關於 S 位學習問題，請過來人指教

ilovexo824

小朋友讀了 S 位一年，行為上雖然不是可長期坐定定，但已有明顯改善，下年9月將入讀小一，問題是現在的 S 位，完全沒有教學術，仍然是畫線 colour 。。。好擔心下年怎樣可升讀小一，想襯還有一年可追，幫他報讀一些課程，請問有沒有過來人可以分享指教，謝謝🙏🏼

pocoyo123

五歲後CAC會有個上小一前評估, 評估完認為小朋友可上主流, 但又差小小, 佢會提議你重讀一年K3, 等小朋友可追下學術和社交

lkube

但如果超左年齡点算？即係適齡讀小學的話仍要重讀一年k3可以的嗎？

ilovexo824

原帖由 pocoyo123 於 15-06-02 發表
五歲後CAC會有個上小一前評估, 評估完認為小朋友可上主流, 但又差小小, 佢會提議你重讀一年K3, 等小朋友可 ...

請問咩情度先叫適合？

fandd

如果小朋友一直就讀S位，但準備升主流小一，建議重讀K3一年，因主流幼稚園3年所學的內容是有助小一的學習(中英數)，若沒有幼稚園的基礎，很難適應到小一課程。
即使是就讀I位的小朋友，也要考慮這問題。如因此而需重讀，亦可向教育局多申請一年學券資助。

P.S. 小一的課程又比K3的課程艱深很多呢！

fandd

如果選擇K3重讀，在小一選校派位的第一階段則會失去10分的「適齡兒童分」，即表示於第一階選取到心儀小學的機會相對較低……要說到「小一派位機制」，又是另一課題了。

ilovexo824

原帖由 fandd 於 15-06-02 發表
如果小朋友一直就讀S位，但準備升主流小一，建議重讀K3一年，因主流幼稚園3年所學的內容是有助小一的學習( ...

問題，1.會有超齡入讀小一嗎？2.重讀後還是哥哥學校的必收生嗎？3.有沒有有學券的學校介紹？因為 k1 時無學校肯收，終於要入讀4千幾嘅私校。。。

T96

入小一前，CAC會約你小孩做評估，姑娘要家長要填小孩能力問卷，教育心理學家會同你小孩做評估，根據小孩六歲前後用不同評估工具，家長無得陪同跟小孩入房做評估，之後計分，評估你小孩入不同程度的學校。

T96

協康的社工會根據CAC評估報告建議你小孩入CAC proposed的學校。

djlove

其實s位都會教學術，你讀邊間？完全無教？

ilovexo824

原帖由 djlove 於 15-06-02 發表
其實s位都會教學術，你讀邊間？完全無教？

無呀，鄰舍輔導會

ilovexo824

原帖由 T96 於 15-06-02 發表
入小一前，CAC會約你小孩做評估，姑娘要家長要填小孩能力問卷，教育心理學家會同你小孩做評估，根據小孩六 ...

其實我覺得佢行為上改善了不少，不過佢現在肯做，但做前係到要扭一扭，好似想博一博不用做咁，所以我想揾d野俾佢學，迫下佢，希望可以入返正常小學

fandd

回覆 ilovexo824 的帖子

1. 適齡入學指：九月開學時年滿五歲八個月至七歲，不在範圍內便沒有10分

2. 不一定，如果沒有適齡10分，哥哥在校只有20分。今時今日，持20分申請很多學校也不一定成功呢！

3. http://www.edb.gov.hk/tc/edu-sys ... -voucher/index.html

bbymc11

冇理由冇野學，我仔係s位叫做讀k2，都係買番k2課程比佢地學習，仲要日日有功課做要寫字。

ilovexo824

原帖由 bbymc11 於 15-06-02 發表
冇理由冇野學，我仔係s位叫做讀k2，都係買番k2課程比佢地學習，仲要日日有功課做要寫字。



  ...

我地俾佢的，佢知不是學校的不做，學校由上年到現在，還是給他畫線及填色功課！

T96

ilovexo824 發表於 15-6-2 20:00
其實我覺得佢行為上改善了不少，不過佢現在肯做，但做前係到要扭一扭，好似想博一博不用做咁，所以我想揾d ...

其實你可以報自行收生，自行收生表有一欄Tick小孩有沒有特殊需要，Tick左教育局會比多D資援給你兒子；另外CAC 評估不是強制性參予，家長自行決定做不做評估。

T96

入特殊學校就要CAC接受評估

fandd

如果小朋友以前曾喺CAC做過評估，CAC在K3嗰年會主動聯絡家長，帶小朋友去做小一入學前評估(自願性質) 。諗住要喺小一時需要支援既小朋友，家長就一定要比佢做，因為小學要見到份報告，至會給予支援；否則，屆時即使家長希望小朋友得到支援，學校也需要教育局既專家核實後才可給予，非常費時呢！
此外，小一入學前評估的結果，家長也可自行決定是否願意讓小學知道的。

T96

如果小孩講說話冇對答，已扣好多分，家長要有心理準備會評到好差。

Olympian

原帖由 ilovexo824 於 15-06-02 發表
小朋友讀了 S 位一年，行為上雖然不是可長期坐定定，但已有明顯改善，下年9月將入讀小一，問題是現在的 S  ...

如果功課是畫線填色，大概是K1的程度。明年9月小一會好吃力。因為小一要寫好多字。尤其中文要識好多字。又要閱讀理解。

我覺得可以先考慮重讀K3。開始留意一下區內的幼稚園邊間啱心水。因今年9月開學就好開始搵幼稚園重讀K3。因K3位少。

另要諗哥哥學校是否適合弟弟。睇多幾間。特殊學校都要睇下了解下。兩手準備。評估一定要做。正如樓上講小學支援要評估報告。話唔話比小學知可之後決定。不過真係會好快現形。早d比學校知較好。上到小學我地d仔幾乖幾叻都好，都會現好多意想不到的情緒行為問題。打定個底冇壞。