有冇北區嘅家長可以交流下

leungsiufan

我囝兩歲9個月，已評估為自閉傾向，想搵北區同路家長一齊交流下，或者有時可以攪下活動

Puppet8

我仔2歲11個月評估自傾，因為之前去健康院醫生評估，話有少少踩界，令到我覺得好似唔係咩大問題，當時我只係覺得阿仔語言遲緩，唔識係好識表達同人溝通，同埋有d固執，諗住人人發展唔同，大d語言能力好d就會有改善，所以冇特別緊張處理，依架先開始搵資料幫阿仔

leungsiufan

我囝兩歲時做評估，上年八月已經開始樣 training,亦有返主流幼兒園嘅n班，我系 ftm, 你好呀，好高興認識你，你住邊區？我住上水

Puppet8

原帖由 leungsiufan 於 15-07-04 發表
我囝兩歲時做評估，上年八月已經開始樣 training,亦有返主流幼兒園嘅n班，我系 ftm, 你好呀，好高興認識你 ...

我住粉嶺，我仔龍年出世競爭好大，報n班冇學校收
請問你囝係邊度做訓練？有冇幫助？

leungsiufan

我囝系協康上密集班，另外有系其他私人機構上言語治療同感统訓練，呢啲訓練都有用，而家我囝明白嘅野多左好多，回想起我囝一年前真系咩都唔識，就好似一個八，九個月大嘅 bb咁，而家好肯跟人口水尾講野，認知同同齡差不多，但當然仲有好多野要過追

agatechung

你好，我住粉嶺，個仔兩歲三個月大，有自閉譜系障礙，將會上主流n班。

agatechung

我歲半已發現個仔有問題，吾想個仔對工人太多，所以歲半就開始返學前班，老師識教，又有感統上，又近，仔進步左好多，仲好聽老師話，不過用左兩個月先鐘意返學冇喊過囉，到一歲九個月開始上明愛個別訓練，都幾好，到左兩歲一個月評估，話佢發展正常，未見有固執行為，只係有少少問題（識應力弱），所以讀主流班。

leungsiufan

原帖由 agatechung 於 15-07-10 發表
我歲半已發現個仔有問題，吾想個仔對工人太多，所以歲半就開始返學前班，老師識教，又有感統上，又近，仔進 ...

你囝講野方面同同年齡小朋友差唔多？

agatechung

言語發展正常，冇遲緩到

agatechung

佢而家仲好多野講，今日吾係我接放學，係我家姐接，我個仔問我家姐，問媽咪呢？ 去邊度呀？我要睇魚魚呀！但仲係有些鸚鵡仔

agatechung

我仔本身都吾係好自發性講野，不過就識好多英字，肯讀英文字。我起今年新年時，日日帶仔去玩千秋，抱起佢硬夾佢玩，仔喊住玩，我就數數字，分散佢注意，自從日日打千秋後，講野方面明顯進步得好快。仲有學校有教我回家幫仔做下感統各方面配合，進步得算吾錯。

agatechung

我小朋友兩歲三個月大

leungsiufan

可以 pm我你囝系邊間上感统訓練嗎？

qgirl214

我個仔就快3歲半,返主流全日學校k1,學校懷疑有自傾,已經去粉嶺評估中心見姑娘,要等11月電話再通知,學校叫我搵私家做評估及訓練,但我唔知邊間做評估好?請問大家有無呢方面既資料,唔該晒各位媽媽.

rainbow_6

我都係北區人，想問你協康密集係咪在粉嶺做？

irenelwl

回覆 qgirl214 的帖子

我5月時帶個仔見左cac姑娘，佢話要等成年，佢叫你11月等電話咁快?

agatechung

回覆 irenelwl 的帖子

找地方做左訓練先啦~吾洗下下等評估,出面訓練地方通常都要你起佢度評估先上訓練。姐係話就算你做左評估,去報班都要再評過‧不過如要排I位E位就一定要評估左先有得排。

irenelwl

回覆 agatechung 的帖子

做緊了, 未見CAC已去左做OT評估, 8月開始左了另外7-9月時JOIN左協康,小童群益會D社交同EQ班, 又去左社區中上左D專注力, 小肌肉訓練, 唔洗評估.
而家等10月的社交同情緒開班.....
真係多多錢都唔夠比 > <....