用家，真心推介Pods(樂基姐妹校)

Taeve

回覆 lovesther 的帖子

緊係 York 啦, Pods 砲台山校舍非常細， 同埋要上樓梯， 小朋友完成唔夠活動空間， 親戚個小朋友係個度讀， 間學校流失率好高，一年走好多學生， k3 小朋友同k2 小朋友竟然係同一個課室上堂， 有一個新黎嘅老師有問題，知情不報， 小朋友係學校整親都唔同家長講， 學校又好似唔係好理咁，而且間學校透明度一向都好低

kyramom

lovesther 發表於 16-2-20 17:52
Jackwan, same here, also struggling for York pm or Pods pm class? Pods is new school and worry about ...

作為一個用家, 我依然非常欣賞PODS.

仔仔K1下學期了, 中英普非常好, 而且流利, 我不用擔心.

老師對孩子非常好, 一個半個咳都打電話比我, 上次孩子入醫院, 她每天致電關心, WEEKEND又去醫院探他, 這份心, 我感動.

孩子咳吃了藥有SIDE EFFECT, 執筆輕微手震, 老師比我先察覺, 致電關心及溝通, 這份心, 我很感激.

我孩子讀habour height campus, 校舍不大, 要上樓梯. 不過上落校車老師1人拖1個, 我不太擔心.

但每人要求不同, 我希望孩子在愛中成長, 學會關心別人, 有求知慾, 語言能力強, 喜愛書, 老師樂意與家長溝通, 這些pods做到我要的東西.

課程上, 如果指近不近本地課程, 相信YORK勝一籌, 起碼安排課外活動, 我覺得YORK是比較好.

K1很多人離開, 始終PODS名氣不夠其他學校大, 亦有很多考到龍幼, 而且坦白說, 學費成7千幾蚊 一個月, 不是人人喜歡.

我孩子考到KV, SC, 高主教, 但我都放棄了, 因為PODS做到我想要的東西.

希望能幫到你去認識學校,

bbgoolooo

kyramom 發表於 16-5-17 16:12
作為一個用家, 我依然非常欣賞PODS.
仔仔K1下學期了, 中英普非常好, 而且流利, 我不用擔心.
老師對孩子非 ...

請問今年 Pods K3升小一 戰績如何?  謝謝!

Taka12

我只知道有學生去了international school

Taeve

回覆 bbgoolooo 的帖子

聽講今年派位好好似麻麻地， 所以有幾個學生都準備轉校， 仲要出年加學費加到$7xxx,  唔係錢嘅問題， 係交咁多學費俾唔到同等嘅野學生
我亦知道有好多學生未完成一個學期就離開， 有得走都走左先

Taeve

回覆 Taka12 的帖子

知唔知個學生仲係唔係度讀？ 現任學生好似唔多覺有人入左 internation school?

Taka12

仲喺度讀，今年k3 學生。

Taka12

因為我小朋友都讀了一年，未聽過讀唔夠一個學期就好多學生走

Lucent

原帖由 Taeve 於 16-05-21 發表
回覆 bbgoolooo 的帖子

聽講好好似麻麻地， 所以有幾個學生都準備轉校， 仲要出年加學費加到$7xxx,  唔係 ...

我是現在炮台山學校的用家，最有資格以第一身角度講我對學校的感覺。老師好有heart, 小朋友生病缺席一定打電話關心，不時打電話給我講下他的學校情況。小朋友不肯戒片，我打電話和老師討論如何開始，老師二話不說在當日立即和我小朋友傾，回家後自動提出立即開始戒。學習方面，英普語言能力的提升令我好驚喜，每星期的reading scheme comment 見到老師好用心教用心陪讀，這些只有小班教學的學校先做到。至於有學生離開，對於無小學backup的幼稚園是正常不過。我的小朋友就是將去國際學校，其他離開的也是去好好的龍校，這是學校教得好的功勞。希望幫到你，和其他想知的家長了解學校。

sillymommy

我身邊好多朋友的孩子都讀Pods, 他們都有讚冇彈，就算K1考到龍校，都寧願放棄stay番响Pods, 我相信Pods應該係物有所值。

LeungPHVV

原帖由 Taeve 於 16-05-21 發表
回覆 bbgoolooo 的帖子

聽講好好似麻麻地， 所以有幾個學生都準備轉校， 仲要出年加學費加到$7xxx,  唔係 ...

