一個官津叩門的經驗

alyk

最近見不少人問關於扣門, 雖然本人經驗不是太多(其實應該冇乜人會/想有豐富經驗), 只想比D小意見大家參考下. 因為我對整個扣門有不少想法, 只想寫下來給一些需要的人, 如果有些資深會員覺得我說的太膚淺請見諒, 下面都是一些親身經歴過或事後檢討得出的想法.

首先, 家長門要洗一洗腦先, 不要將津小扣門跟直私考試混為一談, 因為直私是收表即in, 人人有份, 而且交表者眾, 每次都場面浩大. 但官津扣門位少, 入表人數都是幾百人, 但有些學校根本唔想用太多資源去攪面試, 你會發現有些學校不是人人有得in. 亦因為位少, 成功扣入心儀學校運氣是很重要.


事前準備: 扣門表
今天開始巳不算早. 先當自己派唔到心儀學校, 你就準一份扣門表, 內容要有學校名, 地址, 電話, 網址, 派表日期, 派表方式, 交表日期及面試日期.
有左份表就把可能去扣的學校資料填入, 每間學校的取表日期/方式及交表日期都有所不同, 必須家長自行上學校網頁查閱或致電學校查問, 唔好再在EK出post問啦, 有人答都未必岩.
學校數量人人不同, 只可以話10間唔算少, 2x間唔太多. 因為現實是, 不是每間學校一定會in你, 再加上撞時間, 所以唔可能in得晒. 我最初是定了12間, 但近鄉(香)情切再加多10間左右, 結果大既交了17/18份表, 真正有面試大約11/12間.
有左個表就再排次序, 由最心儀/最想入讀排出順序, 要一點一點去對比每間學校, 全以個人心儀為準 (不是填大抽獎那樣的策略式填法) . 以幫助自己在需要做決定時快速做出決定, 包括面試撞時間及收到offer時.

Portfolio
是否重要是沒有特定答案, 有些學校收, 有些不收, 有些收但唔重視, 有些要睇portfolio 而決定是否可以面試. 基本上是有好過冇, 做好過唔做, 交好過唔交, 斷估唔會有學校會因為你交portfolio而唔收你個小朋友.
如果決定做/交, 除非學校講明唔收; 否則每校一份, 一般交表時交, 學校睇唔睇? 不管了.

交表:
必須問清楚每間學校的取表及交表時間, 有些是在派位結果出前己經可以取及交表, 有些會出結果後才取交表, 也有不用取表只交portfolio. 但不論如何最好是親身交表唔好郵寄. 必須睇清楚每間學校要附上的文件, 我見唔少人要重交文件, 費時失事.
另外在交表時可帶備文具, 一些白信封, 郵票及一些重要文件(如出世纸, 成績表等等). 交表時有一動作唔知其他人有冇做? 我習慣盡可能問下面試時間大約幾長, 對安排面試會有幫助的.


待續......

dcd

原帖由 alyk 於 15-05-04 發表
本帖最後由 alyk 於 15-5-4 14:10 編輯

最近見不少人問關於扣門, 雖然本人經驗不是太多(其實應該冇乜人 ...

好詳盡

mcl203

交17/8份表...見1X間學校...

alyk

黃金星期六

一般派位出結果都是六月第一個星期六, 但你會發現唔少學校都是在第二個星期六進行面試, 而一般只見上午, 有唔少一線都會撞日期. 正如我開始所講, 特別有些出名官津都似乎不想面見太多人, 寧可撞日期迫D家長不可以間間in.


大家有做叩門表的話就會知道哪些學校會在同一日面試, 當有幾間想in的都在同一天面試的話, 你就要做一些交表策略. 一般收表有2種情况, 第一種是交表時會即時給你面試時間, 都是早交早in的原則. 第二種是放底份表等通知.


如果是第一種的話; 交表就要因應收表時間而交, 假設同日有三間想in, 例如A學校收表有三天時間, 而這校也是最心儀的, 就應該在收表日第一日盡早去交表以得到最早的時間, 第二心儀就在最後那天最後才交, 以保証可以in得到, 如此類推. 但請注意交日期可能每間學校不一樣的. 一般在這星期六面試的多採用這種交表給時間的方式.



面試取捨


之前提過; 交表時習慣盡可能問下面試時間大約幾長, 對安排面試會有幫助的. 這是特別應用在上述“黃金星期六”. 上面說了當天只有半天時間, 但有不少學校想in, 時間十分寶貴, 面試時間長短變得十分重要, 因應面試方式不同, 以我查問過的多數30分鈡, 也有1小時左右, 最長是2小時. 一般30分鈡多數是直接面見, 一或二位老師見小朋友或連家長, 如果分流得好有時唔洗30分鈡. 長時間的多數是集體上課室in.


