請問BB時會好靜嗎?

gianagiana

我小朋友佢而家3.5個月, 佢除左肚餓, 眼瞓之外, 都唔會喊; 佢有時會同人傾下計, 但對眼就好似唔係好focus到咁....請問你們小朋友bb時係咁既嗎?
我姑奶個囡有自閉, 同埋我bb比起佢家姐bb時, 真係靜好多...唔知佢係易湊定有問題. 好擔心...好想搵人傾訴下.

T96

有懷疑call健康院姑娘面見

T96

好過亂諗。

daibolam

我囡極難湊。 由日喊到黑要抱。抱都喊。 成日訓唔到覺。 一晚醒好多次。
bb 一出世都避開眼神接觸。 到3個月左右先開始,玩時先會望眼。

misslily

如果佢唔望你, 好似集中唔到一點咁
可能係有自閑
你試下叫他的名子, 他有冇反應 / 情緒變化
如果冇的話, 要call健康院姑娘 / 搵社工

營養多多

3.5個月仍好細，唔好嚇自己，安靜唔一定係自閉！
我大囝自閉症要讀S位，細個時日喊夜喊，抱住都喊！

芒果小妹

其實我都有疑惑，之前我嗌bb時，佢都會應下我，但呢排嗌佢，佢唔多應我，就算我抱起佢叫佢，佢都唔理我。究竟係佢心情唔靚，還是真係有問題？

gianagiana

謝謝大家回覆, BB而家13個月, 都唔係好主動望人, 都未識講野, 脾氣仲愈來愈暴燥, 好在佢同家姐都仲有D互動....現觀察中,....希望冇事啦...