以過來人身份，分享升小一選校要訣:教師要盡責

wongkelvinwong

小女升小一時被派往第10志願以外的石圍角小學，叩門轉不到校，唯有留低讀，感覺一般，小女較文靜，沒有老師留意，但英文成績一直稍差，老師亦知道佢情況，但沒有任何跟進或提升成績的方法，小女成績一直沒有顯著進步，到升上5年級後，跟班的老師又經常請假，雖然有老師代課，但也令小朋友不停重新適應，使其他科的成績更差，小5開始要報分，想轉校也太遲了！所以，選學校要慎重考慮學教師是否負責任，得過且過的老師只是人之患，如家長讀讀下發現學校唔妥要盡快轉校，否則升上小5就好難轉了，我也後悔了不在4年級轉校，升中將派什麼學校我也不敢想像了

Charlotte_mom

原帖由 wongkelvinwong 於 15-05-16 發表
小女升小一時被派往第10志願以外的石圍角小學，叩門轉不到校，唯有留低讀，感覺一般，小女較文靜，沒有老師 ...

小一派10志願後，一般情況是填表欠策略，無留意以往派位數字太進取。派得差，如果一直有試叩門插班都唔成功，唯有接受現實了，成績欠佳，家長努力幫，或搵補習吧！一間學校總有人考第一有人考第尾，個個都係咁教點解有差別呢？家長亦要反思的

wan_sosin

相信石圍角小學也有成積好的學生，多年來做家長的，是否有找出小朋友成積未如理想的原因？不能只歸究學校！小一英文跟不上，是否本身底子問題，小一英文不深！有些課程還應該在幼稚園已學過！
其實現在快些搵出原因和改善辦法吧，不要介意入那些中學，讀書條路還很長，現在未追到，上中學再追，不要再因入了所未是理想的學校，又再重複小學的情形！

noellechu

其實小孩子打從小一已經英文差，又注意到老師好像沒有處理過，那父母又做了什麼幫助小朋友呢？
例如：多與老師溝通小朋友的困難，相討可行方案、為小朋友增加接觸英文機會...等等！
不是想冒犯樓主，但見樓主是以過來人身份作升小一分享，我也希望家長明白，升小一選校固然重要，但無論入了那間小學，都只是個開始，家長仍然是要多注意、多幫忙時！

6/6 快到，相信好多家長心急到不得了！但希望家長明白，無論升了那間小學，都只是另一個起步點，要一起努力走人生大道的！

4001cc

入了排10名以外成績跟不上，如入了排頭既小學， 想信挫敗更大。

洋蔥頭媽咪

同意能遇到良師當然可以令孩子學習事半功倍，但若小朋友本身已力有不逮，家長本身亦責無旁貸，樓主小朋友小一已發現問題，家長自己有否想出辦法去幫孩子？
其實每間學校都會有叻學生，有差學生，通常只係你睇人好，孩子科科成績優異，但人家背後付出有幾多你又知唔知？若發現自己小朋友跟不上，應及早轉校或採取補救方法，不能將責任全歸究老師。

chingcging

樓主，坦白啲講，你想老師點幫你？英文差，是那方面差？串字？gramma?  理解？家長有冇放多點時間係小朋友身上去瞭解原因？

simonwan

孩子學習不好，家長要想辦法是必然；但系咪就代表學校完全無責任呢？香港地D學校，很多老師系無料又無責任心，我自己讀書時都遇過好多。
當然有好老師，但大部分小學老師是什麽料子呢？我中學畢業時，有個同班同學，會考失敗，全班考尾二（定最尾？我唔記得啦！），就走佐去讀教育學院，做佐小學老師，直至而家。

老師唔掂，再加上香港學校教法錯誤（中英文），學生點會學得好？所以而家學生成績兩極化，你地睇，成績好的學生好多都系父母有錢或有學識的，難爲個D無錢又唔識教的父母。

佈太

回覆 simonwan 的帖子

無父母天生識教...

simonwan

回覆 佈太 的帖子

有好多所謂老師唔識教。

CALVEN

一間學校唔會全部老師都好或者全部都唔好,

唔好既老師我小朋友都遇過,

讀書好唔好同小朋友資質(主要因素),老師,家長都有關.