本帖最後由 Achiever 於 15-5-2 19:00 編輯
khmama，請問<抽獎秘笈>中，步驟四、五教 Band 1 的方法，如 Band 2 詳細如何?
如填完 Band 2 學校,唔想填 Band 3 先，而想搏的話，應怎樣接著填完?
急!
謝謝!
...
步驟四
選完頭3志願就到執雞既時候,好多時家長都冇做呢個步驟.首先band1家長切記唔好咁快填band2學校,因為band1生派完先到band2生,就算你將間band2學校放第三十,都一定早過band2生第一志願入.而一間學校收得band2生,又點會有band1生入唔到反而band2生入到?呢樣係唔合邏輯既.所以band1生最差只會派去第一間所填既band2學校,放前o的只係提早玩完抽獎,冇特別既好處.既然係咁,何不填埋其餘既band1學校先,睇下有冇得執雞?好多家長常常覺得頭3志願抽唔到,後面o的學校抽到都唔慌好,呢個係一種誤解,唔好介意抽到第幾志願,如果第8志願抽到他區band1中上既學校,唔見得會差過本區第3志願既band1尾學校.而且呢個步驟對於運氣欠佳而碌到第3志願之後既家長無疑係一種垂死爭扎,好過坐以待斃等叩門.分分鐘有意外收獲.如果連執雞都執唔到,起碼你已經努力過,知道確係冇晒band1位,只係輸運氣唔係輸策略,都甘心o的.
步驟五
最後係包底,上面講到band1生最差只會派去第一間所填既band2學校,只要最尾用幾間band2學校包底就可以啦.Band1生千祈唔好填band3學校.而三十個志願最好填晒,唔好填幾個就算,如果派唔到就會等同band既考生派完,先會求祈睇下邊間仲有位派比你.至於band2生,其實填完band2學校,唔想搏就填band3頭學校,亦可以考慮先搏下他區band1有冇位先填band3,band3中至尾既學校唔使填落去,呢o的學校派到都係去叩門,不如向上搏,好過向下搏.Band3生亦係一樣,o的勁差既學校你去叩門都即收,band3尾既學校不填也罷,向上搏下band2好過.
| 
發表於 15-5-2 18:40
