上午york，下午浸幼，好唔好？

coffeespeaker

樓主我有睇你之前的post，可能大家講野重D，但其實既然你的女兒真係好內向，咁真係唔好比太大壓力佢，會適得其反架！另外，大家都知道香港壓力大競爭激烈，但，以你女兒的性格，究竟係一間谷學術的幼稚園好D，定係一間以人為本品德性格引導為主的幼稚園好D？咁細粒人仔，學術可以追返，但性格一旦形成左，係好難改變的，樓主請三思！

mebb622

怪獸家長多的是...

picture

只返York, 明年插Sc or KV K2

rsx

講多都side氣，有d咁既家長，就算比小朋友返半晝，其餘時間咪一樣suck滿興趣班！
如果比我見到個小朋友放學後一路換另一套校服一路食晏，我會埋去祝福佢。

艾文兒B

你咁樣比佢讀2間佢好confused架，鐘意返學應該讀全日，全日同返2間上下午係2回事黎的

pasucheung

原帖由 siden 於 15-08-07 發表
建議你下午俾佢上興趣班，畫下畫，學下phonics, 音樂班，都好過花$讀多間冇學卷幼稚園。使費一樣，但時間fl ...

認同, 何必咁辛苦

heiphy

返兩間真係會冇life的，而且中間食飯又趕頭趕命，又冇得訓午睡，大人走兩場冇休息都會累，小朋友唔係唔覺累，係唔識表達自己有幾累，並且相信自己父母安排一定最好。其實我睇啲文章，話喺屋企hea下，傾下計，玩下小玩具，已經對小朋友心理生理都好好，再講3，4歲人仔如果每日得到足夠休息，抵抗力好啲，又會長高啲，百利而無一害架，如佢真係唔肯訓，先搵啲興趣班啦，總有一間佢唔抗拒，但起碼時間控制易啲。

creamb

原帖由 winnietingting 於 15-08-12 發表
在九龍塘三角公園，我見小朋友怱怱換校服，怱怱食飯，食完很想睡，但睡了5分鐘被拍醒，要返學啦！
...

只能說：人間悲劇！

Happymama330

現今咁細個人仔就要經歷爭學位就係多得有這麼多的怪獸家長，有人冇書讀，有人又要返两間，到底是否真的站在小朋友的立場想？

cpc608

回覆 lilygang 的帖子

Definitely not a good idea

babycherie

浸幼是一間非常好的學校，小朋友好presentable, 而且全部活動教學，冇功課，小朋友好enjoy, 因為每日都多姿多彩，每日有運動堂和音樂堂，有玩具玩，又去playground, 學校的教程並不是一般九龍塘學校的，而且每個小朋友交的學費是over 100% 用於他們身上，小兒剛K3畢業，我們都十分感謝浸幼在這三年對他的培育，而且亦因為此，考到好多直資小學的offer，最後我們選擇了長沙灣的直資男校，如果你兩間學校中間有一個小時在家中午膳，而小朋友又不需要nap, 我覺得總比放學後去參加不同的課外活，浸幼學的得著更多。小兒當年是九龍塘另一學術幼稚園加浸幼上午班，午餐足足有一個小時在家中吃飯，小朋友也十分享受這幾年的校園生活。

lilygang

呢兩個禮拜有d忙一直無乜時間上網，我上一次睇見無乜回覆以為沈左底添.. 其實我真係唔係怪獸家長，自問無咁既毅力。我d朋友成日話我太散漫。我一直都好鐘意外國個d好野玩得好high個種小朋友，所以我個女6個月大開始我同工人輪流一日帶拒去兩次公園，基本上係公園大。但拒越大，天生內向既性格就越明顯，歲幾時玩到兩個鐘，而家半個鐘都勉強，除左swing拒對其他公園設施一d興趣都無。係屋企就更差。我都好想好想拒係個種自己hae下玩得好開心個種小朋友。但拒自己玩玩具最多1個鐘，有時心情唔好一分鐘都無。我要每一刻都不停engage拒唔係拒就開始悶，一悶心情唔好就發脾氣，小小事就喊，一喊開就好難停，更加唔肯玩。搞到全家人都精神緊張。但拒自從暑假開始番耀中後，發現拒原來好enjoy番學，我覺得拒好鍾意大家一群小朋友跟住老師做活動（但係屋企拒從來唔會跟住我設計既game玩）。老師仲話拒好專心，我真係好感動。拒放學番屋企之後心情同個狀態都好好，可以玩好耐玩具仲會同我一齊玩，真係變左個人咁。拒係鍾意到一話番學玩緊乜都可以停，自動自覺去wee wee換衫著謝走，慢少少都唔得，好期待咁。我唔係吹水曬命。我個女一d都唔o力，自理，學術，社交能力我諗係york應該below average。但拒就係enjoy番學。如果拒番學辛苦唔鍾意，我諗我絕對無能力逼到拒去，我亦唔會咁做。反而係要逼拒去公園，拒會喊，我老公仲鬧我添（但拒係屋企成日發呆遲早都會喊）。所以就係因為咁既情況，我先想同拒報兩間。而且兩間學校都係5分鐘車程。有1個鐘多d係屋企玩＋食。

