有冇叩唔到門，又抽到樂善堂的朋友，一齊傾下!

siden

原帖由 hkpapa852 於 15-07-02 發表
就算4月先交表, 都唔會6月22先知結果, 一定係6月6日一齊知.

除非係之前教育局唔接受佢申請(諗唔到有咩原因 ...

以前聽Ian Tsang講座好似話3月已經在電腦做咗大抽獎，但結果要6月先公佈

當時我仲異想天開imagine自己點樣好似外國荷理活movie咁早兩個月半夜爆格入EDB睇結果

evasoeeyy

其他區二線津校，試叩下門！再等到八月尾才買書和校服

kathywong0807

多謝各位意見，鼓勵。

peggyhklam

原帖由 siden 於 15-07-02 發表
以前聽Ian Tsang講座好似話3月已經在電腦做咗大抽獎，但結果要6月先公佈

當時我仲異想天開imagine自己點樣 ...

應該不會3月甘快抽？因我4月頭收到教育署打來確定問我點解冇大抽獎，因收不到我的表，我話讀私小唔抽啦，仲問返我讀邊間私小紀錄返。

owennam

原帖由 kathywong0807 於 15-07-02 發表
都係你明白叩門和等的無助，如果都叩唔到，都要讀住，遲啲小二再插班。



  ...

努力呀！媽咪,我上年仔仔升小,我都係抽到一間好细而二線学校，四出叩門,好彩第一天叩門就有直資私小打电話來叫我和仔仔去見校長就收左,所以唔好灰心,努力,Good luck

acgy

既來之，則安之。
希望你找到合適學校，就算今年冇，繼續努力，唔得就下一年再叩，總會有其他學校收的。

WinnieCatCat

有沒有叩油麻地羅裕積？因為位較多，我估叩到機會都大。是油尖旺二線，校舍較大，較樂善堂易接受吧！我有朋友去年叩到羅裕積，後來八月尾另一間學校話收佢，佢放返羅裕積個位出來。真係八月好尾咖，我記得佢話得2日買書買校服就要開學，即八月尾甚至九月初都仲有機會，加油啊！

cherrywong123

我今年都有去樂善堂的開放日(因住在附近), 學校比我感覺不是想像中咁差, 只是設施較舊, 校舍較細, 同學, 老師都OK, 同學有禮, 老師都好NICE, 我有份睇佢地話劇表演, 都唔錯, 可能同區太多勁學校, 所以看上去比較遜色

hkpapa852

cherrywong123 發表於 15-7-3 10:31
我今年都有去樂善堂的開放日(因住在附近), 學校比我感覺不是想像中咁差, 只是設施較舊, 校舍較細, 同學, 老 ...

其實所謂寶校, 主要原因係不受區內家長歡迎, 不外乎以下原因:
1. 升中派位表現不佳
2. 收取較多非華裔學生
3. 收取較多需要特別支援既學生

除此以外, 其它各方面唔一定係差既. 而且只要(1)係做得好, 不少家長係唔會介意其它野 (有D要俾錢讀既直資都收唔少非華裔學生, 但因為升中派位好, 咁一樣大把人爭)

little_yolky

hkpapa852 發表於 15-7-3 10:35
其實所謂寶校, 主要原因係不受區內家長歡迎, 不外乎以下原因:
1. 升中派位表現不佳
2. 收取較多非華裔學生

係呀, 我哋區有間收好多南亞裔既中學, 都係band 1, 好多人想讀的, 不過我就唔想咁解。

Soundervolt

只怪樂善堂位處於擁有兩間極受歡迎一線學校嘅41校網咩.....喺41網參加大抽獎，大家對期望嘅落差會比較大。

smartto

我仔仔小四插班讀樂小，之前讀真道，真道程度高D，但無樂小老師咁有heart,因學生少，變相資源多，可讓有心同學有機會參加不同類型活動和外出比賽，從而增進自信心。如果是其他學校，學生要好出衆才有機會被揀中。

學校一級一班二十餘人，有非華裔學生和新移民學生，競爭少。
今年升中派位有好似有五個入到band 1中學。
我仔仔讀得開心過以前，成績有進步，無咁大壓力下又派到第一志願，讀到同區英中。

bbforever

smartto 發表於 15-7-8 00:01
我仔仔小四插班讀樂小，之前讀真道，真道程度高D，但無樂小老師咁有heart,因學生少，變相資源多，可讓有心 ...

恭喜！！

eesmile

原帖由 奥脫福 於 15-07-02 發表
其實我挖苦緊的只係同區某間好多人去叩的天主教學校，要全級頭十五名才是Ｂ１，
但依然有唔少人盲目崇拜， ...

何解你老是咬著呢間學校不放呢？每間學校都有好的一面，何必要不断唱衰？請顧下别人感受，積下口德。

eesmile

樂觀d去睇，正因為競爭較少，出年更易考到好成績，到時更易轉校。

kathywong0807

原帖由 smartto 於 15-07-08 發表
我仔仔小四插班讀樂小，之前讀真道，真道程度高D，但無樂小老師咁有heart,因學生少，變相資源多，可讓有心 ...

恭喜晒!多謝你用家意見，方便講派邊間嗎?其實，我老公睇過樂啲小朋友都幾乖，老師都好有heart, 不過未知升上點玩法，怕唔出名學校會有影響，尤其課程太淺，見升小叩門，間間都考得深。
樂有支援小朋友專注力不足嗎?

smartto

kathywong0807 發表於 15-7-8 13:42
恭喜晒!多謝你用家意見，方便講派邊間嗎?其實，我老公睇過樂啲小朋友都幾乖，老師都好有heart, 不過未知升 ...

我仔仔派了旅港,其餘有體藝,丘佐榮,銀禧,培道,幾個真光,幾個何官.我仔仔都有專注力不足,因為小班,我們多跟學校溝通,安排他坐前面,減少其他人影響

kathywong0807

原帖由 smartto 於 15-07-08 發表
本帖最後由 smartto 於 15-7-8 17:10 編輯

都算派得幾好喎!其實，除非心儀2間收，我已打算照讀樂，唔再叩其他。起碼知道樂的老師有愛心，而且，小班，老師可以更了解每個小朋友性格。

smartto

我仔仔小學讀過兩間截然不同的學校，之前果間程度高D，小學中學十二年課程，他們十一年教晒。初小已用普通話教中文，之後用英文教數學和科學。我仔仔由大和新校舍轉為又細又舊的；由程度深轉為程度跟教育局進度；由三十幾人一班轉為二十餘人一班。我們和小朋友都喜歡轉來樂小讀書，輕鬆好多，無咁大壓力。以前學嘅野是深，仔仔學習態度一般，變相有行為問題，常常被罸。在樂小，教嘅野淺咗，得到老師稱讚和認同，學習有自信心，進步不少。最後我覺得小學教學程度深好處是可易D銜接中學，像大多數名牌小學，質素有保證。但在我們來看，不死谷，讀得開心，輕鬆重要D。多了時間學其他課外活動，除了讀書外，可給空間，親子關係好左，仔仔有番學習信心，這才是最重要。

Soundervolt

原帖由 smartto 於 15-07-09 發表
本帖最後由 smartto 於 15-7-9 07:35 編輯

我仔仔小學讀過兩間截然不同的學校，之前果間程度高D，小學中 ...

睇過您對樂小嘅回覆唔單只好客觀對佢嘅仔細分析，更緊要嘅係字裏行間見到您為囝仔處處設想，唔會單純為名校而忽略囝仔真正需要，令我十分佩服！