懇請高人指點：孖胎分開抽，多個機會嗎？

Babyarsene

原帖由 cherishbaby 於 15-09-08 發表
本帖最後由 cherishbaby 於 15-9-8 10:47 編輯

回覆 nkf 的帖子

我相信唔會因為你有個孖生而插班一定收！仲有，要插班首要又係成績好先，所以所有嘢都唔係只係有個人喺入面讀咁簡單！不過我樓主都差不多決定分開抽，咁真係要諗清楚自己可以manage 兩個唔同學校嘅問題！仲有，樓主你咩網，唔同網決定又可能唔同，要睇下你係得天堂同地獄定係都有不錯的二線！

AgapePa

原帖由 cherishbaby 於 15-09-08 發表
回覆 nkf 的帖子

(1) 該主任意思係，佢知道有某啲學校係會因為您有一個收咗，而收埋另一個。但佢嗰間係名 ...

我見過幾個孖胎叩門的case, 好似真係有優勢. 原因係兩個去考直資，大仔考到無得抽，另一個抽中地區一線尾，最後真係叩到細仔間津校，大仔放棄直資。

helenmail421

但你呢個case係因為細路叻而成功叩入定因為有兄弟派咗入去而收佢，who know? 博唔博由家長諗啦！

babyaabb

原帖由 cherishbaby 於 15-09-08 發表
本帖最後由 cherishbaby 於 15-9-8 10:47 編輯

回覆 nkf 的帖子

「一定要收」，除非有 Black and white 寫明，否則我唔會信。名校插班睇成績，運動或音樂。
我識 twins 考直私（2線），1 個有 offer 另一個 reject , 連 2nd in 也沒有，寫信也冇用，現在真的要分開學校，阿媽啱啱開學睇通告睇到C !

Charlotte_mom

如果果間學校個主任講到插班必收, 咁你可以搏下一個抽呢間, 一個抽另一間, 就真係兩個機會了
不過我唔認為好多學校有呢個"必收"機制呢

little_yolky

cherishbaby 發表於 15-9-8 10:46
回覆 nkf 的帖子

補充一點，當日名校主任，話插班"一定要收", 我都好懷疑，但佢真係笑得好隱晦咁再次答我" ...

叩門/插班一定係睇成績, 老實講, 你叩得插得, 都一定係出名既學校吧, 所以, 一定係睇成績。我唔明點解果位主任話考插班一定要收, 因為收插班係學校既自由, 唔收你耐佢唔何的。
如果你唔綑縛, 有九成九既情況會係兩個派唔一樣既學校, 唔一定兩個都好, 或一個好一個唔好, 或兩個都好, 真係要睇運, 但結果大部份情況都係派校唔一樣, 其中一個要叩門。如果你同小朋友做好叩門既心理準備, 你就試試吧, 否則, 你要有心理準備升小一時要教兩份唔同既功課, 執兩個唔同校但同年級既書包, 準備兩個唔同既測考時間, 兩個校曆, 真係諗起都顛。

Babyarsene

原帖由 AgapePa 於 15-09-08 發表
我見過幾個孖胎叩門的case, 好似真係有優勢. 原因係兩個去考直資，大仔考到無得抽，另一個抽中地區一線尾， ...

咁大仔考到直資係咪有一定實力所以得呢？

AgapePa

cherishbaby 發表於 15-9-8 10:31
回覆 nkf 的帖子

(1) 該主任意思係，佢知道有某啲學校係會因為您有一個收咗，而收埋另一個。但佢嗰間係名 ...

可以計下或然率睇吓博唔博
假設某一線津校抽中机會率是30%.
情况1. 兩個都中 :  30% x 30% = 9%
情况2. 一個中, 一個唔中, 要叩門 :  30% x 70% x 2 = 42%
情况3.  兩個都唔中 : 70% x 70% = 49%

如果簡間次熱,抽中机會率是40%.
情况1. 兩個都中 :  40% x 40% = 16%
情况2. 一個中, 一個唔中, 要叩門 :  40% x 60% x 2 = 48%
情况3.  兩個都唔中 : 60% x 60% = 36%

結論 "兩個都唔中" 机會率頗高

ylmanhk

原帖由 AgapePa 於 15-09-08 發表
可以計下或然率睇吓博唔博
假設某一線津校抽中机會率是30%.
情况1. 兩個都中 :  30% x 30% = 9%

我之前講咗，成功及失敗的機會都大咗⋯

yauyingbb

其實這只是作最壞打算去扣門的所謂優勢，事實又是否如此？
一個中，一個唔中，咪又係煩。
我上年都有人同我講孖嘅有著數，因為其他人只睇到好一面，抽到就2個入哂。但扣門對孖黎講係好高難度，除非2個小朋友都非常出色。否則，學校都想收個叻的。

wonglily

yauyingbb 發表於 15-9-8 15:29
其實這只是作最壞打算去扣門的所謂優勢，事實又是否如此？
一個中，一個唔中，咪又係煩。
我上年都有人同我 ...

