Deleted

kiki217

作為家長要接受係好難，我都經過這階段，但眼見囡囡的進步雖然唔及正常的幼兒，都好開心。囡囡的老師話每個幼兒的發展不一，所以而家不等於將來，大家努力。

kiki_kittyhk

原帖由 kiki217 於 15-05-08 發表
作為家長要接受係好難，我都經過這階段，但眼見囡囡的進步雖然唔及正常的幼兒，都好開心。囡囡的老師話每個 ...

我同意

muffincake

我有時會諗，如果在6歲前追返，入到主流學校，是否可以消除自閉症這個標籤，唔好被人再認為佢係自閉症兒童，或是這個標籤會跟一世呢？長大後仍然叫做自閉症人士？

fandd

回覆 muffincake 的帖子

將來既事無人知，別人既眼光更加係管唔到。我哋可以做既係正面D調節自己既心境，盡力為仔女作最好既安排。

DJ924

睇得呢個版嘅，相信大部分都係同路人。與其喺度惗有冇機會斷錯症，不如花時間努力search有咩可以做嚟幫小朋友。我個囝兩歲3個月喺cac評估為發展遲緩尤其係言語(一度懷疑過佢自閉，因為當時未講野、冇乜眼神接觸、唔識聽指令)，社工安排排i位，然後就開始一連串project: 返全日制N班(學校有i位)、介奶介蛋、逢星期六上幼教導師一對一訓練，兩個月已見明顯改善(多咗單字、識表達自己、識聽指令)。再過兩個月後先開始上ST。幼教導師堂上咗半年已經唔駛再上，ST仲keep住，宜家佢啱啱3歲已經好多野講，當然仲未追返哂，好彩地今年K1就派到原校i位。我講咁多，都係想鼓勵你，既然已經斷症，唯有相信去幫小朋友，那怕你付出100分佢只係回應你10分，嗰10分嘅進步足以令你知道係值得嘅。加油呀！

money82

有朋友的朋友和我分享時，說他兒子2歲半評估時醫生說他兒子情況嚴重，只有中低等智力，入讀S位。在S位讀了一年，出返來重讀K1。6歲回去再評估，醫生說不用再回來了，close file 。說他仔和正常年紀小朋友差不多了。現在他仔在一間不錯的小學返學，成績也在前矛。

未來沒有人知，現在做好。希望在明天

DearBabie

我仔20個月大時去step 都确診為自閉，但到左25個月大cac 兩個醫生一齊同佢做評估都話見唔到佢有自閉特徵，而我都留意到佢20個月大果陣的確有d 特徵，而大大下又冇左，所以太早去做評估結果唔係咁準。我相信cac 個結果多d.當然未係100%放心，可能三歲後會搵私家做多次，到時就100%放心。

芳小姐

我女六歲, 初時第1次評為自傾, 第2次評為PDD.  我開心咗, 以前個女日後會無事, 好番做個正常人, 但學什麼也未懂 e.g.唔好講學術, 學了三年游水還未懂, 彈琴學多大半年也彈得很差. 現在升小一前在幼稚園的最後一次評估很差(接近包尾), 及上完一年E位都無改善, 我才明白, 她不可當正常人咁教, 永遠慢過人, 還要升小路很難行......什麼俾心機教她, 方法也出齊, 但因金錢及時間資源有限我不能給她太多, 我到現在也不能接受佢永遠做尾人.