書展又到啦, 您有咩心水買咩書/雜誌呢?

chulay

兒童的科學書連玩具 分12期取

HaYi

已同大仔去左2次, 都係買左平書, 一百元幾本個D大大本英文書, 有故事有工具書, 真係好重但阿仔超開心, 又買左好多新奇玩意, 佢想去第3次..

同埋訂左未來少年, 希望佢會睇多D中文.

MK370

原帖由 chulay 於 15-07-17 發表
兒童的科學書連玩具 分12期取

想問 $799 係咪好底 ?

Obiepapa

原帖由 little_yolky 於 15-06-24 發表
木棉樹！

不過佢哋好乞人憎, 零頭要四捨五入, 即買101.5, 要俾102蚊, 又無得碌卡或EPS, 迫人俾多D。

木棉樹好我也買了一堆孫幼軍。

jy0212

little_yolky 發表於 15-6-22 12:44
我舊年响書展訂未來兒童, 記得係12個月有15期, 同埋送咗3本中文書(初小程度), 超好睇。 ...

想請問，未來兒童，係邊個counter訂

小時了了

jy0212 發表於 15-7-19 20:02
想請問，未來兒童，係邊個counter訂

好多counter都有，如新雅，小樹苗，讀書人，專業訂

sissysze

原帖由 小時了了 於 15-07-19 發表
好多counter都有，如新雅，小樹苗，讀書人，專業訂

請問訂未來兒童幾錢？有無贈品？thx

小時了了

sissysze 發表於 15-7-19 22:25
請問訂未來兒童幾錢？有無贈品？thx

我今日係小樹苗訂咗未來少年2年（唔係未來兒童），好似係港幣＄1980，贈送：2本過期未來少年+2套書（1套係2本硬皮書，一套係4本小天下文學館書，即係共送咗6本書，呢6本書贈品如果係博客來／金石堂買都要二三百蚊架）

未來兒童我諗差不多價錢卦

jy0212

回覆 小時了了 的帖子

Thx

sissysze

原帖由 小時了了 於 15-07-19 發表
本帖最後由 小時了了 於 15-7-19 23:03 編輯

thx

little_yolky

小時了了 發表於 15-7-19 23:00
我今日係小樹苗訂咗未來少年2年（唔係未來兒童），好似係港幣＄1980，贈送：2本過期未來少年+2套書（1套係 ...

今年無乜錢, 但噚日去都血拼咗大半日, 書展真係令人愛不釋手。

我今年無訂未來兒童, 因為舊年書展收錯錢, 台灣打電話俾我話退錢麻煩, 所以寄多3期俾我, 我仲有半年貨仔。今年行讀書人時, 見有一本新雜誌, 好似幾好睇, 仲分埋唔同年齡level, 本來我家要訂初階, 但妹妹太低B了, 所以只好訂學前版。去到中學版都有。但初階版一個月兩期, 好多, 都怕睇唔切。

小時了了

little_yolky 發表於 15-7-20 09:22
今年無乜錢, 但噚日去都血拼咗大半日, 書展真係令人愛不釋手。

我今年無訂未來兒童, 因為舊年書展收錯錢,  ...

書展我去咗兩日, 我嘅收穫如下:

訂雜誌: 未來少年 2 年 (贈送6本書)

買書: i) 修煉前傳：未知樹的預言; ii) 修煉 II：千年之約 ; iii) 修煉 III：穿越神異界; iv) 漫畫中國歷史18北宋風雲 ; v) 漫畫中國歷史19 南宋偏安 vi)  漫畫中國歷史 20 元朝遼闊的帝國 + 幾本食譜及做便當書用作自己學人煮飯之用

買補充: 明報出版社 i) 5 **預備班 作文：記敘，描寫，抒情; ii) 5**預備班 作文：說明，議論，游說; iii) 5**預備班 作文：寫作修辭之是是非非; 樂思出版社 iv) 樂思分類精練系列──標點符號 4, 5, 6 ( 3本)


P.S. 個人強烈推薦張郁如嘅 修煉 I, II, III & 前傳一套4本小說, 好適合高小以上已有良好閱讀習慣小朋友睇, 小說裏面作者混合咗好多好多中國文化傳統知識, 小朋友會不知不覺識好多中國文化野.

例如: 我尋晚被阿女 "迫" 睇修煉 I, (阿女係我隔離追緊修煉 II), 為咗應酬阿女, 於是隨意揭來睇, 咁揭到個版係講 "玉蟬" , 小說劇情講解"玉蟬" 係中國古時人陪葬品, 有啲 "玉蟬" 有小洞, 有啲無, 無洞的會放係死者口中, 喻意希望死者輪迴重生 (因為中國古時人認為蟬產卵後, 幼虫會係泥土地底下生長幾年, 之後才會破泥而出脫變成為蟬). 嘩! 我活咗幾十歲人, 尋晚睇小說先至識呢啲中國文化咋

HaYi

5** 作文個套我都有留意, 唔知深不深得滯, 今明晚有機再去巡一下.

我係星加坡補充買左3本中文新出的補充, 我估是for HK, not singapore, 有3本書仔送, 是古典文學之類, 我都覺得抵, 因買就未必, 送就搬下

aminafy

未來兒童 $990/一年，送2本過期＋4本書

小曳人

續訂無乜好處，只係多送兩期新嘅，買多兩句就話：你要嘅咪攞幾本舊架囉！

hidy88

請問有冇網上訂購，冇時間去書展

serinac

原帖由 小時了了 於 15-07-20 發表
本帖最後由 小時了了 於 15-7-20 10:44 編輯

請問修鍊系列在那個攤位有得賣？比網上買平嗎？

小時了了

serinac 發表於 15-7-21 09:12
請問修鍊系列在那個攤位有得賣？比網上買平嗎？

請問修鍊系列在那個攤位有得賣? -------- 三樓兒童天地 3D-D32 讀書人

https://www.facebook.com/readersbookshophk?fref=ts&ref=br_tf
係讀書人fd尋晚出post: 「修煉」套書沽清 (套書指修煉 I,II, III 三冊(本)); 「修煉」前傳還有8本, 睇fd相, 修煉套書沽清, 但好似有少量散賣

比網上買平嗎？----- 唔知, 無格過價