依家我可以做啲乜野幫到bb?

芒果小妹

BB七個半月大，但同人眼神接觸較少，哄埋去，佢會避開我的眼神，但叫佢個名，有時都會應。佢好鐘意玩地球儀，同埋抬高隻脚，然後大力dum落high chair度。佢唔多怕痛，打針同撞親頭仔，都係喊一、兩聲，所以我好擔心佢有咩問題。
我知道自閉症越早訓練越好，唔知道最早可以幾時帶bb評估？就算未做到評估，現階段可唔可以帶bb接受訓練先？請各位jm俾多啲建議我。

sorjomui

芒果小妹 發表於 15-6-10 11:06
BB七個半月大，但同人眼神接觸較少，哄埋去，佢會避開我的眼神，但叫佢個名，有時都會應。佢好鐘意玩地球儀 ...

帶小朋友去多d公園，睇吓有無改善。，

DENNIS201

七個半月太細了吧，如果真係怕，去驗血睇下有無食物敏感

芒果小妹

原帖由 DENNIS201 於 15-06-10 發表
七個半月太細了吧，如果真係怕，去驗血睇下有無食物敏感

食物敏感會有影響？

DENNIS201

通常d A仔對 奶，蛋 呢d食物會敏感，驗血會查出有抗體

芒果小妹

多謝兩位的建議。其實就算私營機構，係唔係都唔會幫咁細的bb做評估？如果直接上佢哋的密集式訓練班，可以嗎？

DENNIS201

我仔剛兩歲上密集都覺得太細，坐唔定
七個月無可能有堂上

long107

帶佢參加playgroup好過啦！咁細點上訓練！

tweety82080

現歲數太細醫生不能介定自閉，社交，情緒等等問題其實你現可去健康院轉介排cac也沒壞處。因cac會到某歲數時會安排各方面大小肌肉，言語，眼睛等等其它檢查作出安排。
因我仔仔讀s位，以我所知自閉証好似起麻要到6歲標準智能測驗評估到

kiki217

回覆 芒果小妹 的帖子

而家會唔會太細，評估都唔準，我囡囡去私人做評估，得個少少時間，佢就評估小朋友的問題，其實我覺得唔係太準，不過知道亞囡係有問題。

芒果小妹

多謝大家的意見

芒果小妹

原帖由 kiki217 於 15-06-11 發表
回覆 芒果小妹 的帖子

而家會唔會太細，評估都唔準，我囡囡去私人做評估，得個少少時間，佢就評估小朋友的 ...

請問你囡囡幾大就帶佢去做私人評估？同埋介唔介意講下囡囡有咩問題？

kiki217

我囡囡兩歲去私人做評估，評估佢自閉症，其實我地一早就發現佢同其他小朋友唔同，但母嬰健康院又話再睇下，我地搵特殊幼兒老師做訓練，一歲十一個月開始每星期上兩堂，而家識得穿襪子，穿珠，夾小方粒，扣扭，因我地想佢的自理好d,而且開始講野,不過d音好弱，識講知道，餅餅，唔該，老師，媽媽，爸爸等

kiki217

而家兩歲四個月

芒果小妹

原帖由 kiki217 於 15-06-12 發表
我囡囡兩歲去私人做評估，評估佢自閉症，其實我地一早就發現佢同其他小朋友唔同，但母嬰健康院又話再睇下， ...

原來咁大先可以做評估，我都係觀察住先。請問你嗰時發現囡囡有咩唔妥？

kiki217

未足一歲，不過身邊的人都話仲細

芒果小妹

原帖由 kiki217 於 15-06-12 發表
未足一歲，不過身邊的人都話仲細

嗰時囡囡有咩唔妥？係唔係唔多望人？

kiki217

唔望人，叫都無反應，唔識坐，一坐就訓地同大叫

anan3388

想方法增加互動