港大同學會書院

pmlai

有冇人之前有考冇消息，昨天再去叩門？
有冇人昨天去交表？
有冇人昨天可以面試？
有冇人昨天或今天收到offer?
好鐘意呢間

王家爸爸

有唔少B1頭/中，被港大同學會書院收左無去註冊，如果呢班人派得唔好，可能會返叩。情況有啲似SPC。

pmlai

反叩還有機會嗎？
還是我呢D有誠意機會大？
好困惱

pmlai

其實當初港大已收，吾係應該要填放棄統一派位，但點解又可以派位呢？

bkfans123

請問知吾知約收幾多外來人？叩門位約多少？

aleung922

回覆 pmlai 的帖子

我今日去註冊, 見到有學生interview.  如果你小朋友呈三同畢業試考得比之前好, 你不妨再試啦.  

aleung922

回覆 pmlai 的帖子

佢地應該係放棄港同先, 然後參加派位, 咁如果派得唔好咪反叩咯, 我老公當初都有此想法, 但亞囝好鍾意港同咁我地就冇抽奬.

cp3g

我有直屬中學都放棄咗，選咗港同，明天會去註冊

pmlai

恭喜，我仔好喜歡港大，之前考左冇offer
7月7再去補資料，到現在都冇消息，打去學校問話如果有得interview會下星期通知，我唸機會好微了

pmlai

又話收表到十號，你見到有人interview,即我仔冇機會了

aleung922

回覆 pmlai 的帖子

我本來以為嗰個學生係去註冊, 佢著晒校服, 但見佢同書記講話interview先知咯.  所以通知你唔好放棄, 加油.

pmlai

多謝您

aleung922

回覆 pmlai 的帖子

唔好客氣啦, 其實都好明白你既心情, 你係咪已有一間叩門收咗?  如果ok就註冊住先, 再等等啦, 因可能過咗13/7註冊完晒會仲有位剩.  最壞打算咪中一讀好D, 中二再搵插班咯.  天無絕人之路!  

pmlai

係，一間叩門成功了昨天已註冊，一間明天考筆試，呢間係自行二同乙二，希望呢間得，我也是咁唸，比心機讀一年，中二如果成績好可以轉校

Charlotte_mom

聽講果日新生註冊時有開COUNTER收叩門申請, 近日亦有出OFFER (係以前WAIT落, 定新申請, 我就唔知)

另外, 賣個廣告
英文科岩岩拎到行政長官卓越教學獎(嘉許狀)
http://www.ate.gov.hk/tchinese/assesresult_1415_2.html

彥彥媽咪

我地好幸運：7 月9 日扣門交表，7 月10 日早上 9:XX AM 打來叫 2:30PM interview，只面試，無筆試，即時取錄註冊，今天早上去埋家長會了。之前我地第一輪係無考過港同的。

阿仔都好喜歡學校，現在我反而係有Ｄ擔心唔知佢識唔識到朋友仔，因為港同有小學直升，同學們已六年朋友，而佢係外來生，外來生數目又唔多，我今日眼見，好多都係幾個幾個一齊，即係識既，但阿仔小學無一個考呢間，只得佢，希望佢可以主動Ｄ加入其他同學既圈子啦。

就算家長都係，好多都好熟咁，我地呢Ｄ獨立人士都唔知點搭訕好，睇黎我都要學下 A. I. R. 既 A (Active) 先得了．

Charlotte_mom

原帖由 彥彥媽咪 於 15-07-12 發表
本帖最後由 彥彥媽咪 於 15-7-12 01:12 編輯

我地好幸運：7 月9 日扣門交表，7 月10 日早上 9:XX AM 打 ...

唔駛擔心。港小今年廿幾個無直上。假設160中一生，其中100直上，都仲有60個新生，唔算少。學校會將新舊生一齊分班。我見佢地好快熟絡（港同生都豬豬地架好易就識人）。通常我見最融入唔到，係外來生之中自以為自己考入黎好勁，直升只不過制度上有優勢其實唔夠我叻，咁就弊啦！港小生有叻有唔叻，叻起黎都可以好叻，港小生不嬲係見同學叻自己都開心埋一份，外來生抱咁心態咪唔受歡迎lor！仲有家長要留意的，始終港同唔係傳統管治式，學習同成長自由度都較大，而且中學大個仔，學校唔會萬大小事都向家長報到、無每科排成績、無迫人交功課記缺點果手d，學生要學識自律自主自學。呢樣外來生家長初時可能要著緊跟貼小小，到知道小朋友適應左步伐就無問題喇

Charlotte_mom

原帖由 pmlai 於 15-07-08 發表
有冇人之前有考冇消息，昨天再去叩門？
有冇人昨天去交表？
有冇人昨天可以面試？

祝你好日有好消息啦

bkfans123

原帖由 彥彥媽咪 於 15-07-12 發表
本帖最後由 彥彥媽咪 於 15-7-12 01:12 編輯

我地好幸運：7 月9 日扣門交表，7 月10 日早上 9:XX AM 打 ...

我仔仔都係，7号交表，9号in ,前後半個鐘即收阿仔。

pmlai

你小朋友成績好好？