迦南幼兒園校車安排

sharonho98

剛剛收到校車叔叔致電，他說落車要在對面馬路落，而且對面馬路車輛是較急速，我解釋他仍不接受，不能夠安排較安全位置，但其實是很簡單，只是他不想再兜多個圏給小朋友，他這行為罔顧小朋友安全，做家長真是非常失望！

AJH

校車司機同時照顧其他小朋友嘅需要，會唔會係如果唔係對面落車的話會兜遠？方便咗你，但其他學生要坐耐咗車遲番屋企又嗰d小朋友公平咩？再者，小朋友咁細，接校車點都要有成年人陪同，唔會構成太大安全問題吧？
交得個小朋友坐校車，就應該相信學校，唔放心咪自己親自送或者請專人接送囉

evilmei

迦南校車隊出名係好好。
可以安排到嘅，佢地都盡量安排。
同埋搭校車係應該有大人接送嘛。

佢地仲要照顧其他小朋友嘛，你帶佢過一條馬路係幾分鐘嘅事，但佢兜一個圈，就後面可能成班學生遲一輪番屋企。。

而家我囡讀第二間，直頭要行10分鐘先有得上落校車呀。

迦南車隊好好㗎嘞。。。。