急問土瓜灣P3插班邊間學校好

idyhk

我老公個姪女要搬去土瓜灣,我們都唔熟識個邊o的學校,個小朋友成績中上,但性格比較好動,請問那區邊一間小學較為識合她呢,請各位幫幫忙,萬分感激!!   

idyhk

唔該各位好心既媽咪,請指教下我啦,萬分感激!!
    

Hilary

呢區有幾間學校幾好：

1.培道--有直屬女子中文中學
[url=www.ptps.edu.hk ]web site[/url]

2.牧愛、上午校係私立英文小學、下午校係資助
上午校web site
下午校web site

3.協恩--有直屬女子英中
web site

4.農圃道官立小學--聯擊中學為伊利沙伯官立中學（英中）、何文田官立中學、賽馬會官立中學
web site

5.馬頭涌官立小學--聯擊中學為伊利沙伯官立中學（英中）、何文田官立中學、賽馬會官立中學
web site

BillyM

間間都好難插喎

idyhk

Hilary:

首先多謝你既回應,因為我知道插班生現在應該要拿表格,所以比較急,真係唔該晒!!
令外我想問下個小朋友性格比較好動,會唔會馬頭涌官小會比較適合,該校校風又如何呢??thx!!

idyhk

BillyM:

請問呢幾間小學係咪都要考插班試,程度深唔深呢?

個小朋友佢今年考試全級考11,平均分都有93分,咁如果咁成績會唔會有困難,因為佢係我地兩家人既大女,而且第一次搞轉校,我地好多野都唔識,可唔可以指教下,唔該!!

Msma

天神啦，幾好架　！　但讀得唔輕鬆架　！

Hilary

成績咁好不過試下協恩和天神嘉諾撒啦！馬頭涌官小都唔係讀得輕鬆嫁。

BillyM

idyhk 寫道:
BillyM:

請問呢幾間小學係咪都要考插班試,程度深唔深呢?

個小朋友佢今年考試全級考11,平均分都有93分,咁如果咁成績會唔會有困難,因為佢係我地兩家人既大女,而且第一次搞轉校,我地好多野都唔識,可唔可以指教下,唔該!!

天神？唔好喇，你同你女女都會後悔。

首選協恩，因為中學唔駛煩，但亦正因為這原因，最難考。

馬頭埇係第二，不過都唔易考同唔易讀。

牧愛下午近年的水準跌得很勁（我只知高年班是如此，可能現時較低年班而從谷底回升，但我不清楚），應該唔難入。

對農圃道的認識不多，未能評價。

idyhk

BillyM:
點解天神唔好呢,是程度太深還是學校太傳統呢??

idyhk

綜合各位意見,協恩應該會係首選,因為有直屬中學,但有無人知道面試深唔深呢,會考o的咩多,會和家長見面嗎??

我應唔應該多報幾間,以作後備??

BillyM

idyhk 寫道:
BillyM:
點解天神唔好呢,是程度太深還是學校太傳統呢??

我已寫過很多，你可查閱舊post。

總括來說，這校功課多，學校又教得差，平時慢慢教，考試前就趕趕趕，完全唔理學生能否吸收。全班低分就鬧學生蠢，叫家長換補習社，無想過是自己教得差。這不是名校不名校的問題，其他學校功課多、競爭大，但都可以教得好。但天神…你自己考慮。

youma

奇怪bk裹很少人留意聖提摩太小學, 上午校有48%入英中, 活動多, 似乎不俗! :

BillyM

youma 寫道:
奇怪bk裹很少人留意聖提摩太小學, 上午校有48%入英中, 活動多, 似乎不俗! :

係架係架，Best kept secret in this district！可能家長嫌她校舍細，學生背景又比較草根啦，但係都教得幾好，又易入，遲兩年她仲會霸埋對面教統局轉做全日制。

ww1222

Hi! BillyM,

馬頭涌有什麼好呢?
另外, 怎樣知道牧愛下午的水準跌得很勁? 那方面?

Hilary

總括來說，這校功課多，學校又教得差，平時慢慢教，考試前就趕趕趕，完全唔理學生能否吸收。全班低分就鬧學生蠢，叫家長換補習社，無想過是自己教得差。這不是名校不名校的問題，其他學校功課多、競爭大，但都可以教得好。但天神…你自己考慮

  
天神係嘉諾撒教會、以我所知、黃大仙個間嘉諾撒小學功課多但程度都麻麻！

Hilary

而家已經5月、協恩可能已招曬生呀、你快d打電話去問呀！協恩好注重有sport tim呀、sport個方面有好成續易入d！

我有個朋友女女讀何文田一小飛、次次都考到全級考頭幾名、但考協恩考左兩次都唔收。所以、我唸都幾難入到、所以你報定幾間先啦！

BillyM

ww1222 寫道:
Hi! BillyM,

馬頭涌有什麼好呢?
另外, 怎樣知道牧愛下午的水準跌得很勁? 那方面?

牧愛近幾年的水準係下跌得很勁，她的派位好，應是數年前學能測驗的成績好，前人種樹後人遮蔭。我見過她這兩三年的band 1小六生，水準比奉基、聖提摩太等差幾皮，尤其英文，都幾得人驚，上到英中就很辛苦。

我和一個家長傾過，她有一子一女，大仔現在中二，細女小六，兩個都讀牧愛，大佬升到上英中後墊晒底，她說細女的水準比大佬更不如，但在牧愛都算是band 1中間，她很擔心細女升中後如何生存。

另一家長，她引述老師話今年的小三是近年水準最好的，希望已經止跌回升吧。

我沒有確實數據，只是憑個人接觸的數個牧愛學生和家長得出的資料來判斷。

ww1222

BillyM,

Thanks!!