【怪獸家長實錄】神奇塗改液 band 3中學變band 1

elbar

中一派位7月7日已經放榜，學生今（9日）、明兩日須持派位證、入學註冊證到獲派中學註冊。「90後教師決戰怪獸家長」」版主戴Sir今早在facebook上發文指，有獲派band3學校的學生家長，用塗改液更改派位證的獲派學校名稱，試圖到其任教的新界區band1中學渾水摸魚代兒子註冊。

TOPick編輯中午向戴sir求證，證實事件屬實，且經他處理後已經大事化小。
戴sir表示，今天是中一新生註冊日，適逢他值班，在校務處負責解答新生家長的疑問，結果遇上「大怪獸」家長。

相片來源：fb截圖

根據戴sir在facebook的帖文，該名家長向戴sir投訴教務處的職員拒絕替其兒子註冊，戴sir查閱該名家長的文件後，發現獲派的學校並非其任教的XX書院，而是另一間中學，於是向家長解釋清楚原委，並教對方搭車前往獲派的學校註冊。該名家長卻指，

唔係喎，果間band 3 黎嫁喎，我個仔點會報band 3丫？我地小學老師都係話幫我地報band 1 果間。

戴sir對該名家長竟不知兒子報讀那間學校感到詫異，於是再看多次派位證、入學註冊證同成績表，「一睇d成績，得體育同常識有70字（編按：分）以上」，唯有再客氣地向對方解釋，學校只能根據教育局派發的文件註冊，將該名家長勸諭離開。

事件仍未完結，該名家長離開10分鐘後再次折返，並出示一張用塗改液更改過的文件，要求校務處職員註冊。戴sir形容自己那刻想起周星馳電影《國產淩淩漆》的那幕「你唔試下將麗晶大賓館BOOKING 張紙改做麗晶大酒店？」，立即趨前攔截，再次解釋文件上列明的獲派學校地址不符，豈料該名家長竟天真地反問：「咁即係要改埋（編按：地址）？」

相片來源：YouTube截圖

無可奈何下，戴sir最後安排該名家長母子二人到學校的貴賓室休息，再致電給獲派學校說明情況，由於新界區部分中學今年達成協議，不接受同區學生叩門，對方最後派出老師，將母子二人帶到學校註冊。

kefjbl

新聞日日有，呢則勁有趣。:;pppp::;pppp:

saikueny2k

係真唔係丫? 犯法架波!  

samsam123321

sjc, sjacs?

km1357

wonglily

樓主用意非常好,看完輕鬆很多.

eeyore_fy

睇1睇完真係Q左

chesswin

真係笑料一則, 最尾哥段先係攪笑

chesswin

姨???
X X X 書院 + 新界區 = ! ! ! ! !
姨?

1880_kelly

:dadday:

十年

偽造文件，仲要貴賓式招待，專人接走，無天理

hello_818

香港人?(係香港人都應該知犯法架喎)

SIYip

其實我唔太信。如果佢甘無知，識唔識用塗改液甘叻，仲要即刻去文具鋪買筆買塗改液。。。

elbar

家長塗改液改派位證　涉造假文件

日前有任教Band 1（第一組別）中學的教師於網上貼文，指周四中一註冊首日有獲派到Band 3（第三組別）弱勢中學的學生家長，以塗改液修改派位證上獲派學校的名稱，到該教師任教的學校「博懵」。事件引來廣泛討論，有網民質疑，該家長涉偽造文件，為何校方不報警處理。有校長指事件罕見，又承認報警與否，學校往往陷入兩難，冀家長勿以身試法，為子女立下壞榜樣。


facebook專頁「90後教師決戰怪獸家長」版主戴Sir前日發文，講述該名家長「驚人」舉動後，隨即引來廣泛討論，有人認為偽造文件是刑事罪行，校方應報警，「作為老師應該有責任話畀佢聽咁樣係偽造文件。」但亦有人認為，老師處理得宜，「無需要下下行到最後一步。」有網民打趣問該名家長「之後有冇乖乖地去註冊，定係聽日（昨日）改埋地址再嚟過。」戴Sir回覆指「如果佢聽日（昨日）嚟我一定向校方申請報警，雖然一定唔批之餘畀校長照肺（訓話）。」


