學校欺凌

ylmanhk

原帖由 LuckyFish 於 15-07-22 發表
最近我都同囝講過類似說話，我哋唔可以蝦人，但都唔可以比人蝦。以前教佢唔好打人，如有人打你要閃避同話比 ...

還手是錯。老實說，欺凌絕
是欺凌者的錯，你不要因別人的錯使自己做錯。老師及學校有責任介入，絕不能説受害者的責任，學校要立例及執法禁止欺凌，嚴懲欺凌者！受害者多數是走頭無路感到生無可戀才尋死！

ylmanhk

我對這些欺凌者及學校感到痛心疾首！

simonwan

ylmanhk 發表於 15-7-22 21:22
還手是錯。老實說，欺凌絕
是欺凌者的錯，你不要因別人的錯使自己做錯。老師及學校有責任介入，絕不能説受 ...

講就甘講，但係好多老師學校唔理，唔通日日比人打？

simonwan

LuckyFish 發表於 15-7-22 18:46
最近我都同囝講過類似說話，我哋唔可以蝦人，但都唔可以比人蝦。以前教佢唔好打人，如有人打你要閃避同話比 ...

男仔打架系好正常，系成長的必經階段，衹是而家D老師學校家長覺得十惡不赦，所以而家香港D男仔好柔弱，無灑男子氣概。
當年，阿仔第一日返幼稚園，我同佢講；唔好打人，打人系不對，但人地先打你的話，你就打翻佢，打到佢以後唔敢打你；若然唔夠人打，就走頭，總之唔好岸居居企系到比人打（真係好多細路系甘）。到小一開學時，同一番話我再同佢講多一次。

我以前系新界屋村球場大，個個禮拜踢波，都系打架群毆收場。

等老師來處理？蚊都訓！已經比人打到變豬頭。

kellylau79

原帖由 little_yolky 於 15-07-21 發表
因事主可能只是害怕而接受道歉，不代表情緒上沒有受創及陰影。

唔係親身試過都唔知，原來有D細路真係好恐怖，幾歲人仔D戲好犀利！人前人後唔同樣架！

ylmanhk

原帖由 simonwan 於 15-07-22 發表
本帖最後由 simonwan 於 15-7-22 23:44 編輯

公眾地方打交是犯法的，大過咗會比人拉。西九龍公路涉毆鬥的雙方司機及乘客表示互不追究，圖和解了事，但大律師陸偉雄提醒市民，在公眾地方打架不可以私了，警方有權調查跟進並作出追究，較簡單的處理可能要求當事人簽保守行為，但其間仍需上庭，在一段時間內不能重犯；嚴重更可以提出檢控。
陸偉雄說：「打完交私了絕對係『此風不可長』，如果打完交冇事嘅，咁以後個個私下解決，就冇人會尊重法律，更加係違反社會公義。」
他認為，事件中有片為證，過程曝光，雖然警方要考慮影片的清晰程度及真偽，不過亦可配合證人口供，追究涉案人士。
陸偉雄續指即使沒有影片為證，只要有證人作供，或涉案當事人承認打架，警方一樣可以跟進案件。根據《公安條例》，公眾地方打架除了罰款，最高刑罰可判監十二個月。

ylmanhk

原帖由 simonwan 於 15-07-22 發表
本帖最後由 simonwan 於 15-7-22 23:44 編輯

唔好亂咁教！教壞細路！打交是愚蠢行為，絶對解決不到問題，唔小心打傷/死對方就一世，早前有老伯比人打死，不論是否自衛咁就一條生命！

mingmama

原帖由 ylmanhk 於 15-07-23 發表
唔好亂咁教！教壞細路！打交是愚蠢行為，絶對解決不到問題，唔小心打傷/死對方就一世，早前有老伯比人打死 ...

