聰明的學生，唔用點溫+平時唔用補習，就能拿學業獎。

wyzhao

考試月到，阿仔資質一般，溫得好辛苦。
聰明的學生，唔用點溫+平時唔用補習，就能拿學業獎。

唔係比較，只希望個仔比之前有進步，大個之後，識揾食，唔要煩到兩老就可以了。

chingcging

人哋呀媽口講唔洗補唔洗點温嘅，你聽吓就算啦！人講你又信？人哋係背後落好多苦功唔同你講啫。我女正正就你口中"測驗考試唔洗點温，平時又唔補習"嘅學生，其佢每日做完功課要温書，日日多做10條數學我又唔會唱通街嘅！

wyzhao

我了解那個小朋友，識左很多年，真係唔用點溫書

sissysze

原帖由 wyzhao 於 15-05-18 發表
我了解那個小朋友，識左很多年，真係唔用點溫書

人地小朋友上堂專心已唔使點溫，上堂態度都好影響小朋友吸收到幾多，上堂已識哂同上堂發緊夢返去要阿媽再教都已唔同效果

MASAYA

補習有可能令小朋友依賴，反正放學去補習都會教返，上堂駛乜聽？

CALVEN

連溫習都唔使就成績好好,唔係無,極少數.

好多猛補習又唔認,我仔都有同學仔係咁,成績中等,每星期一至六去補習都唔認,比其他家長知道問起就話自己個仔只不過去補習班玩下.

Jane1983

上堂好專心，係好緊要。平日得閒睇吓書，吾需要補習，成績亦可以好好，我小朋友都算係呢種。

補習吾係萬靈藥，家長覺得盡咗力安排咗，但實際吾一定咁有效。識朋友迷信權威，K3已經英普數專補，但忽略小朋友需要，根本無用。

Yanamami

睇下呢个帖，內有答案：
http://www.edu-kingdom.com/forum ... 3D1&ordertype=1

scyauchris

我在公園日日都見到有一個女孩，係讀九龍區出名谷的名女校，佢日日都係公園玩半個多鐘，我見佢同校同學全部立即回家，其實真係有小朋友唔多温書或温好短時間已考到好成績。

nintendo

我有親戚個仔天資高，中學時尤其明顯，考試期間人地個個在家溫書，佢可以日日去打兩個鐘波先。而家已入了 ivy league，一樣係玩住咁讀。呢個學生本身聰明，又好記性，上堂專心，看書快，最殺食係又幾靚仔。

chingcging

原帖由 IloveJJ 於 15-05-18 發表
的確有啲人係溫咗話無溫，補習話去玩，識又話唔識。不過亦不能抹煞有人真係天資聰敏唔駛溫。我細路小學時期 ...

唔洗温只係佔少數嘛。想話俾樓主知"一分耕耘，一分收穫", 唔好理人哋把口講乜，做好本份就得啦！唔係自己嘅小朋友特別蠢呀！

little_yolky

nintendo 發表於 15-5-18 09:11
我有親戚個仔天資高，中學時尤其明顯，考試期間人地個個在家溫書，佢可以日日去打兩個鐘波先。而家已入了 i ...

吓, 咁佢玩晒啦。

小曳人

我家老爺會強迫兒子坐定定溫習考試，雖然知道佢唔溫都得，但溫習係讀書人應有嘅良好習慣，小學就有個打天才波，到高小/中學，就無咁多天才波打架喇！

但迫一個天才波高手坐低溫習，都好痛苦...

CALVEN

chingcging 發表於 15-5-18 09:11
唔洗温只係佔少數嘛。想話俾樓主知"一分耕耘，一分收穫", 唔好理人哋把口講乜，做好本份就得啦！唔係自己嘅 ...

agree

angelafung100

我仔讀書由細到小一都成績中上, 佢係溫書唔多,但少少當然有啦. 只不過比其他人少炸, . 我平時都有比ETRA 既習作佢做GA, 完全唔洗溫書同冇額外培訓都有好成績我又不太相信. 除非佢係愛看書既小朋友.  不過最重要係佢上堂有冇專心記唔記到老師所教.

silvia_ng

有冇書緣都好緊要!

Olympian

wyzhao 發表於 15-5-18 00:58
考試月到，阿仔資質一般，溫得好辛苦。
聰明的學生，唔用點溫+平時唔用補習，就能拿學業獎。

有好少數人係好勁架，勁到講都唔信。上堂hehehah，搞一大堆課外活動，略略溫下書，會考都可以全A，仲要係靚仔靚女，好有風範。人地唔係懶唔溫書，係好快已經可以溫習完了。有D人不單轉數快，還可以過目不忘。呢D奇才，間唔中都會有一兩個。怎能比？