學校有收生名單 難「博懵」


津貼中學議會主席林日豐認為事件罕見，又指學校處理中一註冊手續時，除了會看學生的派位證，學校亦有一份收生名單和學生編號核對學生身份，因此成功「博懵」的機會微乎其微。對於教師應否就事件報警，他認為學校會陷入兩難，一方面不能容許家長鋌而走險犯法，另一方面亦顧及到家長當時派位未如理想的感受而心軟。他呼籲家長不要以身試法，以免為子女立下壞榜樣。


教育局發言人回覆本報查詢，指局方有既定機制處理中一註冊事宜，並已提醒中學須按局方提供的《派位結果名單》，核對獲派學生的《派位證》，並收取獲派學生的《入學註冊證》。在沒有詳細資料的情況下，教育局不會跟進有關的facebook內容。

王家爸爸

戴 Sir 另一篇有用文章：

[2015.07.07]今日升中放榜，祝福各位家長！
本人任職BAND 1 中學，年年都好多叩門表，但其實未睇表已經篩走一批學生。近年我見到唔少家長做錯事，令到小朋友冇得面試或者未面試已經衰左=[
若你有朋友需要叩門的話，歡迎你FORWARD/SHARE/TAG 俾佢地，請係叩門交表及面試果陣都要注意以下7項死罪：
1. 請勿送禮：除左紅酒香煙唔送得之外，亦唔好請將利是或西餅卡夾係申請表，近年太多呢d case，所以校務處收表時一定check。若發現份FORM附有金牛之類物體，校方反應就好似圖入面左邊果個人咁好無奈
，所以嘢會退番俾你之餘，小朋友一定會被列入黑名單；
2. 請收起電話：俾小朋友用電話玩GAME，老師見到即死；家長講電話激動太大聲，老師會定性你無家教即死；巴蕉扇果D都最好收埋啦^^。另外唔好拎你部電話ZOOM人地份申請表偷影，若要人不知，不要太低B；
3. 請勿要求小學老師陪同叩門：我知某D 弱勢學校(特別係村校)，教職員會陪同家長學生叩BAND 1 門，但唔係間間小學都會咁做。千奇唔好係中學校園打電話番小學鬧D老師唔陪你黎，我地一聽到一定BLACKLIST；
4. 唔好插手面試：我知小學及幼稚園面試好多時係家長陪同，請勿強求家長陪同面試，就算學校俾你咁做都一定FAIL你；另外面試係冇得揀老師的；仲有，學校唔用普通話面試唔係歧視，千奇唔好因為咁而投訴，即死。補充多句，我知有學校會提供簡體版但果D我相信唔係BAND 1中學，大部分BAND 1學校中文卷係繁體字，切勿要求校方提供簡體版本，校方會拒絕之餘，你個機會亦會凍過水；
**請注意；小朋友面試完話你知表現唔好，請勿情緒激動甚至鬧老師。其實小朋友覺得IN得唔好啫，可能佢得左呢~你鬧一鬧得左都會變唔得~
5. 面試由入門口果刻開始：若你對校工講粗口或呼呼喝喝，又或者去到洗手間偷廁所紙、洗手液或整到好DIRTY，校工係知的。排隊交表時打尖一定係唔可以！我知條隊係好長，但因為校務處要CHECK清楚唔會收到任何禮物，俾D耐性。附加一句隨地吐痰都唔好丫，學校周圍有閉路的，THANKS!
6. 請勿交過厚CV (其實係叫PORTFOLIO)：20張雙面已經係極限，我知好多家長聽D機構講CV至少50版雙面，其實中學係唔需要的；
7. 捉緊時間：我知某D 學校早去早著數遲去無料到，但千奇唔好將你架車亂咁泊係學校門口，甚至有D家長傻更更泊架車塞住前往學校出入口；另一個捉緊時間O既要點係今年屯門、沙田、東區和南區中學校長已經達成「君子協定」，不收同區叩門生。若你係上述區位叩門就快手D去其他學校，遲左去就可能冇左個機會~至於應否跨區叩門，有多個因素需要考慮，請預先同老師+屋企人+小朋友商量。