Agree~真係好訝異有人咁教小朋友～仲要話由幼稚園已經開始灌輸呢種觀念～怪不得而家啲小朋友好多都中意郁手郁腳

Vickyblah

原帖由 hkspiderman 於 15-07-21 發表
好多欺凌行為係由怪獸老師促成 eg 有小朋友無做一件事就罰全班，全班同學認為有人唐衰家跟住就玩杯葛，再玩 ...

講得無錯。

ting916

其實妹妹的父母有冇關心佢？

ylmanhk

中華基督教會基真小學小五女生羅芍淇（10歲） 校園內墮樓死亡，死因裁判官今日裁決時指，經考慮後無法裁定死者死於自殺或意外，最終裁定「「羅死因存疑。」」

裁判官怒斥，該校副校長石玲及高婉華均非誠實可靠證人，石的證供一派胡言，謊話連篇，石曾供稱死者當時在地上「好乾淨，好似瞓著咁」，說法令人難以置信，及她指因環保理由在通告上用便條遮擋聖約翰救傷隊電話說法難以理解。

裁判官認為校方沒有除下通告的唯一目的，為提醒教職員不要致電999，做法值得商榷。

副校長高婉華曾於救護員到場時，向對方稱不須用擔架，死者可以行走的說法匪夷所思，裁判官認為她的說法只有兩個可能，分別為她真的不知道死者由高處墮下，或她想淡化事件。

ylmanhk

原帖由 ylmanhk 於 15-07-23 發表
中華基督教會基真小學小五女生羅芍淇（10歲） 校園內墮樓死亡，死因裁判官今日裁決時指，經考慮後無法裁定 ...

我的心很痛很痛，副院長們，你們説法是否太荒唐！該校副校長石玲曾供稱死者當時在地上「好乾淨，好似瞓著咁」。副校長高婉華曾於救護員到場時，向對方稱不須用擔架，死者可以行走的說法匪夷所思。這些說法太不知所謂！

kiki818hei

尼間學校D人真係冇人性

Olympian

枉為人師！枉為教徒！枉為人！做埋呢d埋沒良心的事，佢地晚上真能安寢？係呢間學校，係呢個辦學團體，係咪要做到咁冇人性，先做到咁高級？

simonwan

香港過去幾十年實在是太安全，好多人唔知世界系好危險。系大陸或系外國，出街唔識保護自己，真系隨時死人，不過死個個系自己。

Tintin926

其實衰格的家長和同學代代都有，我們小時候也有不少，最主要係依家小孩抗逆力太低了

ylmanhk

現今世代，人與人之間沒有關愛只有競爭。女孩子的不幸是她太沒弱小沒有生存能力？或是成人世界太荒謬？連一個女孩子的死亡，也只視為一個失敗者理所當然的下場。當你沒頭沒腦説冷血風涼話的時候，有沒有想想，你和這些只顧學校型像的教師、副院長也沒有分別，人命是否真的比競爭力便宜！？

【on.cc 東網專訊】荔枝角中華基督教會基真小學10歲小五女生羅芍淇，於前年12月在校內墮樓不治，死因庭今日聽取完結案陳詞後，裁定羅芍淇死因存疑。 死因裁判官高偉雄裁決時，怒斥多名作供的副校長、訓導主任及教師等人不誠實，試圖以謊話自圓其說，更特別點名副校長石玲一派胡言，謊話連篇，非可信證人，又指她在庭上眉飛色舞及繪形繪聲地作供，無疑是在死者至親的傷口上灑鹽；裁判官更決定將證供騰本交予警方及律政司，以研究作供證人應否負上刑事罪行。 裁判官又批評女訓導主任顧美玲，指她作供時稱當時見死者毫無反應，以為她只是暈倒；但裁判官反問若以為學生暈倒，為何不拍醒她，反而好像陌生人看着物件般30秒，認為其行為不合常理。另外，裁判官亦提到副校長高婉華，指她除作供指學生當時口鼻有流血屬可信外，其他證供一律不可信。 此外，當日任5樓值日老師的魏秀圓，早前在庭上多次被死因主任問及何以死者離開課室也不知，魏回應：「你問我幾多次我都係會講，我就係咁樣當值法。」裁判官今日亦提到，批評魏的證供與其他人不符，又形容到對她的印象，「妳畀我嘅態度，就係即使有學生走開咗，都唔會理得咁多」裁判官亦提到，與死者同坐校車的姓張女同學，批評她初時隱瞞有份欺凌死者，事後被揭發方承認有份「整」過死者。 裁判官表示，教師本應受人尊敬，但現在完全不見得她們有為人師表的應有態度，及對學生的關心。

