個仔考試啦～～有時真係唔知點同佢溫:(any advice ?

cheecheecrystal

仔仔今年只係一年班， 聽日考期終試啦，真係有點擔心。考過三次試 （我同老公宗旨：唔係想佢贏係起跑線）所以第一次考試 一D都冇push 佢。出黎結果中等啦～ 有7有8 ， 但唯獨中文得pass。咁見中文最唔好， 就俾多小小心機同佢溫， 以為第二次考試會好D， 點知中文竟然唔合格當時勁不知所措， 小一中文竟然可以fail！！之後就再嘗試日日同佢溫小小， 讀吓佢，整晒字卡， 希望生動D佢會中意。點知上一次考試係有進步， 但差0.5分先合格。
完全唔想買又冇諗過小一就買補充練習的我， 最終都買左本俾佢日日做小小。聽日就考啦～希望今次唔好再fail。唔係我都唔知點同佢一齊面對中交科 mouth:" />

any good advice for me ? as a mum, its time to do some preparation for his 2nd grade in Primary. thanks a lot !

大件仔

學校卷出得很深嗎? 有無睇過卷, 知不知死在邊度,重點溫習,多閱讀.

中文科唔合格, 學校會不會要求留班?  小兒一年級上學期平均分70幾已經叫差, 學校已經叫我留意, 下學期重點溫習, 幾經辛苦先追到8字頭

Yanamami

你無話我地知佢份卷係边度失分……重組句子？填充？阅讀理解？做句？佢唔識d字定唔小心寫錯定寫漏？有無讀寫障礙？平曰好少睇中文書？平曰默書成績如何？

cheecheecrystal

見到佢好多時錯唔小心，老師捉字體好嚴（呢度扣D果度扣D）， 供字填充 竟然空左一兩題， ～ 阅讀理解就最差 ～ 平日默書多數有90 幾 100 分架 。
仔仔佢同我講過話中文好難， 唔中意中文 ～ 佢睇書都簡英文多

MASAYA

cheecheecrystal 發表於 15-6-21 23:44
見到佢好多時錯唔小心，老師捉字體好嚴（呢度扣D果度扣D）， 供字填充 竟然空左一兩題， ～ 阅讀理解就最差 ...

一開始學中文係咪用認字卡?

Yanamami

cheecheecrystal 發表於 15-6-21 23:44
見到佢好多時錯唔小心，老師捉字體好嚴（呢度扣D果度扣D）， 供字填充 竟然空左一兩題， ～ 阅讀理解就最差 ...

禁要留意，我大女偏向左英文，抗拒中文，曰後好难搞。但英文同数唔小心情况有無禁厳重？会唔会小肌肉未夠？寫得慢？阅讀理解真要多阅讀先有進步，或讀速先会快｡佢唔鈡意自已讀，你多做伴讀先啦｡讀下又问下佢问題，睇佢明几多~

karen55407

温不供詞填充要温課文的重點詞語，唔單只識默，要明白詞語意思，要同佢解釋相似詞語嘅分別和用法，要𢤦得分辨詞語類型，要佢以詞語造句，仲要睇清楚全句問題，因為小朋友睇咗題目開端就填填充。温句式運用可做坊間類似練習。温閲讀理解是要可看書或多做閱讀理解練習。

scyauchris

詞語是要理解, 識寫不代表懂運用。考試技巧, 圈重點, underline key word之類, 減低甩漏抄錯字的情況。我女小二我都remind佢要做一定要做這些提示。

王家爸爸

只係一年班，唔使太緊張只係一年班，唔使太緊張。最好唔好試圖死谷，多睇書，打好基礎，高年班時自然會變成黑馬，跑出來。

cheecheecrystal

多謝大家嘅意見 ！！會再整理吓學習計劃 我都好驚自己有時忟得制，嚇驚佢!

