請問一開始讀國際好嗎?

Jane1983

現在的local school已經不是我地果代的情況，返全日，少都4、5樣功課，默書測考頻密，返學日子真係一日搵唔到一個鐘靜靜地玩...

gabthomas

到想轉國際校時，恐怕英文跟唔上 (三 四年級的英文己經好流利，一般傳統學校學生未必跟到)， 及 插班interview 時，英文要求會高好多。
除非有背景同學校有關係及有錢，一般學校少收插班生。
另外， 小朋友已在原本學校識咗好多同學， 佢哋未必捨得。 需要考慮小朋友需要

仲有， 中文係大勢所趨， 國際學校己開始加深中文

samsam123321

nintendo 發表於 15-6-2 00:13
Which international school is your friend's daughter studying in now?
When did she switch to this s ...

Yes, 通常收親都係popular 學校。

annie40

回覆 nintendo 的帖子

完全同意。國際學校學生有國際學生的味道和特質，家長可以喜歡或不喜歡，太遲入學，就容易缺了點Style和character.永遠補不回。 當然有些孩子在LS根本是錯配，去到IS才是真正的振翅高飛，這些是少數和另類了。
如果只能在中文和style/character之間 只選一項，我會毫不猶豫地揀style.

Jane1983

幾時去IS，揀邊間IS，或去吾去IS，好睇父母想raise一個什麽樣的孩子。家長係滿意自己成長的經歷，只是想要英文勁d和少d功課。定係認同外國教育的全套，包括佢好的和不好的。

bennyeva

10歲前對一個小朋友未來嘅學習模式有好大影響，你中意IS嘅教學模式，咁你同唔同意IS嘅理念？概括而言國際學校（呢度指IB課程)係教緊學生「學習嘅態度同思考方法」，而唔係著重「學習嘅內容」，咁邊樣先係你要嘅野？講呢d係因為，中文英文能力其實只係選校其中一樣考慮因素而已

既然樓主覺得IS嘅教學模式同英語能力係你杯茶，咁點解要單單為左中文一樣野而行LS？學一種語言，唔單只依賴學校，屋企一樣好重要，喺屋企用母語講故事睇書，一樣可以保持中文能力

點解呢度部分家長會話揀IS要取捨，係因為大家揀左要小朋友「喺學校」學做人，而唔係學知識，所以揀左用其他途徑去保持中文能力

莫講話而家IS爭成4千個學位，就算將來有足夠學位比你LS轉IS, 而又當你小朋友英文能力又可以pass。你都要考慮清楚，兩種唔同嘅學制，學習模式、朋友圈子、文化，咁大轉變小朋友handle得到嗎?

最重要嘅係，有需要因為中文能力呢一樣明明屋企人都搞得掂嘅野而去take risk 嗎？

希望幫到你