呈分試的視藝科呈分問題

大件仔

請問有無家長知, 視藝科呈分考D乜野? 小兒視藝科一向成績不好, 每次都是剛剛合格, 因為明年要呈分, 想在今年出去補一補, 但唔知學D乜, 無從入手.

Yanamami

考乜都有可能，阿女呈—係要設計清潔校園吉祥獸｡當然評分計創意同畫功~

大件仔

咁樣是不是上畫班就有幫助

小曳人

我就唔會花時間精神响呈分試比重唔高，小朋友又無興趣嘅嘢上面

相同嘅資源，放响比重高嘅科目就有意義得多！
當然，小朋友自己想去玩下就另計

ppmmbb

我朋友話我知，凡返屋企的視藝科習作，都是家長幫小朋友做，否則會好低分！
我聽到都嚇親！

ppsfung

ppmmbb 發表於 15-9-4 15:50
我朋友話我知，凡返屋企的視藝科習作，都是家長幫小朋友做，否則會好低分！
我聽到都嚇親！ ...

間間學校做法不同, 我女學校P.5-P.6的視藝功課, 只可在堂上做, 學校有個櫃比佢地放視藝作品, 未做完的下堂繼續, 不可帶回家, 亦只能用學校提供的材料做.

Yanamami

ppsfung 發表於 15-9-4 16:32
間間學校做法不同, 我女學校P.5-P.6的視藝功課, 只可在堂上做, 學校有個櫃比佢地放視藝作品, 未做完的下堂 ...

Same here, P5/6視艺呈分試係堂上完成。

mcl203

小曳人 發表於 15-9-4 15:31
我就唔會花時間精神响呈分試比重唔高，小朋友又無興趣嘅嘢上面

相同嘅資源，放响比重高嘅科目就有意義得多 ...

都唔係嫁...(間間學校唔同)....我小朋友果間中英(每科有4..5小項)係佔22.5%...VA 得一項都佔7.5% ~~~

小曳人

mcl203 發表於 15-9-4 17:11
都唔係嫁...(間間學校唔同)....我小朋友果間中英(每科有4..5小項)係佔22.5%...VA 得一項都佔7.5% ~~~
...

中文、英文及數學科的比重為九，常識科為六，視藝科為三，音樂科為二。
有d學校會加埋宗教

間間學校大同少異
其實我個VA都係緊緊合格，但我真係無理佢，留返多d時間玩好過！(平時已經夠忙)

mcl203

小曳人 發表於 15-9-4 17:27
中文、英文及數學科的比重為九，常識科為六，視藝科為三，音樂科為二。
有d學校會加埋宗教

9x3 + 6 + 3 +2x2 = 40 (視乎不同學校)

VA = 3/40 = 7.5%.....都有小小影向嫁

9果D 中英....要計埋卷+作+聆+聽...有時直覺咁睇.... VA 可以舉足輕重 ~~~

aeiou_drm

我仔學校的 VA 有 手工， coloring 。。。 計平均分， 而且爲公平起見， P5, P6 只可在堂上做。

我覺得只要叫小朋友盡力去做就可以， 因爲分是以 5 分上， 80, 85, 90 。。。老師見學生有盡力， 不會比太低分。

與其花時間上VA class， 不如利用那些時間去溫書，（除非小朋友有興趣）， 還花得值。

selina1109

原帖由 大件仔 於 15-09-03 發表
請問有無家長知, 視藝科呈分考D乜野? 小兒視藝科一向成績不好, 每次都是剛剛合格, 因為明年要呈分, 想在今 ...

我仔相反视藝通常拎A，有一次小五下測考拎D，即刻問老師，原來用雕刻刀雕膠板，雕晤深，死左。好彩呈分又拎A，即係話有時有d科老定得，都晤係一定。

大件仔

見亞仔咁耐VA科都係6字頭, 想用D時間上D堂, 希望上返8字頭唔好差得咁緊要

IvyPluto

VA 好主觀, 我個仔三歲便上外面的畫畫班也在外面畫晝比赛攞奬. 但在學校VA 四年來都是得60-75分, 我問亜仔㸃解，他話學校要畫D野好悶同埋老師一定要用果D 野畫, 所以是旦畫. 有次我見佢畫的素描好靚但也是得75分, 所以我也勸你不要浪费時間和金錢, 真的不會只上幾堂畫畫班便升上8字頭.

germainehui

原帖由 大件仔 於 15-09-04 發表
咁樣是不是上畫班就有幫助

個人覺得學畫畫對視藝科係有幫助的，我囡由K3開始學畫畫一直到五年級下學期考呈分試，佢嘅視藝科成績一向都唔差，自細有個基本功係幫到的，不過如果而家先來學，仲要係速成，可能未能達到預期的效果。

chan.mancy

想問下音樂呈分又多數考什麼?謝

aeiou_drm

原帖由 chan.mancy 於 15-09-06 發表
想問下音樂呈分又多數考什麼?謝

我地學校會比小朋友揀唱歌/奏木童笛。上堂教過的。
另外加一份 written  卷。

洋蔥頭媽咪

個人覺得視藝, 音樂呢d就算呈分比重都唔應該咁高，甚至唔應該計呈分，VA有時好主觀，音樂亦唔係人人有天份，尤其男仔，唔太公平，正如體育通常男仔會叻喲，但又唔計呈分