聖家爸爸事件

hkpapa852

聖家爸爸事件, 其實係一喜事, 但如果推論正確而事件係5,6年後發生, 結果一定會不一樣, 變成慘劇.

話説2012/2014年度交升中統一派位表前, 有位女兒在九龍城區其中一間熱門男女小學既爸爸不停上嚟EK發言. 呢間熱門男女校, 一向只公佈升中首三志願%, 同埋入到既學校名稱.

該學生爸爸話學校保守, 只將全級頭1/3當係B1學生, 又話女兒間小學老師不斷建議考全級1X個D學生(小六全級約100人)只可選一間B1做乙一, 乙二要開始填B2, 大家已經覺得間學校有問題 (以為學校為咗做靚個首三志願比例).
而該學生3次呈分都在全級15名至25名 (全級約100人左右), 即係一定係全級頭25%, 甚至20%內. 所以理應必是B1學生, 係九龍城區B1學位有剩,跟本唔需要咁保守只填一間B1學校, 於是佢至少為女兒填咗10間B1中學. 結果統一派位派乙五 - 聖家書院.

但因佢之前既學校排位, 和其它一些B1學生家長提供既資料有所沖突, 大家懷疑派位機制出咗問題. 結果由EK升中版資深會員和相關長溝通和調查後, 得出結論係其中之一係:

假設派位機制運作正常, 加上會員收集既資料所得出既客觀結論:
該九龍城區熱門男女校既女學生(全級頭25%, 甚至20%內), 只屬B2而非B1學生, 只係因九龍城網B1學位充足而幸運地派到聖家書院.

所以呢件事睇到兩幾樣嘢:
1. 小學升中資訊透明度既重要性
2. 中學網學位充足率既重要性
3. 聖家書院現在唔係咁受九龍城區B1學生家長同聖家小學既家長歡迎, 所以即使街外位只有個位數, 仲可以俾B2學生抽入

從此, 呢位爸爸俾人叫咗做聖家爸爸. 聖家爸爸個女係咪真係B2學生, 定派位出咗問題呢? 事實既"真相"係無人知, 因為教育局永遠唔會俾你知你既子女當日升中既實際Banding, 而如果你無証據証明派位出錯, 佢都係唔會啋你.

*** 唔好問我係邊間小學, 亦唔需要PM我, 我係唔會答. 有興趣自己去爬舊帖或者去升中版睇下

ckhmama

本人唔係好明,之前也係EK看過聖家爸爸呢個名,但就係唔係好知發生乜野事, 因本人對呢間小學都有d興趣..所以而家有人出黎解說, 真在好有興趣了解了解.. 但關小學事嗎? 係咪即係話佢地判斷錯誤自己學生係實屬於BAND 幾而去叫學生選錯學校?

johnwooo

hkpapa852 發表於 15-6-9 16:37
聖家爸爸事件, 其實係一喜事, 但如果推論正確而事件係5,6年後發生, 結果一定會不一樣, 變成慘劇.

話説2012 ...

唔該晒, 但我唔明第3點, 咁俾B2生抽入, 會唔會拉低banding?

hkpapa852

ckhmama 發表於 15-6-9 16:58
本人唔係好明,之前也係EK看過聖家爸爸呢個名,但就係唔係好知發生乜野事, 因本人對呢間小學都有d興趣..所以 ...

問題係:
1. 太多人相信熱門學校升中派位一定好
2. 學校到底係真錯估定假錯估?

little_yolky

hkpapa852 發表於 15-6-9 16:37
聖家爸爸事件, 其實係一喜事, 但如果推論正確而事件係5,6年後發生, 結果一定會不一樣, 變成慘劇.

話説2012 ...

呢間係校長老師好好既學校嚟既, 所以唔會為咗做靚頭3個數害學生。唔好問我點知, 總之我知道就得。
我覺得聖家女兒出咗事, 最重要原因係學校給予學生既banding是否以呈分試分布計算? 抑或只係依學校名次? 這個足以令學生即時死亡。某一科分數上落大, 可能對名次無明顯影響, 但對於banding可能係生死尤關, 例如：數學。

其實唔係老師保守, 該校的而且確大概只有1/3 band 1而已。可能係因為老師門也摸不清呈分後學生既真實banding, 所以就想學生保守D, 起碼有間好既band 2校。不過, 聖家女兒真係好彩, 咁都俾佢入咗聖家, 換咗我大女年代, 真係必變炮灰。

johnwooo

hkpapa852 發表於 15-6-9 17:01
問題係:
1. 太多人相信熱門學校升中派位一定好
2. 學校到底係真錯估定假錯估?

