孖B考小一

cmybabies

我對孖女今年K2，想為她們明年報考小一做定功課，希望有JM或過來人可幫忙解答，等我可以有D心理準備，十分感謝﹕

1.
如果Gp in，孖B會同組嗎？

2.
如果 in家長，會in 一次定兩次？

3.
如果一個有OFFER一個無OFFER點算？寫信最後會收番嗎？ 因為孖B各有長短，間間直資/私小都幾千人考，自覺要同時有OFFER有D難

4.
有小朋友正在直資/私小的JM，你們的小朋友有孖B同學嗎？

5.
孖B叩門是否難上加難呢？(得咁少位，仲要俾兩個我)

謝謝大家

Charlotte_mom

1. 一般學校會盡量將前後一齊入的申請分組，以我仔學校為例。親身交申請時，校務處會在幾款回條隨便抽一張，以免前後申請在一齊面試
2. 應該係見兩次掛
3. 的確有收一個唔收一個情況，叩門都要睇先後次序，唔係必收的
4. 讀直資，班中有孖b同學
5. 有朋友孖女齊齊插入區內龍頭津小小二，亦有孖女雙雙考入超名校（中一）。一切都要睇資質

cmybabies

Thanks Charlotte mom！

無錯一切都係睇資質，仲有天時、地利、人和！

希望學校會體諒我哋呢d working 孖媽，起碼比我地同一日in，如果分幾日，都唔知點請咁多假！

twllc

我上年幫孖仔報直資私校, 差唔多所有學校都會一樣時間但分組見, 或前後時間見。

我覺得大部分學校, 如果一個見得好一個差, 多數會2個一齊reject, 不過都有exceptional case, 孖仔考一間2線私小, 一個第一round收左, 另一個見多次先收。而我孖仔將讀果間二線直資係再叩門考多次時一齊收; 另今日收到另一叩門私校offer通知, 但只收一個。

cmybabies

Thanks twllc, 收一個唔收一個真係好麻煩！

celialauck

當日我呢個時間也有你這個疑慮的，聞說私校的真的有可能會收一個吾收一個，所以你報多幾間稳陣，今年我對孖仔並沒有考私校同直資，但他們各方面的質數差不多，in 了三間都多人競爭的津校，interview時間同日的，但學校會分開組別，最後兩間學校都一齊收了兩個仔，另一間入了second in 但無去。Goodluck 吖

cmybabies

Thanks Celialauck! 多謝你回覆！請問你孖仔是叩門官/津小？

快開學了，祝你的囝囝們學習愉快

twllc

我相信扣津小和官校會一齊收或一齊唔收, 我今年叩有2間津小都一齊收, 剩餘就一齊唔收...