英文幼稚園升嶺小

shertam

請問有無由全英幼稚園升嶺小嘅用家家長?

因知道嶺小係中文小學，中文程度我唔太擔心。但我小朋友係全英幼稚園就讀，佢亦比較喜愛用英文溝通(識講廣東話及有學中文，但英文程度相對較好)。想知嶺小的英文程度如何?

有無小朋友同樣喺英幼升嶺小後，中英文都可以變成同樣強勢(此正為本人對嶺小期望)?

我知有Net教師，但每星期堂數及接觸機會多嗎？我很喜歡嶺小嘅愉快學習理念，希望各位多多指教。

chanwendy

我女三年級, 有同學係英幼上嚟, 佢英文當然 KEEP 到幾好啦, 分組都係強的一組. 但中文就弱, 連帶數學都唔好, 因為經常都唔明問題, 但佢又唔鍾意睇中文書, 所以中作都唔好.

英文反而唔需要擔心, 我地的英文用星加坡書, 書本上的生字比其他出版社的書為深, 程度都高少少.  我姨甥女用 LONGMAN, 三年級才教過去式, 我地二年級最後嗰兩課已經教緊了, 考試都要考.

今年的小三, 兩班的副班主任都係 NET, 想唔講都唔得啦.  平時上堂有一半堂數都有 NET 的.

KrustyKrab

三年班好似係科主任教英文

chanwendy

KrustyKrab 發表於 15-5-19 23:10
三年班好似係科主任教英文

紅組係科主任教.

shertam

我仔都係唔鍾意中文，嶺小會點解引誘小朋友多睇多練習中文呢？方法算有趣或是傳統方式?

li_penguin

一年级除了常規中文教材，還多加一本"高效識字〃課本，老師會將文字组成透過原意，圖案，部首组合去幫助小朋友認字和識字，會學得快D同有趣味，老師都會按能力做延伸課堂，加強佢哋中文能力，我個仔小一時都係話中文難，唔鍾意學，但而家小二己經可以做到3-4百字嘅阅讀理解啦！哈哈！不過5题錯兩题啦

wwsugar

阿仔係中文學券幼稚園上來，現在小一，他英文堂其實咩都聽唔明，因為全英文，初時他根本老師說for example他都未學過咩叫for example，咩講解都係英文，現在明少少啦，不過都係靠媽咪課後教他功課和High frequency word。
調換位置來看，英文強的如果中文弱，也是要家長多點替他看功課、親子閱讀才能追上。
自問阿仔已經很專注，覺得嶺小的程度不低，有些功課有很大發揮空間。

wwsugar

回覆 shertam 的帖子

中文有啲自學工作紙，很多小朋友會自發去拿回家做，多做有獎的。放長假又會要小朋友看書。又有小母牛開券助人計劃，平時的教材都很有趣的。

happystone

我個仔也是由全英幼稚園升讀嶺小, 英文完全冇問題, 反而中文有啲吃力, 因英幼相對中文冇咁強, 再加上我平時都唔多迫佢學中文字, 到升上嶺小後, 發覺中文特別差, 尤其是考完上學期期終試後, 決定要同佢惡補, 而家叫做好番啲......
仔仔讀得好開心, 我絶對冇後悔為佢揀左呢間學校, 老師又有愛心....

chanwendy

happystone 發表於 15-6-1 18:11
我個仔也是由全英幼稚園升讀嶺小, 英文完全冇問題, 反而中文有啲吃力, 因英幼相對中文冇咁強, 再加上我平時 ...

你小朋友幾年班? 嶺小中文比我感覺係, 級與級之間的距離好遠, 連老師都咁講, 話每跳一級的差別都好大, 即二升三差距比一升二大.

happystone

咁大件事嘞, 佢而家先小一都搞唔掂, 去到小二點算? 嗚嗚.....

chanwendy

happystone 發表於 15-6-4 15:00
咁大件事嘞, 佢而家先小一都搞唔掂, 去到小二點算? 嗚嗚.....

