兒童圍棋

cacachow

想問下有無邊間棋院學棋好?  小朋友四年級, 學咗兩年.  但因為本身間棋院人數太少(得佢一個四年級, 其他係幼稚園生), 無乜對手可以捉棋. 最近轉咗間九龍比較大間有分校的學.  上初高班, 棋力16-22級.  佢本身一直都唔知自己幾多級, 係參加比賽有奬, 棋力有21級
但係, 上咗兩堂, 小朋友話佢教D野全部學過晒, 1個鐘15分鐘, 阿SIR一半時間講書, 每堂只捉得1盤棋.  佢以前捉2-3盤.  MISS 逐鋪睇逐鋪教, 而且佢話同佢捉的對手棋力20級, 但同之前嗰間D幼稚園生差不多.  想問下, 其實出面D棋院係點?  有無邊間有多些時間捉棋?

MC1128

cacachow 發表於 15-9-16 13:52
想問下有無邊間棋院學棋好?  小朋友四年級, 學咗兩年.  但因為本身間棋院人數太少(得佢一個四年級, 其他係 ...

香港有兩間最大規模的棋院, 名稱唔提, 家長好易找到

就我所知, 棋院是非常非常歡迎同學隨時來下棋, 隨便找對手(同學及有空閒時間的老師), 如果對方棋力高, 會讓子, 不用擔心要找實力相若的對手下棋, 點解每次只練一盤咁少?


若真有興趣, 在家也可上網在線找對手

家長又可以加入圍棋協會, 有定期活動, 與各路對手對弈, 有比賽及測試是評核棋力的

yng008

其實級數越高, 下棋時間越長係正常既. 16-22級預半小時下棋冇問題，其他棋院也不多. 若小朋友棋力比較高的話，阿sir應會留意得到, 應比其他同學快升級.  最大問题我想還是小孩未升到相若級數之水平, 建議你可以找阿sir 傾傾可否跳級.

cacachow

多謝晒你們的意見.
本身住新界西北區, 無乜有規模有系統的棋院, 身邊又完全無其他小朋友對圍棋有興趣, 想組班都困難, 個個都出九龍學.  阿仔又特別對圍棋有興趣, 所以最近特登每星期出九龍學.  暫時上咗兩堂, 佢就覺得太淺.  可能下堂出去同阿SIR傾下, 其實佢志在找人陪佢捉棋, 無奈我身邊真係無.....

在度問下....有無住屯門元朗小學生, 鍾意捉圍棋呀?  PM我丫

yng008

其實屯門元朗都有很多圍棋班, 可惜大多數只係有初/中班, 上到高班無可避免都係要到九龍上堂。你囝囝兩年才到22級實在升得有點慢, 在一般棋院 , 假如能跟上進度, 一年升10級並不難, 兩年理應上到10級以上之水平了.

cacachow

回覆 yng008 的帖子

謝謝....我一直都唔知佢係咩級數...係上個月參加咗個圍棋協會比賽, 入門組攞到奬, 棋力叫有21級.  所以諗住幫佢報16-22級初高, 佢又話原來學過晒.  因為本身學間棋院得幾個人, 根本無得比較, 又唔知出面係點.....呢項活動, 我見九龍香港區好COMMON, 但新界西....我問咗好多....真係得入門班

yng008

依個比賽吾易玩，話入門組其實D對手都吾係入門啦, 如果囝囝玩開19路棋盤， 你試下同阿sir講直入中班試試吧.

cacachow

回覆 yng008 的帖子

謝謝.  我星期六同阿SIR傾下先