暑假期間補足五日兩個半小時

TTJTMaMa

求分享，阿仔成績未如理想, 有幸升上中二也有可能好辛苦過渡，如果我安排暑期補足5 日2.5 小時補8 科，我係咪好變態!

Yanamami

係咪间学校同仔既能力不配合？上到中三要讀齐文理科，会唔会更吃力？如果佢自己唔摸出一套讀書方法同答題技考，補到上F6都無用吧？佢8科全部都差？禁係能力不及定讀書态度不好呢？

TTJTMaMa

我也在摸索中，入得腦只有8 成，臨場打8 折，一個不小心就failed. 大多未識讀重點，太多範圍，要讀要記都唔少。
暑假操練目的唔想鬆懈，keep 住溫習到開學，期望F.2 順暢，我個仔冇反对暑假補2.5 hrs, 但我家人和朋友都話我， 到開學放學也可以補足5 日, 補習社安排重温重点和答題技巧，也安排盡量完成功課，所以星期六, 日只作自修。
我唔知是利還是弊?

Yanamami

當然是弊！這样拉紧橡皮圈，未到DSE已断了！要知道，明白了就不必死記，他只能記八成，是不明白？上課有用心听講？不明白的有找老師弄清楚嗎？累積下來只会越積越不明白｡他已是中学生，真的有補习社如湊小学生般湊中学生嗎？補习社安排他完成功課？中学生要這样安排嗎？

MariaTsui

現在很多中學還在考試，你這麼快就知道成績?!?!

現在仍是摸索階段，可以了解一下，問題在那裡，再作決定。

eviepa

TTJTMaMa 發表於 15-6-14 18:55
求分享，阿仔成績未如理想, 有幸升上中二也有可能好辛苦過渡，如果我安排暑期補足5 日2.5 小時補8 科，我係 ...

適得其反。最大機會是將孩子的學習動機消磨殆盡。

TTJTMaMa

多謝大家回應，心知唔健康，但真係唔知可以点?!
程度係深，能力係弱，要好好努力才有成果。 我所安排的補習，阿仔有微言但也跟從，我無能力幫佢，所以揾補習。 中文和數的補習老師也盡力幫到阿仔，雖然未有佳績，但也在進步中。
無意中搵到暑期五日補習8 科，某程度只是每天番早上，佢一定可應付。 反而開學後放學到去。可能真的好疲累!

Yanamami

TTJTMaMa 發表於 15-6-15 07:23
多謝大家回應，心知唔健康，但真係唔知可以点?!
程度係深，能力係弱，要好好努力才有成果。 我所安排的補習 ...

令我諗起如果你老細叫你日日加班2.5hrs，同埋—曰除8hrs休息都不断係度做既既家傭，非人生活！暑假都要日日補，开学後放学又日日2.5hrs……sorry, 容我講句：這近乎虐兒~

hong2002

如果底子差，補中英數已足夠。初中其它科都係記下資料，補唔補唔大分別，有需要買同textbook系列的workbook做下，合格不難！

MariaTsui

回覆 coco_cocopig 的帖子

我同意讓孩子自己去摸索,就像囝囝(讀中一)剛考完中文,HISTORY,囝囝話捉中題目,其實是在上課期間,他明白那裡是重點,老師會考,我就是要讓他親自感受,慢慢就會懂得如何溫習,因為每科溫習方法始終有別.

暑期,我只安排英文和數學補習,我都同意有樓主指出,中英數是最基本,攪掂這幾科,其他科應該問題不大.

黃巴士

按樓主所說, 孩子都不是不肯讀, 8成記憶, 我覺得可接受.  S.2書都未派, 無須要補每天8科啩!!  我聽到都怕怕.   真的, 人都癲!! 多科多谷多補, 真的消化不來.      
可暑假先嘗試1星期1小時主科作觀察. 低中咋, 唔好太壓迫孩子.  高中選科, 自然會收窄科目, KEEP住主科讓其自我摸索在閒科上的讀書方法.  退一步, 可能頭腦會清晰些.

換個角度諗, 孩子交個殼俾你補習都好過走了去. 慢慢來啦, 多鼓勵吓佢.  

cmsm

我家個位，剛升中，成績超差（唔合格），都無咁諗過，
淨係test exam前夕會狂加鐘補習，平日就3-4日，每次個半鐘，
家下暑假都只係安排了補中英數，各課各一星期一堂，一堂一個鐘，
其實如果你每日補的話，時間唔使咁長，一日一科，個半鐘都ok啦

aleung922

回覆 TTJTMaMa 的帖子

暑假要補足5 日, 每日2.5 小時補8 科.8 科我諗仲要有家課做呢, 到時整日都唔得閒. 何苦呢?  最担心係反而會失去咗學習既興趣! 特別係青少年階段, 佢未必會完全表露佢既內心世界, 宜三思!

MM1155

中學生平時六點幾起身，一直踩至大約四點放學，返到屋企又要做家課，備課，讀書報告，project等等，唔計test & exam, 又時不時quiz，真係人都癲！就算想溫故知新，暑期一星期一至兩科都應足夠…否則個腦真係好攰…

mamee

原帖由 TTJTMaMa 於 15-06-14 發表
求分享，阿仔成績未如理想, 有幸升上中二也有可能好辛苦過渡，如果我安排暑期補足5 日2.5 小時補8 科，我係 ...

其實最主要是有沒有幫助。我也有個中一仔，我見他：中西史是要時間溫、IS可能真的是要看消化度、Geog又不是太多課喎。我覺得專科補中英數、打好個底，好過全包補。

yovin

原帖由 TTJTMaMa 於 15-06-14 發表
我也在摸索中，入得腦只有8 成，臨場打8 折，一個不小心就failed. 大多未識讀重點，太多範圍，要讀要記都唔 ...

其實你個仔算又乖又聽話㗎啦，暑假補習都無平曰返學咁長時間，我哋D仔要將勤報拙，等緊他開竅，他一但捉到路就自動衝上前面的。未開竅前要補住個底。有我個仔陪你，我哋補二、四、六、日……·#二四日私補1.5~2小時#星期六就外出上中文及英文班。因為佢好多嘢問，但我真係答不到了！唯有請D讀大學嘅學生感染下佢。我個仔好痴身，成曰要我陪太子讀書。

TTJTMaMa

原帖由 yovin 於 15-06-17 發表
其實你個仔算又乖又聽話㗎啦，暑假補習都無平曰返學咁長時間，我哋D仔要將勤報拙，等緊他開竅，他一但捉到 ...

对大部分家長而言，合格容易以為我求高分! 其實我只是其阿仔補底，這兩年我仲可以掌握佢，只是時間和能力我未能配合，佢心知有幸順利升级並非易，所以我提出暑假補三天2.5 小時，補習社会教佢地mark 重点和答題技考。
反而開學後補足5日， 我也有擔心他頂唔順。 但每個中學生放學又有家做mud 呢？