所以從面試時間長短可大約知面試方式, 為了想在當天in多幾間, 我放棄了一些長時間的. 當然; 如你最心儀的那間你還是要in的


還有就是如果你當天要in3間或以上, 地點距離要好好計劃清楚.


待續......

alyk

mcl203 發表於 15-5-4 15:16
交17/8份表...見1X間學校...

冇直/私, 扣除撞時間, 不接受叩門, 除了黃金週六, 其實不太忙. 在那段時間如果沒有學校in, 淨等结果仲難頂.

kvvvcheung

好詳盡呀！

Apple_Orange_T

原帖由 alyk 於 15-05-04 發表
本帖最後由 alyk 於 15-5-4 16:12 編輯

黃金星期六

好詳細

hkpapa852

其實做乜講得咁含糊? 好似人地咁咪幾好:

91網叩門分享:
http://www.edu-kingdom.com/forum ... ead&tid=2577913

九龍城區叩門分享:
http://www.edu-kingdom.com/forum ... ead&tid=2757313

甜滋滋

Good, thank you

HoiHoiMaMa

Thank you. 樓主

boomma

原帖由 alyk 於 15-05-04 發表
本帖最後由 alyk 於 15-5-4 21:52 編輯

最近見不少人問關於扣門, 雖然本人經驗不是太多(其實應該冇乜人 ...

Thanks

Apple_Orange_T

原帖由 hkpapa852 於 15-05-04 發表
其實做乜講得咁含糊? 好似人地咁咪幾好:

91網叩門分享:

Thank you

minniebaby1126

Blueng0420

好有心機讚

francoma

Thanks a lot!

alyk

改時間? 偷時間?

我在前2篇所講的就是準備功夫要做好, 現在想提出爭取機會的方法.
我所說的也是在黃金星期六, 因當天真的令很多家長頭很疼.

上面說過我把面試模式簡單地分為長或短, 長時間多數是集體面試, 可能30/40人一組, 甚至有學校是將全部考生同時到達再分組見. 這類模式基本冇乜可能改到時間, 偷? 也不行. 試想下; 學校己經把你的考生資料放入一個組別, 你一改動, 後面會有很多工作要做, 學校當然不同意.

如果是短模式, 單獨面試呢?

當我們經過幼稚園, 直/私小學面試都知道, 絕大部份學校是不容許改時間的, 津小叩門也是一樣吧? 但我還是成功到學校改了面試時間.
話說在那個週六之前幾天, 除去一些選擇後, 我們想in的還有4間, 但時間末能從人願, A校9:xx, B校10:xx, C校11:30, D校12:15. 而我們心目中必需要in的是C及D, 但相差只有45分鈡, 如果C校有所延誤, 恐怕D校in唔到. 而且太急迫的話小朋友是沒有精神IN的.
如果根據我上面的交表方法, C同D應該唔會撞, 但現實是人算不如天算, C校分派的時間比我預期快. 而且我上面的想法有些是在事後檢討中改正的.
太太跟我說是否可以明天打去改時間? 但我決定要改時間便親身去學校, 揸定面懵膏, 想定一大堆說詞, 當我向書記小姐說明來意後, 她只問 “想改幾點?”那刻我是完全被秒殺. 結果把時間改為9:xx.

當天; 我們唯有先放棄A校, 依次IN了D, B, C. 當IN完C後時間尚早11:30左右, 再去A校碰碰運氣, 到A校向門口老師道歉, 他也沒說甚麼便讓我們排隊面試, 感覺就像偷了一次面試機會.

當你交表時如巳經發覺撞時間, 不要當場要求改時間, 其他交表者看見, 個個要改米做死人? 最好等收表完成後親身去. 打電去改可能學校都會耍你, 就算肯改, 大家空口講白話, 面試去到至話唔比in便很麻煩.


我想帶出的訊息不是 “有些學校可以改時間IN”, 也不是 “有些學校可以遲到或早到”. 而是 “在可能情況下要大膽嘗試, 在未絕望時不要放棄”. 謀事在人; 成事在天. 你不去謀又何來成呢?


亦因為我的動作涉及一些學校, 我唔想開名, 以防有人以為某一些學校 “一定” 可以改時間或遲到 “一定” 有得IN. 我只告訴大家有這樣的可能性. 所以我會繼續保持 “含糊”.
地球是會轉, 規舉是可以改的, 在其他POST見有人說紅馬要111才可IN, 跟著有人回答XX年000也可以IN. 證明訊息是有時限.


待續......

1999cyk

熊兔B

Thanks

mimi005

thanks for your inform

emma_mama

好有心機