懷疑個仔有語言障礙~請大家俾D意見

mslala

我仔就快27個月, 識A-Z, 識講1-20, 有D顏色, 形狀都識少少, 睇DVD學字, 用字咭問番佢大多數都識講番出黎, 動物認知大部份佢都識用英文講番出黎或扮叫聲, 但我唔知佢係TROUBLE TWO 問題定有語言障礙, 我地叫佢名, 佢從來唔會應, 係從來都唔應, 由一歲幾上PLAYGROUP老師叫佢名, 佢都唔會舉手叫到, 問佢係唔係, YES OR NO, 佢最多跟番你成句講出黎, 教佢用點頭方式再SAY YES, 佢都唔做, 最多都係" BOOK, 奶, 抱, DAD, 媽, 公公, 爺爺, 婆婆, 妹妹,街街, BYE, HELLO, Train, Car, BALL, Bus", 如果我地鼓勵佢講出聲, 佢就大叫, 或者喊, 佢而家連句子都未識講 ,我唔知係唔係我杞人憂天定係佢真係有語言障礙, 佢好似唔鐘意用言語去表達自己, 我報左名"協X會"度做言語治療評估. 其實想問下大家, 我仔有冇咁既需要.

vincelo29

原帖由 mslala 於 15-05-21 發表
我仔就快27個月, 識A-Z, 識講1-20, 有D顏色, 形狀都識少少, 睇DVD學字, 用字咭問番佢大多數都識講番出黎,  ...

我個仔同你個小朋友都差不多，剛在大口環評估他為自閉症的社交言語障礙，現在排緊早期訓練及特殊位，不過有排排隊！

mslala

回覆 vincelo29 的帖子

你個仔而家幾大呀? 我仔肯同人地講野, 不過係BB話LOR. 其實自閉仲有咩特徵架?

mslala

回覆 vincelo29 的帖子

同埋都想了解下佢地係點樣評估呢??

vincelo29

原帖由 mslala 於 15-05-21 發表
回覆 vincelo29 的帖子

你個仔而家幾大呀? 我仔肯同人地講野, 不過係BB話LOR. 其實自閉仲有咩特徵架?

我仔仔兩歲半，大哥哥姐姐同他玩，他們會玩，不過唔主動，特徵同你講差不多一樣

vincelo29

原帖由 mslala 於 15-05-21 發表
回覆 vincelo29 的帖子

同埋都想了解下佢地係點樣評估呢??

2歲由健康院轉介評估，私家評估都講係高危

mslala

回覆 vincelo29 的帖子

我仔都會主動同妹妹, 舅父玩, 冇咩機會俾佢同陌生人玩呀~但出街叫佢同人地SAY HELLO, 同BYE BYE, 佢都肯做, 唉~ 真係愈黎愈擔心~~

vincelo29

原帖由 mslala 於 15-05-21 發表
回覆 vincelo29 的帖子

我仔都會主動同妹妹, 舅父玩, 冇咩機會俾佢同陌生人玩呀~但出街叫佢同人地SAY HELL ...

你幾時評估？不過係唔係自閉都唔重要，你現在可多訓練其眼神接觸，多的叫小朋友講要或唔要等簡單字，讓其有初步認知！

mslala

我要等協康6月頭打俾我CONFIRM日期喇~其實佢同我講野都有眼神接觸, 不過都要學你咁講, 而家要多D訓練佢講要或唔要.

Sarahroman

你有無比佢番2歲班 番左好好多 我仔發展遲緩 26個月時唔肯/唔識講野 淨係得媽媽、爸爸 之後番左3個月2歲班 老師同我講仔仔肯開始用言語表達有時小朋友可能真係同小朋友一齊玩先肯跟住做

mslala

我仔今年8月先入N班，我希望係我自己多疑！入學有所改善最好，而家平時見到D野問佢，佢會答Banana,Apple,ice-cream.....，但如果問佢叫咩名，或叫佢名就唔應你，有時問佢要唔要飲水，都唔答！除非佢好想，但依D基本互動應對真係唔多！我諗緊佢係咪有社交溝通問題！但出街見到陌生人叫佢同人say Hi，佢都肯做！所以真係唔知佢有無語言遲援！

