Joyfxx 丽城

kc_united

用家提議, 不讀也罷。行政混亂, 对幼兒照顧欠缺經驗。老師穩定性不足。絕不是以爱教学的一所学校。

dbchu

hyritaleung

係????? 可以分享多d嗎?? 我有幾個朋友都一心讀, 因為收am..............呢幾日又要交錢confirm 又要訂校服......

我仔有in N 班, 無收佢架. OPEN DAY 我都有去, 環境好新但課室較細, 個人感覺校長麻麻, 好似唔係好熟間學校和課程...

Suki_chowhk

可以分享多d ma?我都考慮緊讀唔讀呢間

mikawong

我係用家覺得幾好喎，除左校長有時講野亂啲之外，各樣野都好滿意，由其我個仔班老師同埋學校啲特別活動。我仔上年荃景pn今年麗城k1

cwy12

mikawong 發表於 15-5-5 08:17
我係用家覺得幾好喎，除左校長有時講野亂啲之外，各樣野都好滿意，由其我個仔班老師同埋學校啲特別活動。我 ...

請問你係申請轉分校定佢安排架?  

Sausauyeung

我都係用家，老實講，小朋友好鍾意返學。雖然樓主講既有D係事實，但似乎誇張了，我地好多家長都好鍾意joyful, 亦都知道有某些家長不滿學校，但如果不滿到公開唱，對於有機會返到happy school 而最後因你幾句説話而卻步就不值了。

mikawong

因為搬屋我自己申請架

dbchu

原帖由 Sausauyeung 於 15-05-05 發表
我都係用家，老實講，小朋友好鍾意返學。雖然樓主講既有D係事實，但似乎誇張了，我地好多家長都好鍾意joyfu ...

Happy school 好多都係，但你認為用咁嘅價錢去換咁嘅學校/教學質數是值得嗎？可舉多些例子這學校有什麼優點？我真心請教

Sausauyeung

其實擇得joyful, 就預左同一般傳統學校有分別，佢地師生比例1：7。一位外國籍班主任，一位普通話班主任，同埋本地人助教。三位同時在課室任教，3小時內有45分鐘普通話課，其餘時間全英文溝通。語境已經值回票價。另外佢地好多親子活動，自由選擇參加與否，家長可以當義工同小朋友一起上堂活動。但因為有些活動會向家長收費，例如運動會入場費丶年刊拍攝費(大慨幾十至幾百)所以其實如果讀得呢類學校也預左。

Vickyblah

不是用家，但放棄了offer。因為轉唔到am而且感覺校長麻麻行政又亂所以考慮過後放棄。但無可否認佢語景係幾好的。可否再分享多些呢？

Jules_S

不知道樓主跟學校有什麼問題，能令你這麼生氣。但以用家來講，我覺得班上三位老師都非常有耐性同愛心，這是我覺得最重要的，我亦滿意學校提供的語境。其他學校活動，即使無參加亦不感壓力。每間學校都有其優點同缺點，看你如何取捨，希望你找到更理想的。

joanneslayer

我小朋友都返緊N班, 我小朋友返左3個月學雖然每日返學嗰一下都會喊(因為要同媽媽分開), 但見到三位老師都好有耐性同佢傾計氹下佢, 入課室5分鐘到已經唔喊, 放學仲係笑住出黎好開心。 joyful語竟真係好好, 我地從來未同過小朋友講普通話, 屋企語言都係廣東話, 但見佢同外國人或普通話老師溝通聽得明有反應。
無可否認要另外俾錢既活動係多, 不過可以自由選擇參唔參加, 無問題喎

paipaiwong

新校行政少少亂應該可以接受
啲老師有些是荃景校過去的，很有愛心，都教咗好多年

lisatsang

My kid loved joyful, cuz of the teachers and the environment (if you get good teachers; in my opinion, only one and we were lucky to be in her class).  However, the tuition isn't cheap, got better k1 offer elsewhere, thus quit.  And yes, there are few things I disliked about joyful, though my kid loved it.

kc_united

其實大部分小孩上学都是開心, 不論JY或其他幼稚園。當初選校也希望小孩多接觸英普環境。活動要額外收費, 我也不介意。

可是小孩返了学後, 行為禮貌大不如前。我想学校教授德育太少了。校內行政人員黑口黑臉, 皮笑肉不笑。這些也可以原諒。至於大家印象麻麻的校長 , 我亦已接受了。但當小孩在校出現事故時, 如:受傷跌倒等, 校方上上下下推卸責任, 甚至乎不願与家長溝通, 這確是一個根深柢固的问題。回想起為何這数年间在BK内, 有這麼多家長説学校行政混亂, 管理麻麻的原因。

