那麼小腿肌肉組織會變密(即係會沉), 打腿會比較吃力，尤其踢背腳會仲辛苦! 我女七歲每週游六節，大女十四歲每週九節(四天早水6am) 非人生活! 放棄好易，堅持要好有意志，好多游泳健兒都於青春期時候放棄了，真可惜……回正題! 游水喺機械式一個人的運動，比跳舞的羣體有交流活動差天共地!

jessielui2004

回覆 tinyan1977 的帖子

其實佢之前已經放棄芭蕾舞, 現在只跳學校的西方舞, 一星期跳一個鐘, 影響應該不大。 我俾佢繼續也是想佢多D群體生活, 不竟我只有一個小朋友, 有時佢係屋真係會悶D。

edith208

原帖由 tinyan1977 於 15-09-17 發表
我覺得如認真要有成績的話，游水/跳舞只可選其一，因跳舞用好多腳/小腿，那麼小腿肌肉組織會變密(即係會沉) ...

泳天的暑期加訓，培養阿女和隊員的team spirit, 一起操，一起玩，教練都用好多心機，又會個別傾偈輔導，家長、教練間的溝通都好重要，佢地睇住我兩女大，都幫我加強阿女的EQ.負擔不起時間就要自己取捨，不能怪游水影響學業，這個好多家長都明白。

JOJA

原帖由 jessielui2004 於 15-09-17 發表
回覆 786 的帖子

謝謝回覆!

那一個泳？

JOJA

原帖由 JOJA 於 15-09-18 發表
那一個泳？

那一個泳池?

tinyan1977

影不影學業就見人見志，我隊有兩位隊員游水又掂(champ分齡個人冠軍), 又全級考第一! 分別喺小朋友肯唔肯快手快腳温書做功課和犧牲睇電視、打機及上網時間!