星期日檔案: 國際學校補習情況

ritz_ng

片中女仔補英中數加各樣才藝，實況真係咁？ 定條片係較誇張例子？

http://news.tvb.com/programmes/sundayreport/55b4fcfc6db28c4251000000

tvmojoedu

我覺得佢雖然讀國際學校，但家長就用local果一套去谷，本末倒置

lovecasey

睇完我好驚。果啲家長好似覺得係必然同無問題，啲小朋友反應講出問題所在！

DreamKid

回覆 ritz_ng 的帖子

我真係識人係咁，可能比果個女仔上既堂仲要多！

happyhealthymin

邊度可以看？

torunpoland

讀IS讀到咁，讀返local更好啦！

ritz_ng

原帖由 happyhealthymin 於 15-07-27 發表
邊度可以看？

http://news.tvb.com/programmes/sundayreport/55b4fcfc6db28c4251000000

Jumboshrimp

咁點解要讀IS?

ritz_ng

咁補法，可能個trend 會係啲IB愈黎愈多高分成績？！

dcnmxw

DreamKid 發表於 15-7-27 21:47
回覆 ritz_ng 的帖子

我真係識人係咁，可能比果個女仔上既堂仲要多！

Same here. My friends' kids, 班又有上，私人補習又有上，而且都算多。亦都去見識過佢地其中一間補英文嘅社，好多lS學生出入㗎。

caa

虎媽見得多，想不到世上有比虎媽厲害的虎爸，女兒密密做冇停手都仲要話佢懶惰

Radiomama

其實個documentary用煽情方法做，三個cases，令人好快下"判斷"。

我反而想問大家，自己偏近邊個case?

happeecc

個國際學校女仔有很多跳舞畫畫興趣班，如果唔係國際學校，邊有呢D時間。

elmostoney

我大個個一星期補一日中文, 一日英文寫作, 另外游水一天, 呢d係我要求, 全部都係老師上門, 游水就同老二孖住學. 小提琴(上門)同畫畫佢自己要求, 不過我而家想cut小提琴, 因佢唔練.  我完全唔覺得藝是必要的, 自己係過來人, 見得多, 學呢D樂器多數都係學CLASSICAL PIECES, 有幾多人大個真係識欣賞, 考到8級都係咁話 (而我已唔要求佢考試), 呢D都係滿足父母多過物.

老二一星期兩日中文, 一日英文寫作, 游泳一天.  畫畫同踢波佢自己要求.

其實我大個個暫停左補中文, 因佢真係完全唔想做, 我唔想大家係到拉据, 最近決定比佢一星期一日, 純粹keep住有個底, n年後佢大左, 到覺得冇中文唔得, 有個底再去認真學, 容易pick up好多.  睇佢自己造化, 或者佢第時真係去外國住, 又或搵份唔洗中文嘅工.  我都冇氣, 同佢爭拗咁耐.  我地老師係因應學生進度教, 已係非常唔迫, 堂堂有故事時間, 但佢點都唔受, 我放棄.

minirat

“我地都系想她開心”

驚未？！

elmostoney

可能會有人QUESTION 點解要補英文寫作, 我地唔補文法呢D, 而係點啟發個小朋友寫野, 如何鋪排之類.  我諗都好視乎老師, 我兩個細路年齡相近, 老師又教得好生鬼, 題材亦好自由比小朋友揀, 之後會同佢地DISCUSS, 試過比我兩個一齊DEBATE, 我覺得幾好.  我兩個好鍾意上佢堂, 呢個先係關鍵.

ritz_ng

原帖由 elmostoney 於 15-07-28 發表
我大個個一星期補一日中文, 一日英文寫作, 另外游水一天, 呢d係我要求, 全部都係老師上門, 游水就同老二孖 ...

請問你大果個幾大？

elmostoney

九歲, 中文由4歲半起教認字, 寫字到成六歲先寫, 但由一開始都唔鍾意.  佢係5歲半先入is, 之前讀全普通話montessori, 所以又唔係話因接觸左英文先.  有時睇人d post建議d學習中文方法, 我真係物都試過哂.  所以我覺得呢d都性格.  我家老二完全冇問題, 對佢進度好滿意.  佢唔覺得中文難, 其實態度先係關鍵.

佢而家九歲就更難攪, 理智上佢知道要學, 但個心唔想. 而且佢係超級愛看書, 但只限英文, 唯一就係鍾意睇doraemon, 但要學睇一個doraemon故事, 以佢咁冇衡心, 又怕難, 其實唔容易.  獎我試過, 以故事認字試過, 迫我試過, 出去中文補習班我試過, 上門又試過, 字卡呀, 部首拼字呀, 出街認下生活見的餐牌街名呀都試過, 不過都冇用.  有段時間我純講故事啟發興趣, 佢聽就very ok, 到要佢學佢就唔肯.  佢本身性格就係軟皮蛇.  相反我家老二, 最初見老大學認字, 以為有物好野, 又想學埋一份, 於是佢四歲開始學, 學左一年已超越老大. 我唔會叫老大睇下老二學成點點點, 因我細個時成日比阿媽比較自己如何唔及人, 所以我都唔鍾意呢種方法, 但我相信老大自己有眼見, 佢又冇反應wor, 所以我都冇哂符.

英文就冇物問題, 我見佢寫野修詞唔錯 (睇得多書), 不過當然可以鋪排得好d.   

cowmoon

Radiomama 發表於 15-7-28 09:46
其實個documentary用煽情方法做，三個cases，令人好快下"判斷"。

我反而想問大家，自己偏近邊個case?

同意，其實頭尾兩個八歲小妹妹，暑假都係好忙碌，一點也不 hea，只係忙碌的事項不同，拍攝出來就好似第一個 case 有點怪獸，第二個 case 好有意義。不過第二個 case 係讓人配服，其實對雙職家長，要星期日三十幾度帶仔女去清潔沙灘或到農場務農，係一件好吃力的事。
反而第二個 case，個男孩真係有 free time，對升小六來說算係咁啦。

soright

原帖由 ritz_ng 於 15-07-28 發表
咁補法，可能個trend 會係啲IB愈黎愈多高分成績？！

Agreed.