小朋友固執性格如何改善？ - 資優教育

登錄 | 註冊

討論區

教育王國: 教育講場; 使用意見

幼兒教育: 幼校討論; 幼教雜談

小學教育: 小一選校; 小學雜談

中學教育: 升中派位; 中學交流; 初中教育

專上教育: 備戰大學; 選科選校

國際教育: 國際學校; 海外留學

知識增值: 課外活動; 教材閱讀; 公開考試; 深造進修

特殊教育: 特殊教育; 資優教育; 自閉寶寶; 智能評估

徵求專區: 二手市場; 誠徵老師; 組班專區; 徵保母車

聯絡管理員

我的中心

教育王國 › 討論區 › 資優教育 › 小朋友固執性格如何改善？

123 下一頁

樓主: yannietimb	go 小朋友固執性格如何改善？ [複製鏈接]

yannietimb

別墅

Rank: 4


	745

21^#

發表於 15-7-23 22:20 |只看該作者

引用：放心，大大下小朋友會好d 畢竟人生經驗尚淺

原帖由 gingerm 於 15-07-23 發表
放心，大大下小朋友會好d
畢竟人生經驗尚淺，要一段時間是可以接受到環境改變，我仔仔就好明顯，到三歲之 ...

多謝，我希望佢大大下會改變，會努力同佢講道理，有時都覺得自己eq唔夠！

返回頂部

yannietimb

別墅

Rank: 4


	745

22^#

發表於 15-7-23 22:29 |只看該作者

引用：Quote:原帖由+yannietimb+於+15-07-23+發表

原帖由 Destination121 於 15-07-23 發表
我個仔同你個仔好似，不過眼神比較弱

請問你仔仔幾大？算是有自閉傾向嗎？你們怎樣處理小朋友固執既行為呢？謝謝分享！

返回頂部

mikiwu

複式洋房

Rank: 3 Rank: 3


	266

23^#

發表於 15-7-24 17:39 |只看該作者

回覆：小朋友固執性格如何改善？

最近才開始睇呢區，發現原來自己小朋友性格同呢區大家小朋友一模一樣，感覺冇咁無助。。。好似對指定路線，lift, 巴士。。。等等。。。平時係街都被周圍的人眼望望，個小朋友咁硬頸，有時真的尷尬死。。。現在都練成一身厚面皮。。。。係，對住他們要用百倍耐性，同毅力說服他們。。。

返回頂部

yannietimb

別墅

Rank: 4


	745

24^#

發表於 15-7-24 21:02 |只看該作者

引用：回應固執性格。我大仔個性亦較固執，定咗係

原帖由 lillymarie 於 15-07-23 發表
回應固執性格。

我大仔個性亦較固執，定咗係咁做，如果計劃改變就會好唔開心。我撞了好多次板後學識，第一 ...

謝謝你的分享，我好多時俾選擇個仔，跟住佢會講選擇以外既野

，佢好似宅男咁，唔鐘意落街，我想多d帶佢去公園跑下跳下，問佢去a公園定b公園，佢就會話唔去公園，自己留向屋企，都唔知點解連公園都唔鐘意去

返回頂部

lillymarie

侯爵府

Rank: 9 Rank: 9 Rank: 9


	21906

25^#

發表於 15-7-24 21:33 |只看該作者

本帖最後由 lillymarie 於 15-7-24 22:26 編輯

yannietimb 發表於 15-7-24 21:02
謝謝你的分享，我好多時俾選擇個仔，跟住佢會講選擇以外既野，佢好似宅男咁，唔鐘意落街，我想多 ...

我家兩個仔都唔鍾意出街，鍾意留在家中的。原因是他們都是較敏感，較容易焦慮的孩子，所以抗拒轉變和陌生環境。
有些事我會好「立場堅定」地宣報我的決定，然後再給他們一些選擇。例如我若決定要去公園，我會先講明幾多點鐘就要出門去公園，原因是媽媽認為出外做運動對仔仔身體好。之後才讓他選擇去公園裏的那個遊樂埸玩。我以前帶他們到荔枝角公園，超大的公園。

做家長的，有責任引導孩子走正確的方向，所以有些事無得商量。我記得育兒專家理盧幼慈女士講過，有三件事小朋友一定要聽從父母，無得商量的：

安全
健康
學業

我發現這個簡單原則好好用。

我細仔好討厭食藥，好似你個仔咁細時會死命反抗。那時他一個月病三個星期，我們要替他洗鼻，起初按着他洗鼻好似強姦他咁，非常之traumatic，試過一次唔得就放棄了。後來真是食藥食得太多，我好平靜咁同佢講：「寶貝，你食藥太多了，洗鼻就不用食咁多藥，所以媽媽一定要幫你洗鼻。」。點知自此以後他很合作，完全不反抗。

for every one criticism, three positives must be given.

