35net ~ 葛亮洪

john.ma

忍唔係要講幾句...
葛亮洪唔係一間你哋所講既「寶校」，只係俾太多家長label咗，形成一個惡性循環。冇家長去選呢間學校，個個都係聽返嚟呢間好差，卒之收唔到比較有質素既學生，即係學生成績唔能夠有效提高。中一派位又點會好﹗

近年換咗新校長，新校長好有heart想搞好間學校，只係奈何客觀環境因素，的確好困難。我去過同區4間學校睇，始終覺得呢間既校長老師係最肆正。

有好多家長其實冇講出口，話佢係「寶校」係因為佢哋收咗比較多特殊學生。根據我囡校長講，果啲特殊學生多數比較平靜果類，反而千禧就有大叫大跳會衝出馬路既特殊學生(呢方面坊間啲家長係唔會提，亦可能唔知)

當然各位可以唔喜歡呢間學校，唔係你杯茶，唔緊要，不過作為家長，唔好落井下石。的確有家長派到呢間會喊咗出呢，但亦有喊完之後係唔捨得走。

重有佢中文科係特別應用新既教學法，可以特別針對幫助有讀寫障礙小朋友，如果你真係有呢方面需要，真係要認真考慮呢間。(冇讀寫障礙都可以用同一教學法)

其實坊間對呢間學校都有好多正面評價，只要你唔好再帶有色眼鏡去睇。

利申：
我囡都係今年小一派位，自行派千禧，我哋原先既plan都係如果自行入唔到千禧，大抽奬就會將葛亮洪排第二志願。

wing214

想問問，我仔仔過2年要抽獎，得15分，而家讀威廉，prefer愉快學習，最緊要近屋企。。。比較心儀宣道，咁放宣道，奉基，葛量洪為首3志願，係唔係比較穩陣呢，始終2011年出世係重災區。。。我當然已經裝備仔仔運動方面的天賦，暫時讀咗年半Cambridge, 希望有d嘢叩門咋。。。咁做正確嗎？

john.ma

呢區啲人比較鐘意選宣道、奉基，所以競爭會比較大。呢區基本上第二志願已經冇乜作用，除非第二志願係選聖提摩太或葛亮洪，咁第一派唔到就實派到第二。
宣道每年都會搞一個智叻星計劃，俾同區幼稚園參加，各幼稚園會抽一啲比較出色既學生去參加。完咗宣道會發一張cert. 如果有呢張cert.對叩門會有啲作用。

Kevinng712

35網只有這校是260個學位，其余九間的只有双位数字的学位。显然已見的道理！

ganggang

orange_connie 發表於 15-6-6 23:35
我想話上年叩門收到2xx 張表，學校主張關愛，升中網好，好多人想入

你話邊間?

1010mum

利申: 我是街坊，小朋友不在葛記。但區內每一所學校，都有朋友的小孩在讀。

平心而論，校風學術不作評論，光關愛二字，敢說其他學校望塵莫及。朋友小孩入讀至今差不多一年了，每月至少收到班主任一次來電，報告小朋友在校情況，與家長互動交流，連用膳小習慣這麽細微的事，都留意到。可見老師真正的用心來關顧學生。補充: 朋友的孩子，屬中上學生，並非需要特殊照顧的一類。

題外話：換新校長後，學校教風比前積極進取，不再是以時前少功課，好輕鬆的愉快學校。

以愉快為前提的家長，不可不考慮這點。