cheecheecrystal

各位父母都要加油 ！！

NT-1

兒子都是小一，越讀越怕中文，因為覺得D字難寫和學校造句例被老師修改至體無完膚(老師删改句子for 增加修辭技巧，全班一定會mark到再做改正, 小兒以為自己作得好差而導致往後寫作很猶疑才落筆) 小兒由滿有信心跌至5月臨考前的谷底，我要抽大量時間和練習去指導他造句要素。 結果，中作那part高分……閱解分大跌( 以往他閱解是ok的)。進入暑假，我盡量每晚一齊輪流讀短篇故事增加阅讀量，偶爾一齊做翻剩餘的一年級習作。至于作文……我外判了……希望來年再接再勵！ 你都要加油呀！

karen55407

但係一年班已經唔合格的話，都不能掉以輕心，一定要正視。否則越升高年級就越更加追唔上。

cheecheecrystal

唉 ～～ 真係搞到我神經緊張 ！！
宜家年代係咪真係好唔同架啦呢！？ 夠竟平日要點溫 (大家都知日日都默書咁制） 唔通要外判！？ 但我又唔係咁想 ～～～

我係80 後， 我由細到大， 中文呢家野不嬲自己黎， 完全唔洗屋企人操心～
都唔明點解個仔咁 ～～ 唔要佢高分， 都唔會係唔合格lor ~~~~~ 唉 ～～～

史科菲

原帖由 cheecheecrystal 於 15-06-21 發表
本帖最後由 cheecheecrystal 於 15-6-21 22:30 編輯

仔仔今年只係一年班， 聽日考期終試啦，真係有點擔 ...

定D黎，唔合格好多人都會，整理下情緒，平常心

PY-Sing

我會用大部份時間温課文同生字.

cherrieshum

放開的！有沒有溫習，我覺得分別不大！
至今我仍不知怎樣溫習，感覺中英文好像不用溫習，亦沒有什麼好溫習的；常識科更是痛苦，付出多，收穫少，我努力教小孩寫生字，結果很少填充的題目，有提供詞語，溫習書本及工作紙，怎知出課外知識，簡直浪費時間！

Yanamami

中英文都要浸，趁暑假同佢去飲飲食食，整下pancake, menu呀recipe呀全部都係字，玩boardgame又可讀下説明書，帶佢去超市順便教佢用錢(数会考吖)同食物標籤(GS),又順便学下中英文字，曰常生活每—处都有字(搭地鉄又望下广告)，儲字都可以好輕鬆~識字多，做句作文都易d.

little_yolky

cheecheecrystal 發表於 15-6-21 23:44
見到佢好多時錯唔小心，老師捉字體好嚴（呢度扣D果度扣D）， 供字填充 竟然空左一兩題， ～ 阅讀理解就最差 ...

仔仔佢同我講過話中文好難， 唔中意中文 <====  呢樣要最小心!!!!!!!!!

其實, 佢第三次考試只差0.5分就合格, 進步咗咁多, 有無讚下佢先呀? 睇你學校係考四次試, 第二同第三次之間差咁少時間, 就有進步, 要讚下自己同個仔先。




睇嚟, 佢係好多時死响閱讀理解度, 至於唔小心, 10個男仔有7個都係咁, 叫佢起碼唔好做漏先。唔做漏就又讚下佢。學校有無網上閱讀理解做呀? 我女女平時學校有得做, 仲排埋名次, 佢做得好開心。除咗做網上閱讀理解, 我女女平時睇勁多中文書(不過英文書就少D ), 所以, 唯有係你伴讀下D中文書咁, 又讀下, 又問下問題, 睇佢明唔明, 中途有四字成語或生字, 又可以解下佢聽咁囉。

simonwan

NT-1 發表於 15-6-22 09:01
兒子都是小一，越讀越怕中文，因為覺得D字難寫和學校造句例被老師修改至體無完膚(老師删改句子for 增加修辭 ...

老師誤人子弟！很多老師最叻就系打殘學生之學習熱情。香港小學是令學生精精靈靈入去、癡癡呆呆出來。小一唔駛甘緊張成績，升到班就算啦！重頭培養番小孩對中文書的興趣才最重要，做少D練習，多D睇佢有興趣的課外書啦！