返回頂部

yannietimb

別墅

Rank: 4


	745

26^#

發表於 15-7-25 23:29 |只看該作者

引用：+本帖最後由+lillymarie+於+15-7-24+22:26+

原帖由 lillymarie 於 15-07-24 發表
本帖最後由 lillymarie 於 15-7-24 22:26 編輯

講得很中，我仔係幾近個月開始這樣，可能跟焦慮也有關係，佢而家出街成日會擔心商店閂門，怕天黑，會向餐廳食食下飯問:"呢度係咪就黎閂門？" 解釋完佢知日光日白無咁快閂門，佢轉頭都會話我地返屋企啦，就黎閂門

！連去沙灘，玩得好開心，見到附近有人走，又即刻話返屋企！希望佢過一排會改變啦！
阿仔聽覺訓練既老師都係教我地有d野一定要做既就要做，同你講既方法一樣，我諗我現在更明確應該點做，感謝你分享

返回頂部

yannietimb

別墅

Rank: 4


	745

27^#

發表於 15-7-25 23:32 |只看該作者

引用：最近才開始睇呢區，發現原來自己小朋友性格

原帖由 mikiwu 於 15-07-24 發表
最近才開始睇呢區，發現原來自己小朋友性格同呢區大家小朋友一模一樣，感覺冇咁無助。。。好似對指定路線， ...

有同感呀，原來我地既小朋友情況都好普遍

，我們都加油！

返回頂部

himmamme

大宅

Rank: 5 Rank: 5


	2060

28^#

發表於 15-7-26 04:37 |只看該作者

我個仔細個時也是這樣，到入了小學才慢慢好轉。仲記得佢兩歲班日日哭，最後退埋学，所有有陌生人既地方包括公園都唔想去。什麼都要跟number. miss一個號碼都唔舒服。仲有好多更嚴重的，十日都講唔完。媽咪要加油。呢d係佢性格的特質，我仔後來check到係資优。或者咁样令佢怪怪地。但父母要控制情緒，我果時比佢搞到頭都暈，仲要比人話唔識湊仔，教仔等。如果重頭黎过，我會放鬆心情，同佢講野時笑多d. 扮得輕鬆d,有d野又堅持d。但千萬不要動怒。要慢慢試下，有d位唔可以太遷就佢。但你同時內心要明白佢心裡有好多焦慮不安。多些安排人少少的社交，如表兄弟，或你有朋友有小朋友一齊出下去。等佢個comfort zone慢慢擴大。而家我個仔大了，固執，當時仲係，但不會咁易比人看到，佢做projects,学業上，自己的興趣上好固執，所以成績好。人際，生活方面，已沒有了果d古怪野。但是，佢都係有些少宅男feel. 而家冇細個時的焦慮感，但個人唔算係d开心快活人。
你呢幾年努力，講多d道理，灌輸多d正能量。慢慢會好下來。

返回頂部

S-Kwok

男爵府

Rank: 6 Rank: 6


	9057

29^#

發表於 15-7-26 11:31 |只看該作者

回覆：小朋友固執性格如何改善？

佢地嘅固執，冇咁容易可以改變，可能要1、2年，甚至更長嘅時間。要日積月累，慢慢咁講道理，灌輸正確嘅態度、道理，最重要係讓佢地知道，凡事都會變，要佢地明白“變”。佢地係聰明人，其實唔難教，只係佢地要比較長嘅時間去接受吧！加油

返回頂部

lillymarie

侯爵府

Rank: 9 Rank: 9 Rank: 9


	21906

30^#

發表於 15-7-27 04:20 |只看該作者

回覆 yannietimb 的帖子

有沒有試過教他看時鐘？有長針短針那種。告訴他當兩支針去到甚麼位置，就會發生甚麼事。例如怕關門，就告訴他關門時個時鐘兩針位置在那裏，現在的時間時針又在那裏。給他一隻手錶，他緊張時讓他看錶。

for every one criticism, three positives must be given.

返回頂部

yannietimb

別墅

Rank: 4


	745

31^#

發表於 15-7-27 15:47 |只看該作者

引用：我個仔細個時也是這樣，到入了小學才慢慢好

原帖由 himmamme 於 15-07-26 發表
我個仔細個時也是這樣，到入了小學才慢慢好轉。仲記得佢兩歲班日日哭，最後退埋学，所有有陌生人既地方包括 ...