呢位媽媽, 其實你又唔係用家, 點解你要踩間學校呢？你只係所謂"聽到"你個親戚同你講嘅搖言。

Taeve

回覆 LeungPHVV 的帖子

個親戚係我家姐， 我經常去接小朋友放學， 我講嘅亦唔係謠言， 唔緊要，真正嘅學生家長就會知邊句係事實

LeungPHVV

原帖由 Taeve 於 16-05-22 發表
回覆 LeungPHVV 的帖子

個親戚係我家姐， 我經常去接小朋友放學， 我講嘅亦唔係謠言， 唔緊要，真正嘅學生 ...

我淨係見到有個"所謂"用家嘅親戚喺到散播搖言, 是真是假, 睇左成個post嘅精明媽媽都知邊個不段踩間學校。

Taka12

Exactly, 我仔讀咗一年，老師都經常打電話俾我，話我聽我仔學校情況，可能知我緊張，有時一星期甚至會打幾次電話俾我，有時如果班主任唔得閒打俾我，NET 都會打俾我，我唔覺得學校透明度低。有一次我仔撞到額頭，老師即刻打電話俾我，講真，佢唔講我都睇唔到，完全冇紅冇腫。
我亦唔覺校舍特別細，我interview 過同區好多學校 （不過我冇 in 維記）, 應該只有蘇浙校舍是比較大。其他同區幼稚園好多都喺住它樓入面，所以我比較鍾意harbour height環境，感覺較為光猛。
我黎緊k1 都另外有 spc 的 offer, 不過我仔好鐘意喺Pods 返學，唔想佢由頭適應，所以應該會留喺Pods.

hibb71

今年升小派位未出，請問 Taeve 從何得知派位成績差呢？難道你是任職教署，有任何內部資料可以分享？

另外，請問 Taeve 小朋友是在 PODS 就讀嗎？請問是那一班呢？我亦想了解一下是那一班出現你說的離校情況

我家小孩在 PODS 就讀了將近一個學期，親身感受並觀察到所有小朋友都很喜歡這所學校。雖然是新校，但老師和姨姨都是很有愛心，而且有豐富的幼教經驗，部分資深老師更是從 HKPS 調來，甚至由美加等地招聘，持有相關學位及學前教育履歷，教學上絕對可以令家長放心。我亦很感恩我家小孩能在這裡遇到多位好老師，可以愉快並有效地學習成長。

在我所接觸的家長中並没有見過/遇過/聽過你所形容的離校潮。反而今年 PN 在外考 K 的成績不俗，部分是因為獲得龍校 offers 才轉校，絕非你所形容的情況！希望閣下能在有力證據支持之下才作批評！

Lucent

如果你經常接放學，應該見到大部分小朋友都是由外傭接，家長接的5隻手指數得晒，不如下次大家打個招呼，我都想了解下你所講自己接放學僅僅幾分鐘在大家無同大家講野的情況下都會聽到的學校情況、派位、有幾多人轉校etc. 另外，你親戚/家姐的小朋友還在這裏讀嗎？如果有你講這些問題，有投訴嗎？學校有什麼回應或改善？如果無，為什麼不轉去你喜歡的York?

Taeve

唔緊要，我以為呢個係討論區， 原來呢個只係宣傳頁， 只可以講好嘅野， 唔可以講唔好嘅事實， ok 啦，  呢個會係我最後一個回覆。

點解砲台山分校，搞左半個學期先開到個課室？
走嘅學生因為咩原因走， 走嘅自己最清楚啦，
同區有幾間有outdoor playground 都大過佢啦。

事實係無得呃嘅， 真的假不了，假的真不了
亦唔駛私下 pm 我啦， byebye 學校職員/ 打手

Lucent

原帖由 Taeve 於 16-05-22 發表
唔緊要，我以為呢個係討論區， 原來呢個只係宣傳頁， 只可以講好嘅野， 唔可以講唔好嘅事實， ok 啦，  呢 ...

炮台山分校咁耐先開的原因是：牌照。希望幫到你。

Taka12

其實係唔係打手，search 吓大家history 都知， 呢啲冇得呃。

hibb71

原帖由 Taeve 於 16-05-22 發表
唔緊要，我以為呢個係討論區， 原來呢個只係宣傳頁， 只可以講好嘅野， 唔可以講唔好嘅事實， ok 啦，  呢 ...

係囉，呢個係討論區，大家都希望睇到有事實根據的不同意見，而非失實、誇大、喧染！

坦白說，我亦曾多麼希望可以在這討論區看到多些意見，協助我分析孩子選校的難題，可是作為新校，能夠見到的意見真的不多。我是摸著石頭過河的家長，感恩之前曾在這𥚃分享過的家長，才有幸讓女兒遇上一所好學校，開開心心完成 PN 課程。