校服一問

littleky2009

請問一星期幾多天穿正常校服？ 幾多天穿運動服？ 謝謝!

mimi1102

littleky2009 發表於 15-8-10 14:58
請問一星期幾多天穿正常校服？ 幾多天穿運動服？ 謝謝!

其實都幾難答, 基本上每星期會有一日係PE堂, 必須要著PE 衫, 但有時有D ELA, 都需要著運動衫, 例如JAZZ, 足球....所以都幾depends on 你小朋友會參加咩野活動.

Charlotte_mom

前排PM覆左個家長, 抄黎有用 (貼下相先)

有時要睇時間表, 除PE外, 咩武術單玩戲劇單元都要著PE, 有時連著幾日運動, 有時連著幾日FORMAL, 不過2 FORMAL+2 CASUAL應該無錯

提提你:
1. 星星LOGO背心你自己睇下買唔買,  因為學校其實可以著一般寶藍色冷衫/背心/長袖短袖, 總之係寶藍冷/線就OK (春夏秋冬有需要隨時著)

件星星冷背心又的確幾靚仔, 同襟著(所以好多二手貨因為襟捱, 著完都非常新淨), 鐘意咪買lor, 無所謂, 不過我呢d上左年紀的c9比較精打細算

2. 學校已經講左, 冬季PE外套(薄果件風褸)可以一年四季當風褸著, 又輕又好用, 好多學生鐘意; 反正冬天都要買, 好多家長當然著足4季啦, 樣辦如下(襯咩都得, 夏天著都得):

其實冬天齋著track褲+運動長袖t-shirt上衣已經合格(如下圖), 不過90%家長都會買埋件風褸, 因為靚仔又好著, 件風褸又係好鬼襟, 好多2手貨, 褲就一半半, 因為小朋友會仆親就會穿窿



3. 仲有, 其實基本上除左某幾日指定日子(其實就係年尾影班相/出外比賽/樂團/童軍果D), 無論CASUAL定FORMAL, 都係可以自由著白運動鞋, 所以你好快發現小朋友係一年都係著住白波鞋, 可以考慮買好D質數, 黑鞋反而得個擺字(高年班攪笑事件簿: 去到年尾連黑鞋都唔鬼見左, 要借鞋影班相)

4. 其他冬天校服冬天再算, 話聲你知, 除運動外套, 冬褸有3款, 有一件抓毛背心, 一件抓毛長袖, 有一件類似GORE TEX, 分開著又得, 一齊著又得, 自由配搭


你睇下學校D相, 真係波鞋多, 黑鞋少, 佢會跑得好開心
http://www.hkugaps.edu.hk/zh_hk/ ... =theactive&&aid=901
http://www.hkugaps.edu.hk/zh_hk/ ... =theactive&&aid=874 (有運動外套+夏天casual / formal真人示範)
http://www.hkugaps.edu.hk/zh_hk/ ... =theactive&&aid=873
http://www.hkugaps.edu.hk/zh_hk/ ... =theactive&&aid=826

家教會一年會有2,3次二手校服回收, 到時留意通告填張form就有免費配對, 有d 2手貨多到暈(尤其高年班), 就會搵機會擺出黎任拎; 講個秘密你知, 咁多年黎我從未買過校褸, 抓毛, 風褸, 全部都係拎返黎的, 慳唔少

白恤衫就難搵2手, 因為洗得多會殘, 長袖t shirt又係洗得多會起毛粒, 呢2樣就買一手無錯了 (長褲要睇好唔好彩, 有時有貨的)

mimi1102

Charlotte_mom 發表於 15-8-11 11:11
前排PM覆左個家長, 抄黎有用

有時要睇時間表, 除PE外, 咩武術單玩戲劇單元都要著PE, 有時連著幾日 ...

學校已經講左, 冬季PE外套(薄果件風褸)可以一年四季當風褸著, 又輕又好用, 好多學生鐘意;  <=== Charlotte_mum, 是真的嗎? 前年聽個女講, 學校話依件外套只可以著運動衫時先可以著, 但係學你話齍, 依件褸又輕又舒服, 所以我女冇理過佢, 著校服都照著.

evaken

我大女貪靚著shirt+裙褲會著黑鞋, 佢話咁襯好睇d, 夏季校服shirt+裙褲+黑鞋好型, 特別冬季灰襪+白波鞋好怪喎細仔就大約3日運動服, 兩日校服+日日波鞋

200709

回覆 Charlotte_mom 的帖子

Very good!!

littleky2009

Thanks so much for sharing the information