"学校是一個大家庭。老師是学校的爸爸和媽媽。" 這是由一位受人尊重的校長告知我的。真的能在此校看到? 他們以learning centre 及家庭式去經營一所幼兒学校。不難看見他的女兒不用排隊便能進入校內, 他們司機及工人也在校内出出入入。究竟他們有没有專業幼兒教學的学歷, 至今也成謎。如果家長们純喜歡語境学習環境的, 是很適合的, 因為見三位老師們都呈職。但家長们仍希望子女在一所完善的,有系統的,用爱心去辦学的学校, 我想此校絶不是你的理想学校了。

我不是想用什麼言語去抹黑什麼。只希望家長们在選擇学校時, 不要只聽一方讚美, 多聽一點負面事實, 衡量一下去選校。我也希望大家的小孩能在一所用愛辦學的学校内就讀及天天開心上課。
《以上純個人感受, 無意批評任何人, 僅作參考》

小鼠

原帖由 kc_united 於 15-05-06 發表
其實大部分小孩上学都是開心, 不論JY或其他幼稚園。當初選校也希望小孩多接觸英普環境。活動要額外收費, 我 ...

見到你有咁多不愉快既經驗，真係覺得無奈，
不過麗城校只係2014年先開，唔係好明你指見到bk/Ek 呢幾年都話呢間學校行政混亂係點解？你係指荃景校？
我小朋友係荃景校讀n, 我覺得d 學校老師，職員都好好，囝囝返學有禮貌咗，乖咗，language 好咗，d staff 仲好關心小朋友，我地自己覺得學校同老師都好有愛心，行政都無混亂感覺，不過學校細d，學費，車費同雜費係相對貴既

Vickyblah

原帖由 kc_united 於 15-05-06 發表
其實大部分小孩上学都是開心, 不論JY或其他幼稚園。當初選校也希望小孩多接觸英普環境。活動要額外收費, 我 ...

多謝分享。我都係猶豫左好耐最後決定放棄學位。以learning centre方式去營運都係我的心聲，估唔到有人同我同一想法。因為哩度印象中好似無媽媽講過的。同時我個人認為辦學經驗都好重要。個人感覺校長唔係太care家長同報讀的小朋友。我暫時無後悔放棄。（個人感受，不喜勿插）

dbchu

原帖由 Sausauyeung 於 15-05-05 發表
其實擇得joyful, 就預左同一般傳統學校有分別，佢地師生比例1：7。一位外國籍班主任，一位普通話班主任，同 ...

請問佢同一般傳統學校有分別意思是什麼分別？佢係國際學校嗎，係咩課程？學校透明度高嗎？而你所講果啲老師又達到咩資曆？黎緊一年又有幾多家長滿意留原校升k1?可以比多啲資料嗎？想對學校了解多些...

mikawong

唔知你同學校發生過咩事令你對學校咁不滿，但係我個人覺得唔好一竹篙打一船人，joyful都有好嘅老師嘅，除左覺得佢地太早寫字外，我覺得係大部分活動都似happy school, 仔仔由第一日喊足兩星期到依家日日都話要返學，仔仔普通話同英文有明顯進步，而且我班嘅老師溝通亦足夠，定時有手冊知會仔仔上堂情況，也會建議家長喺屋企點幫仔仔學習，打去學校問野通常即日回覆。

我認同你話學校有某啲活動收費貴，不過揀得私校我都預左，所以有時我唔參加，但老師唔會迫我地參加嘅。
另外，校長講野亂亂地麻麻地我都同幾位家長有同感，不過冇事冇干又唔影響嘅，至於你話有人黑面我都見到，只係一兩位工作人員係咁，應該唔係老師(我唔肯定)，相信任何公司都好難請到100% 完美嘅員工。
我個仔返到屋企會主動要刷牙(以前佢唔肯)，又會同姐姐share玩具，講多左好多thank you, 我諗學校有少少幫助掛。
滿意老師嘅愛心同耐性，因為仔仔手部肌肉發展得差啲，但佢地都比心機教佢。可能咁啱預到好老師，我都的確聽聞過有一個老師唔係咁好，好彩我個仔唔係果班，可能你小朋友唔好彩，希望佢盡快搵到啱佢嘅學校。

利申:仔仔上年荃景pn，今年轉到麗城k1，學費係有啲貴但會繼續讀k2

(我都係個人意見，不喜勿插)