多謝你分享，我仔之前返n班都不大愛返學，雖然無話喊，但返了半年，每日返到學校果刻都係唔願入門口，到六月我們退左學，過左排問佢鐘唔鐘意返學，佢都答唔鐘意，問佢點解唔鐘意，佢諗左陣，跟住儍儍樣咁答我"因為好多人!"，當時我不以為意，可能這真是他不愛上學的原因，因為佢唔多鐘意同同齡小朋友玩，黎緊9月返k1,希望佢大個少少，又會好d啦！

返回頂部

yannietimb

別墅

Rank: 4


	745

32^#

發表於 15-7-27 16:06 |只看該作者

引用：佢地嘅固執，冇咁容易可以改變，可能要1、2

原帖由 S-Kwok 於 15-07-26 發表
佢地嘅固執，冇咁容易可以改變，可能要1、2年，甚至更長嘅時間。要日積月累，慢慢咁講道理，灌輸正確嘅態度 ...

我家姐都叫我要忍受多幾年，因為表姐升一年級後才明顯轉變！
我發現個仔當知道我們始終唔可以滿足佢既執著行為後，下次佢終於屈服，油顏色事件，我過了好幾天再拎本畫薄俾佢，佢雖然堅持油第一頁(在油了的圖上面再求奇油幾下),起嘛無要我擦左第一頁俾佢！另外我們有套唱遊DVD, 有4隻碟，佢每次都要由第一隻碟開始，所以睇黎睇去都係頭兩隻，我後來扼佢第一隻dvd不見了，只能睇3同4，佢發脾氣寧願唔睇，到尋日我又拎第4隻碟出黎問佢，佢問呢隻係第幾，之前望住個4字自己扼自己話係1字

，然後就好開心咁睇

點評

lillymarie 叻仔！發表於 15-7-27 16:34

返回頂部

yannietimb

別墅

Rank: 4


	745

33^#

發表於 15-7-27 16:18 |只看該作者

引用：回覆+yannietimb+的帖子有沒有試過教他看

原帖由 lillymarie 於 15-07-27 發表
回覆 yannietimb 的帖子

有沒有試過教他看時鐘？有長針短針那種。告訴他當兩支針去到甚麼位置，就會發生甚 ...

黎緊佢生日咁岩有人送手錶俾佢啊！尋日爸爸先教佢睇兩枝針的鐘，但當然佢未能掌握，因為我們屋企的是跳字鐘，佢很早就對個跳字鐘好有興趣，但對時間既觀念還弱，只知道個鐘跳到59就會變00,等我下次試下呢個方法先，謝謝你啊！

返回頂部

lillymarie

侯爵府

Rank: 9 Rank: 9 Rank: 9


	21906

34^#

發表於 15-7-27 16:40 |只看該作者

yannietimb 發表於 15-7-27 16:18
黎緊佢生日咁岩有人送手錶俾佢啊！尋日爸爸先教佢睇兩枝針的鐘，但當然佢未能掌握，因為我們屋企的 ...

買返個大大的時鐘啦！時間是60進制, 佢現在唔識係正常的。但我地仍然可以用他們可以理解的方法教他們看時間，睇住個大鐘具體易明好多架。我大仔是個焦慮兒，成日問我做乜乜未，例如準備踏3出門，佢問我走得未，我就反問他支長針指住邊個數字？他答2, 我就應他到支針行到3時，我地就走。
最好買個有埋秒針的，可以好清楚睇到秒針行咗一圈，分針就會前進一格。

for every one criticism, three positives must be given.

返回頂部

S-Kwok

男爵府

Rank: 6 Rank: 6


	9057

35^#

發表於 15-7-27 19:38 |只看該作者

引用：Quote:原帖由+S-Kwok+於+15-07-26+發表佢地

原帖由 yannietimb 於 15-07-27 發表
我家姐都叫我要忍受多幾年，因為表姐升一年級後才明顯轉變！
我發現個仔當知道我們始終唔可以滿足佢既執著 ...

有時仔唔肯睇嘅嘢，我會照開，如果佢有興趣，佢就會睇。

我仔好得意，依家大咗，會識得揾借口安慰自己（佢好要面子，可能係比自己一個下台階）。

上到小學係會好啲，一方面學校唔會相就，遇上好老師，老師就會解釋，解釋得多，就會明白（解釋幾多次先明，就要視乎小朋友係咪受教、接受別人意見），另一方面，小朋友大咗，即人生經驗多咗，係會令小朋友有改善。