sorjomui

回覆 mslala 的帖子

我大囡有語言遲緩或障礙，我就係不想錯過3歲前的治療黄金期，所以去了治療。我大囡現在3歲7個月，由2歲2個月開始治療，到現在已可以一句句咁講，雖然仍有d情況，表達出kick住kick住，但都好咗好多，你可以看一看我之前的帖關於大囡的情況。現在我有另一囡1歲8個月，佢真係快過姐姐好多，佢現在已開始出句子，用緊句子表達，例如講：我想玩多一陣，媽媽執返佢啊！，媽媽食啊！，我要食餅餅……，間中仲有問句（咩呢？xx起邊？），佢跌咗嘢會同我講同指住（跌咗馬馬，Elsa起邊？馬馬呢？），所有說話佢都好自然出，最近仲開始用代名詞：你同我，不過都唔係好識用。我現在先知，正常小朋友係好容易教，我根本無點用心去教，佢已學識點用出來；相反，大囡我用好多精神比佢，買咗好多嘢比佢來刺激佢講嘢，仲比佢阿爸話我大花筒，但每次我買完，個囡又醒咗多d，佢就唔出聲。例如：我近排買咗煮飯仔比佢，佢同阿妹玩到好開心，根住治療師就話佢醒咗，語言多咗，仲一句句完整句子咁出，開心死我了。

mslala

請問可唔可以PM你私人治療嘅資料俾我？

VenusLYP

回覆 mslala 的帖子

Hi mslala, 我仔同你所講的好似, 叫佢又係唔應人, 做唔到的又發脾氣大叫, 依家21個月都只係識好少單字, 顏色, 形狀唔識認。想問下協康會做評估之後, 會唔會跟進治療, 可PM我資料嗎, thanks

VenusLYP

回覆 sorjomui 的帖子

Hi sorjomui, can u pm the detail information to me too, thanks.

DENNIS201

我仔(23個月)同你仔情況好似
A-Z(大細楷)1-10(廣東話)one to twelve(英文)全部讀到認到仲得閒會自己講
指住d圖,例如狗,貓,鴨,魚呢d,問佢係咩黎,佢會答到或扮到叫聲
識分顏色(但只會講全英文...如purple,blue,red,yellow...etc)
水果,交通工具,形狀同唔少真實既野都識唔少,五官都識指
其他識既都係單字或疊字...好似車車,餅餅,抱抱,街街呢 d但無出現過句子,BB話就多
剛識叫媽媽...其餘爸爸,爺爺,麻麻一律唔識叫
*****************************************************************************************************
我仔四個月前確診左係 ASD(自閉症譜系障礙)
當時情況係我發現佢叫名唔應,轉同玩圓既野,玩車輪,自轉,拍頭,腳尖行,尖叫,眼神接觸一般
唔識手指指向要既野或想分享既野,想開既野(例如餅)唔會出聲但會走去放係大人既手用意係叫你開
屋企成日睇iPad,電視廣告,聽到音樂特別留心
食野好挑食,例如肉,唔比人幫佢戴帽,穿外套同鞋都好麻煩要角力
行路好差,成日手fing fing 好唔自然,出街會自己走左去,父母叫極都唔會理又唔比人拖
所以走左去評估,宜家訓練左差唔多四個月已經進步左好多
想知d咩可以問我...我發現個仔有事已經study左唔少野...

Hema1130

回覆 DENNIS201 的帖子

我個仔只見了CAC姑娘, 最快11月(3歲) 先排到見CAC醫生做評估 (政府兒科醫生之前一直拖我, 話阿仔只是慢講野)。

我仔都有部份你仔仔的徵狀, 但因未確診, 老公成日覺得係我多疑, 唉.............   上網睇左部份資料, 萬一是自閉症, 特徵也各有不同, 不是全部一樣, 所以先難辨認佢的行為係講野慢定自閉症。
請問你邊間做評估和治療, and how much??

DENNIS201

評估在邁步(STEP)8千幾元
訓練就好多地方，但主力係父母訓練+戒口+食補品

mslala

經過依兩個星期同個仔多D講野，佢有改善喇！佢一直都識叫屋企人稱呼，行路都好正常！亦成日手指指要攞野，但係叫佢名就唔多應囉！而家叫佢兩三次都回頭望下你，如果叫名加有指示要佢做，都多數會做！但問題我發現可能我地同佢講下英文又廣東話，佢有D混亂！佢而家有8，9成野都係講英文！問佢要唔要，得唔得，佢唔係成曰回答你，但有一兩次佢講No要，佢應該混淆左，仲有兩次搖頭表示，而家多左野講同唱歌，我亦有搵牽蝶做過份問卷，電話同職業治療師傾，佢覺得唔似係，所以我而家等月底個仔有冇改善，冇的話就搵言語治療師幫下佢！

DENNIS201

回覆 mslala 的帖子

比多d時間訓練又好陪又好
望大家小朋友快快進步