Amymichelle

點解而家d家長咁恐怖...真係可憐的小朋友

lilygang

babycherie 發表於 15-8-20 06:22
浸幼是一間非常好的學校，小朋友好presentable, 而且全部活動教學，冇功課，小朋友好enjoy, 因為每日都多姿 ...

呢幾日陪個女番浸幼，真係好鍾意呢間學校啊！我覺得york比起浸幼好似補習班咁。拒emphasize既正係我個女最缺乏既野。但我係擔心拒番浸幼咁開心，york咁學術拒會好confused，好似同時infuse緊拒兩種value兩種生活模式咁。但亦都可以話係互補既，始終都係要考小學，浸幼好似成日聽人講係太淺，上到小學會辛苦。而家我地都仲係試探緊，唔知skip nap是否可行。雖然平時星期六日得，但番學一定累好多。如果唔得既話，我一定選擇浸幼！話時話，浸幼好少小朋友喊，d小朋友本身好o力，而且小朋友著得都好樸素，好純品既感覺，我好鍾意呢d。

lilygang

kukarma 發表於 15-8-12 08:59
有無理解小朋友點解去monkey tree會爆喊？

我當時係去太子個間，超細，又暗，無乜窗同陽光。拒一入去就即刻捉得我好實好驚咁，跟住就爆喊。但個排有同拒去開montessori playgroup不知幾開心，拒對環境氣氛好敏感。呢幾日過去kids' gallery睇睇環境，如果ok比個女試下，拒上午有d playgroup，咁就可以唔洗讀york。

siden

樓主其實你有冇考慮俾佢耀中一路讀上去。

看到你之前的post, 以你女的行為/性格，除非有大改進，否則直覺佢唔係谷得果類小朋友。將來考小一，當然也可以揀真道、WKF之類冇咁谷的學校。可是要爭入去呢類學校，都不是容易，要學術操行有番咁上下。既然你唔介意浸幼/York 兩間加埋一個月成皮野，我假設$不是太大concern。你不如想清楚用不用$買一個輕鬆唔谷的一條龍幼稚園及小學生活。YC kinder 係一定全日，也省卻你半日煩惱。當然大前提係你也接受國際學習。

lilygang

回覆 siden 的帖子

多謝你仲記得我之前的post啊。我個女之前只係讀耀中暑期班，耀中上年報過，仲waiting緊，k2可能有得讀。我老公都好鍾意耀中，但我一直都好想個女讀d注重德育，discipline，又唔會谷學術既學校。浸幼真係我dream school。我有一次去公園見到一半耀中小學生係度打機，家長由頭到腳都係名牌，去公園都著曬高爭鞋，係一邊傾計，完全唔理d小朋友係slide上面打機搞到我個女玩唔到。雖然呢個可能只係個別，但我的確覺得鍾意得耀中既，都幾大部分係有錢，覺得耀中係名牌，同埋一條龍唔洗煩比較passive既教育態度。耀中唔差，但for我既理念，浸幼好match到。

lilygang

其實我真係無乜研究過d小學，但如果到時候考唔到理想小學，係咪再揀耀中都唔會好難入？再唔係就衰d，同拒買debenture入。但我直覺覺得我個女番左浸幼會進步好多。拒而家最頭痛既係成日係自己世界裡面，當我地唔存在。所以我覺得有愛心同比到歸屬感既學校好重要。

lui

原帖由 Amymichelle 於 15-08-26 發表
點解而家d家長咁恐怖...真係可憐的小朋友

Good hope kinder 話明如發現小朋友番兩間幼稚園會即時勸退，當然亦冇可能入番小學