90後副教師立志幫千禧一代

elbar

■90後Miss孔（中）由副教師做起，立志累積經驗教好千禧後。

學生人口減少，影響新一屆畢業生就業機會。廠商會中學校長麥耀光話，唔少教育畢業生人浮於事，所以喺2013/14學年起，一連三年儲咗300萬儲備請幾個「副教師」，助佢哋被市場吸納。由於教師名義嘅職位已經滿咗，校方惟有用副教師名銜請合資格教師，但教節比一般教師少，每星期上5至8堂，平日兼顧行政、活動、自修室管理咁，人工比一般教師低，月薪約為1.4萬元，但約滿有雙糧，變相同一般教師薪酬相若。

90後孔霄霞主修英文同教育，上年2至4月到廠商會中學實習，至4、5月求職時寄出約200封信，包括中學教席、中學教學助理，連小學教席都照殺，但回音好少，佢亦有申請副教師職位，最後獲廠商會中學聘用。Miss孔話，業界流傳唔少校長怕咗90後，驚佢哋辦事不力，但佢更擔心千禧BB比90後更差，所以立志教好年輕人：「90後都俾人睇低，我唔希望你哋（學生）被睇低。」孔霄霞更主動喺1月起為十幾個中六生特訓英文，期望佢哋考好文憑試。


李八方

灰色熊貓

好老師，值得欣賞