私人傳訊  回覆   引用

simonwan

Source ： Gary Charm

記者筆記
-------------------------
補充法庭行家觀察
// 「成日打算平靜左再講
但其實好難平靜
呢單聆訊已經進行到第三日
證人已出了過半
但愈聽愈嬲

1. 連日來只聽到校方各個崗位的人不斷交波，你推我我推你，自己甩身就算，令人無比心寒

2. 校長和一眾教職員每日坐在公眾席聽得肉緊，不是因為傷心丟了一條小生命，而是擔心自己要上身

3. 昨天看到石副校作供時語調誇張、眉飛色舞、手舞足蹈，我覺得噁心又憤怒。庭外行家們都失控，很想問她，其實你驚唔驚有報應？你怕唔怕妹妹返來搵你？聽埋今日，我肯定佢地唔怕，因為佢地比鬼還可怕

4. 昨天小插曲，石副校七情上面，向記者轉述女童嫲嫲，當知道孫女過身時的反應：「點解你唔眼閉呀？你爸爸媽媽受到教訓架喇！佢地會生生性性架喇！」先不論是否屬實和父母在事件中的責任，但我只聽到石副校想將所有野推得一乾二淨，推落人地父母度，而佢嘅語氣，沒有一絲傷痛，只感覺到佢好興奮

5. 呢個係死因庭，你地根本唔會有刑責。做錯左，犧牲左一條人命，叫你認句錯有咁難？你地真係老師？你地連做人都唔配

6. 今日聽到St john的救護員話，原來妹妹嗰陣已經全身骨折咁滯，個頭碎晒，有疑似腦漿被人抹走左，但班老師連日來可以話係好似訓左咁架，無野架，腦海想像到當時一班仆街喺度舞緊妹妹既屍體，好難受

7. 最最難受的是，呢班做人都不配的仆街，原來妹妹一早寫左聖誕卡俾佢地，佢過身係12月9日，之後媽咪代送出聖誕卡。但今日，收到卡既副校重提事件，為的只是想講，妹妹好鍾意我架

8. 無論係鉛水、基真定政府，大世界定小舞台，人都是一樣瘋狂地荒謬，點樣可以唔癲？日日被迫聽足6粒鐘你地講啲小朋友都唔信嘅大話，聽你作啲侮辱智慧嘅故仔，真係好撚癲呀救命//

MASAYA

simonwan 發表於 15-7-22 23:43
男仔打架系好正常，系成長的必經階段，衹是而家D老師學校家長覺得十惡不赦，所以而家香港D男仔好柔弱，無 ...

唔好話男仔, 女仔都有要出手既時候, 我同個女講, 遇到暴力, 諗過晒冇其他辦法既情況下可以出手, 出手原因唔係報復性還手, 係保護自己, 之後既事一家人一齊面對
有d小朋友好乖, 或者係太乖, 父母絕對禁止出手, 死個刻都唔會出手, 係學校畀人打畀人蝦, 同老師講完之後一定可以完美處理件事? 咁真係好彩, 唔好彩既咪對方見你可以蝦, 又唔當老師處罰係一回事, 地獄就會開始降臨, 結局有兩種, 一係小朋友被逼瘋, 一係報警處理

AhC

究竟背後還隱瞞了什麼?