我睇嘢比較負面，如果分開抽兩個都抽到唔理相嘅學校，那豈非世界末日，找一個插班位都辛苦，若找同一校两個位更難。

nkf

cherishbaby 發表於 15-9-8 10:31
回覆 nkf 的帖子

(1) 該主任意思係，佢知道有某啲學校係會因為您有一個收咗，而收埋另一個。但佢嗰間係名 ...

明白你既擔心憂慮。我個人覺得分開抽唔係一個聰明既做法，有啲捨本逐末，用粗疏計算方法計一計 (有錯指正):

2015年派首三志願有68.2%，參考呢段新聞，http://topick.hket.com/article/6 ... 6%E5%9B%9E%E5%8D%87

減番唔同校網、人口上升、派首二/三志願等等因素，斷估(真係斷估)2016年派首志願有5x%-6x%，我假設有56%，

捨本
A) 一齊抽，
結果可能係 (A1) 抽得好；(A2) 抽得唔好
(A1) 機會率 = 56%；
(A2) 機會率 = 44%

B) 分開抽，
結果可能係 (B1) 兩個都抽得好；(B2) 一個抽得好 + 一個抽得唔好；(B3) 兩個都抽得唔好
(B1) 機會率  = 56% * 56% = 31%
(B2) 或 (B3)  機會率  = 69%

結果係(B2) 或 (B3) 你都頭痕，頭痕機會極高。

結果就算係 (A2) / (B3)，我都覺得都比(B2)好。一齊叩門、一齊求學校收、一齊讀一間唔好既學校都叫做有伴，小朋友情緒問題少啲。

逐末
一個抽得好 + 一個抽得唔好，小朋友感情好一定問點解分開、點解派得差呢類問題，你要處理佢地情緒問題 ，仲要寄望叩門時，學校會有「潛規則」，酌情收埋派得唔好嗰個。仲有之後，跟功課、考試、課外活動呢啲....

如果你揀校排序排得好，唔好太進取，派到首志願再輕鬆啲去叩門，.....

Babyarsene

原帖由 nkf 於 15-09-09 發表
本帖最後由 nkf 於 15-9-9 10:00 編輯

Agree! 一係一齊好彩，一係一齊唔好！一個好一個唔好，你解釋係唔好彩，佢哋咁細，明嗎？

sissysze

二年前叩kln女校小一，1st in見有一對孖女，因為好活潑，好深印象。2nd in只見阿媽帶得一個嚟in, 最後據說應該二個都叩唔到。

cherishbaby

非常感激各方意見和分析。由於我兩個小朋友性格好唔同，一個文静、一個活躍，綑綁式選校對佢哋亦未必係好事，加上如抽首志願失敗，相信想揾其他學校肯收晒兩個叩門機會唔大(因為面試都要講天時﹑地利、人和) ，所以我先有此憂慮。

Babyarsene

原帖由 cherishbaby 於 15-09-09 發表
非常感激各方意見和分析。由於我兩個小朋友性格好唔同，一個文静、一個活躍，綑綁式選校對佢哋亦未必係好事 ...

咁嘅話我認為係性格而選校而非考慮機會率！仲有，文靜同活潑都可以讀同一學校，我唔信一間學校只有文靜嘅人，or只有一類性格嘅人先啱讀！不過你係媽咪你最清楚！但想講下好嘅津校十間有九間都係谷，而你眼中好嘅學校相信都係一線學校！你之前講嘅係入好校機會率，分開抽好似機會大啲，起碼幫到叩門。如你已諗到叩門插班，咪又係諗住佢哋最終讀同一間？
我諗你已決定了，祝好運！

cherishbaby

回覆 Babyarsene 的帖子

首先多謝您嘅寶貴意見與祝福。冇錯，我兩個小朋友性格好唔同，真係有朋友建議我應該因應佢哋性格分開選校、分開抽，我亦明白分開讀，父母會好辛苦，所以我一直希望揾間中融、唔好太谷，盡量能乎合二人需求嘅學校比佢哋一齊讀，其實我想首選嘅只不過係區內二線學校，聽聞動静皆宜，加上壓力唔算大，所以深得一批唔想太辛苦嘅區內父母垂青，所以即使係二線學校，亦唔一定中獎(因為去年都識人抽唔到) 。正因如此，亦可能我過份悲觀，加上又不懂各項選校數據分析，不懂命中率推算，所以才作以上"最壞打算", 並希望各位同路人/有經驗人事給予意見。
經大家意見分析，我會同老公好好考慮一下(仲有十幾日嘛),  總之依家盡量走訪、參觀區內所有心儀/非心儀學校，將來即使抽唔中，又叩唔到門，都唔駛對間要入讀嘅學校一無所知。

Babyarsene

原帖由 cherishbaby 於 15-09-09 發表
回覆 Babyarsene 的帖子

首先多謝您嘅寶貴意見與祝福。冇錯，我兩個小朋友性格好唔同，真係有朋友建議我應 ...

不用客氣！如係二線，睇下乙一機會大唔大，如大，我又認為一齊抽同分開抽都冇咩分別！
希望之後收到你好消息！

bb2

分開抽唔見得有咩好處?叩門同插班又唔係必收....一個好一個唔好又煩,...兩個唔好仲煩....就算好彩兩個都抽得好但唔同學校咪又係煩....何必自尋煩惱