見完CAC醫生

fandd

回覆 cindychui 的帖子

其實無論俾幾多科，喺醫院既作用純粹以「監察個病」為主，而且排期至少1.5年。CAC既醫生應該建議你囡囡去排S、I或E位(即訓練服務)，你應盡快聯絡社工(社會福利署)排期。由於服務排期也至少1年或以上，如經濟OK既話，攞住CAC個報告出去揾私人訓練中心(協康、領思、建基、邁步……)做訓練吧！

fandd

回覆 lkube 的帖子

……老實講，小朋友既情況係點，相信最清楚既係父母，評估醫生講既意見你咪當做參考。輪候S位需時，如是你係揾私人中心做住訓練，過咗一段時間，如果見小朋友再有明顯既改善，到時你咪揾中心既心理學家寫信(手續費約幾百元)，證明小朋友較適宜讀E位，再交社署，便可由「S位」轉到「E位」。

兩年前我囝囝都係用呢個方法。

/

fandd

囝囝喺2歲時返咗1.5年密集式訓練，然後入讀主流幼稚園，而家整體表現与同齡小朋友無異(只係社交弱少少)，下年將入讀主流小學。☺

fandd

回覆 DENNIS201 的帖子

兩歲前：囝囝自出生後便成日喊，仲唔肯俾人抱。到一歲後，佢又成日唔睬人，你叫佢時，佢有心情就望吓你，但大部份時間都係唔睬人(即唔望人)。平日佢最鍾意玩車(特別係巴士)，雖然無玩車轆，但成日鍾意扮停車場排車(橫排、直排、分類排、扮塞車……)。由於佢到三歲才懂說單字，故三歲前用了很多身體語言去表達自己的需要。(二歲多才懂用手指作指示)。在一歲多，我曾帶佢返個2間playgroup，返咗差唔多1年，但結果係徹底失販，每次佢都唔肯聽導師既指示，唔肯排排坐，只顧自己四周「遊魂」，或自己玩中心既玩具；期間自然多次受到中心既導師及負責人投訴。

fandd

回覆 DENNIS201 的帖子

用手指指或眼望向想要既嘢既方向！

當時一唔順佢意，就發哂癲喺度狂喊、抱起佢就狂抓你既頭髮...... 至少維持45分鐘至肯收聲！

fandd

綜合我囝囝及部份同路人仔女既經歷，如果在2歲做評估，所出結果的準確性可能有好大的偏差：跟住同樣都有參與密集式S位訓練，再過1-2年後，有D小朋友既情況有明顯改善，有D則無嘜改善......到咗4歲時，情況就會清晰好多。所以，仔女於2歲時做咗評估既家長，暫時唔好諗咁多(包括想辦法去介定仔女係咪真係患上自閉症)，應該全力(包括精神、金錢及時間)為佢哋揾最好既治療。

fandd

回覆 vincelo29 的帖子

fandd

支持你的做法!

fandd

友持既地方:「我同先生即係去搵言語治療及早期課程，希望盡力在黃金期治療，亦唔知成效，只是希望他真的進步或三歲識講話等，（外間傳男仔遲講話），因我自己覺得父母每天的訓練，係十分重要的！」

至於用任何不同既方法，我相信每位父母都好想嘗試，我唔係專家，囝囝亦唔係試過好多方法，所以唔敢作任何評論，但只想提醒大家真係要小心選擇，衡量吓每種方法既價錢及成效。需知道可見將來既開支會越嚟越大呢！