其實可唔可以咁演繹, 若今年他女兒才一年級, 五年後, 連聖家書院都未必入到?

ckhmama

回覆 hkpapa852 的帖子

哦..明白左小小..因為本人覺得就算間小學靚既升中資料都只係放出黎頭個渣人..所以都係要睇番自己小朋友既資質同埋靠自己去幫小朋友選擇, 學校只係比個意見..亦都唔好全部責任放哂係學校度..不過我覺得你頭先有點係對既就係夠竟自己學校全級考頭20~25名係咪就可以選BAND 1學校呢? 到底自己小學既質數係咪可以同出邊d更叻更名既小學去相題論呢? 呢個先係本人覺得問題所在! 多謝你解開左我既疑問!

siden

所以，未聽過聖家爸爸之前，我一直以為呢間又新個名又響，一定好過基華

學會了揀學校千祈咪睇名或名氣

數字最緊要

johnwooo

hkpapa852 發表於 15-6-9 17:01
問題係:
1. 太多人相信熱門學校升中派位一定好
2. 學校到底係真錯估定假錯估?

咁除左聖家呢類B1中學不受直屬小學家長歡迎, 仲有邊D B1中學有相似情況?

786

hkpapa852 發表於 15-6-9 16:37
聖家爸爸事件, 其實係一喜事, 但如果推論正確而事件係5,6年後發生, 結果一定會不一樣, 變成慘劇.

話説2012 ...

對不起, 因為在其他人POST打了其他學校名字, 以亂視聽. 這是不公平. 所以我要澄清.

你說的是新華德(九龍塘天主教華德小學).

FRUTIPS

原帖由 johnwooo 於 15-06-09 發表
咁除左聖家呢類B1中學不受直屬小學家長歡迎, 仲有邊D B1中學有相似情況?

聖羅撒小學的band1生聽說都不會揀聖羅撒中

FRUTIPS

hkpapa 原因是什麼？

ok3

FRUTIPS 發表於 15-6-9 17:52
聖羅撒小學的band1生聽說都不會揀聖羅撒中

應該嫌遠掛

echaichai

FRUTIPS 發表於 15-6-9 17:52
聖羅撒小學的band1生聽說都不會揀聖羅撒中

因為中學在沙田區?

bbforever

現實…41校網的2線小學，我知有幾間小班教學的小學派英中查實是4班只得1班脫穎而出而已……
但聖家爸爸哪校，我有朋友仔和鄰居仔分別讀緊和已畢業，據說學校都幾谷，功課都頗煩重，剛進一年級都建議學生參加奧數，考劍橋英語等…
真係唔明咁進取的一間小學，派位又……
唯有說41網的私校學術和派位太強……此消彼長……

ckhmama

但其實我又唔係真係覺得全部責任關學校事, 而家基本上所有小學,除左好出名既小學, 都普遍較保守,不會那麼進取, B1生頭一二選放B1學校,第三選放B2校。。。實屬正常，但點都好，家長都要有自己既責任同選擇幫自己子女去決定既，但如果係咁，想當年其餘個廿位B1生又冇人出黎嘈過？只有聖家爸爸出黎講野?

chanti

原帖由 FRUTIPS 於 15-06-09 發表
聖羅撒小學的band1生聽說都不會揀聖羅撒中

係，識人寧願揀其他1A/B學校如華英，迦密，我唸係因位個區band 1位夠同想讀男女校啦,所以有超過110名既小學部學生都派返入中學部

mamaokasan

sorry I am very slow in catching up. do you mean holy family in 41? isn't it good school?

socute

原帖由 hkpapa852 於 15-06-09 發表
聖家爸爸事件, 其實係一喜事, 但如果推論正確而事件係5,6年後發生, 結果一定會不一樣, 變成慘劇.

話説2012 ...

真是要收藏這個帖，雖然我兩個女有排都未升中，以免之後失傳留定底先

sukitelfold

原帖由 bbforever 於 15-06-09 發表
現實…41校網的2線小學，我知有幾間小班教學的小學派英中查實是4班只得1班脫穎而出而已……
但聖家爸爸哪校 ...

有歷史因素，這校之前是下午校，亦在舊校，所以一般家長也會選上午校先，扣門、插班等亦會選上午校，2、3年前搬了六星級的校舍，生源也相對豐富了，時移勢易，現在扣門插班也會選新校先，相信3年後新校第一屆開始，升中派位亦會穩步漂亮起來！！！