咁我比定心理準備你啦.  二年級時我地成班家長第一次派卷都好驚恐, 尤其是聆聽呀, 小一明明好高分, 去到小二竟然大半班唔合格, 小三才叫好返啲, 但都好難拎高分喇.

a_for_apple

原帖由 chanwendy 於 15-06-05 發表
咁我比定心理準備你啦.  二年級時我地成班家長第一次派卷都好驚恐, 尤其是聆聽呀, 小一明明好高分, 去到小 ...

我仔小二，今年中文聆聽都好低分

chanwendy

a_for_apple 發表於 15-6-6 09:04
我仔小二，今年中文聆聽都好低分

但係校長年年都話 tsa 中英數全部都高於全港水平喎, 但係校內聆聽又真係幾低分喎, 唯一可能係校內出得比 tsa 還要深囉.

a_for_apple

原帖由 chanwendy 於 15-06-06 發表
但係校長年年都話 tsa 中英數全部都高於全港水平喎, 但係校內聆聽又真係幾低分喎, 唯一可能係校內出得比 ts ...

真係唔知喇…………

wwsugar

chanwendy 發表於 15-6-2 10:24
你小朋友幾年班? 嶺小中文比我感覺係, 級與級之間的距離好遠, 連老師都咁講, 話每跳一級的差別都好大, 即二 ...

升了小二有半個月，我都覺得真係難度高了好多！以我小朋友的情況來說，一定要家長伴做功課，好多嘢要自己教、解釋、引導，先至做到。尤其是作句、journal類，其實冇我教的話真係作唔到。另一方面也欣賞學校製造這些發揮空間大的功課，咁學生在做的過程中就必須學到好多額外的知識。相信我以後要找時間和孩子多點加料學習，練吓寫作呀、說話呀、學吓課外生字呀，總之就是不能只做完功課就沒有再學習，但是又不能變成操練又不能影響孩子運動和休息，我又要煮飯做家務，真係好高難度呀！

shekma

回覆 wwsugar 的帖子

咁我又想請教下，學校所提到的"愉快學習"其實具體同一般小學有什麼不同呢？是不是功課量已相對較少？還是教學方法是有不同呢？

wwsugar

回覆 shekma 的帖子

我希望答到你啦，因為愉快學習，係指學生愉快，不是校方愉快，我個仔現在番學真係好愉快！(他以前在津小好慘)1. 功課量合理，應該係比大部份津小快完成
2. 功課內容比較有意思，有趣味，做得愉快一點。當然抄書抄生字點都要有，當溫默書。
3. 重點來了，就是很多老師好好(我未識晒全部), 恩威並重，尊重孩子，多鼓勵多支持，很多老師都深得小朋友愛戴，就算係好嚴的老師都很受同學歡迎。我阿仔俾老師訓話訓到喊咗但是一點都不會有怨氣，知道老師是錫他。看到這些，就知道老師們是拿了個心出來，能夠嚴而有愛，老師必定要很有方法，你認為是不是呢？
天天對住喜歡的老師，算得上是愉快了。
4. 校長很好，無得頂的為學生著想，所以整個學校的氣氛都很溫馨有人情味。同學仔又乖，家長之間互助有愛，我都好愉快。
5. 唯一就係，無得妄想hea和懶，阿仔都係要趕住瞓嗰隻，好忙。不過都可以睇兩集多啦A夢，仲有童年咁囉，呢個時勢咁樣已係好好喇。大玩就要等到weekend喇。
6. 仲有，學校好主張自學自主，家長最好不倚賴學校栽培，因為不夠的，學校始終是集體授課，有很多技巧和能力，需要家長觀察出來去個別指導，依小朋友的興趣和能力去拔尖補底，額外栽培，才能把孩子小宇宙發揮，令他們有自己的亮點。

shekma

明白了，謝謝

japoton

回覆 wwsugar 的帖子

請問考試,測驗多嗎