可唔可以俾d意見？轉唔轉校好？

cmsm

小朋友由官小升上官中（band 1尾），
小五下 - band 1中，
小六上 - band 1尾，
小六下 - band 2頭，
讀咗一年中一，上學期成績超差（總平均分39到），問過學校補底班，因為唔係最差所以唔可以去讀補底班，
本身自己有上門私人補習，下學期追到總平均分有49.x，但都係唔合格，唔足以直接升班，
現在8月開始要返學校補底班，再考試之後先知升唔升到，
小朋友性格，活動型，但3分鐘熱度，無自信，自卑，諗野較負面，
所以成日覺得自己讀唔到，就唔去讀到了....
現在學校（band 1尾）小朋友無話唔鍾意返學，學校亦都無唔開心事件，
全班考17/31，全級考95/130，
好唔好轉去另一間band 2頭中學呢
想轉原因係唔使下下包尾個埋，等佢有返自信，
大家可以俾下意見嗎

Yanamami

都就开学，想轉都太遲了？

cmsm

原帖由 Yanamami 於 15-08-03 發表
都就开学，想轉都太遲了？

1/ 現在那間升唔升到班都仲未知，要等8月中
2/ 新的那間，問了何時交表都得，只要仲有學位的話

Yanamami

有無同佢商量过？佢对轉校意下如何？

cmsm

原帖由 Yanamami 於 15-08-03 發表
有無同佢商量过？佢对轉校意下如何？

未傾，打算今晚返去問問

Yanamami

已經係中学生，要多溝通啊~~多瞭解佢諗乜、想点，大家互相配合先成事｡大个啦，唔再係家長想佢行東就行東~唔係就算你轉佢去另—间学校，佢亦可覚得無面，唔开心罷讀都係一样。

cmsm

原帖由 Yanamami 於 15-08-03 發表
已經係中学生，要多溝通啊~~多瞭解佢諗乜、想点，大家互相配合先成事｡大个啦，唔再係家長想佢行東就行東~ ...

所以我咪就係話今晚返去問問囉，
但問之前我自己都要諗清楚，考清楚，衡量清楚，先可以開聲架嘛

brother4

同朋友孩子一様，升上b 1孩子讀得辛苦，叩門b 2真冇壓力，但孩子心散，容易學壞，最後去英國升學，住學校宿舍，自信心回來因英制學慢過香港，好像自學結他，因英太悶吧。。。

cmsm

原帖由 brother4 於 15-08-03 發表
同朋友孩子一様，升上b 1孩子讀得辛苦，叩門b 2真冇壓力，但孩子心散，容易學壞，最後去英國升學，住學校宿 ...

我真係未必有能力供去外國讀囉

王家爸爸

cmsm 發表於 15-8-3 13:21
小朋友由官小升上官中（band 1尾），
小五下 - band 1中，
小六上 - band 1尾，

明顯係中游偏下，唔知你小朋友既實際情況，但係覺得小朋友努力啲，應該可以係中游。
如果做到中游，又何必諗轉校？
所以我會建議將精力放係爭取做中游（80名以內），好過諗轉校。

cmsm

原帖由 王家爸爸 於 15-08-03 發表
明顯係中游偏下，唔知你小朋友既實際情況，但係覺得小朋友努力啲，應該可以係中游。
如果做到中游，又何必 ...

但問題就係在於，小朋友無自信，一諗就諗自己唔得，所以就唔去做了，家下有少少係放棄咁.....

王家爸爸

cmsm 發表於 15-8-3 17:39
但問題就係在於，小朋友無自信，一諗就諗自己唔得，所以就唔去做了，家下有少少係放棄咁.....



  ...

其實你要做既係提醒佢，其實離中游好近。唔好比佢感覺離中游好遠，等佢有返信心。

Yanamami

Set个短期合理期望先啦~~年年升1x名，去到考DSE已經係4、50名內~

brother4

可問agent介紹，朋友講很多英私校有奬學金，高至6折，包宿舍費。。。

bb560

原帖由 cmsm 於 15-08-03 發表
小朋友由官小升上官中（band 1尾），
小五下 - band 1中，
小六上 - band 1尾，

我覺得你囝好叻喎！由39分可以補到去49、x分，多咗四分一嘅分喎，咁都無自信心？如果你囝始終要考DSE，我係你就唔同佢轉校，始終都要同同一批學生比拼。如果轉校，我覺得又要面對一D不確定性、、、一動不如一静。

cmsm

原帖由 王家爸爸 於 15-08-03 發表
其實你要做既係提醒佢，其實離中游好近。唔好比佢感覺離中游好遠，等佢有返信心。
...

有提....成日叫佢去試架啦，奈何叫極都唔郁

cmsm

原帖由 Yanamami 於 15-08-03 發表
Set个短期合理期望先啦~~年年升1x名，去到考DSE已經係4、50名內~

已經有set，但佢就係一諗就諗自己無可能做到，所以就唔去做啦

cmsm

原帖由 bb560 於 15-08-03 發表
我覺得你囝好叻喎！由39分可以補到去49、x分，多咗四分一嘅分喎，咁都無自信心？如果你囝始終要考DSE，我係 ...

係呀，佢本身資質真係唔差，只要佢肯去做就得架啦，但現在問題就係佢無自信去做
我講到口水乾，講到喊，都係唔做
其實我係想幫佢由band 1尾轉去band 2頭，希望佢可以輕鬆些，唔好包尾有返自信

cmsm

問咗佢，究竟想唔想升，都係答我話想升，但我話你唔去做，唔去試，就無可能升到
問鐘唔鐘意現在學校，答少少鐘意，唔鐘意原因係某些老師好煩，某些老師講野唔明
問如果轉校好唔好，佢話唔想

Yanamami

cmsm 發表於 15-8-4 09:03
已經有set，但佢就係一諗就諗自己無可能做到，所以就唔去做啦

升10名，每科多幾分就可以。佢有無邊科強dd呢？從果科入手~信心要由成功既經驗build up，佢有科叻就可以帶動其他科。同佢講，有d老師煩/唔明講乜，間間學校有，級級都有，唔明就問到明，老師解唔明就問同學。其實去9x名未去到墊底，要爬升到中間1/3既尾都唔喺唔可能。


佢同個私補老師傾得埋嗎？你可以請個老師鼓勵下佢，讃佢多d，有時差不多年紀會啱channel d，說話啱聽d~你有提佢，成日叫佢去試，要聽就一句都聽左入腦，唔聽，你重重複複講同樣既野都無用，要改下個方法吖~試下同個補習老師夾下計，睇有無其他方法，起碼補習後喺有進步吖~