老師體罰學生有傷痕，老師否認，校方包庇

prince0214

原帖由 prince0214 於 15-05-08 發表
Excellentgogogo. Simon0926. 7May

歡迎三位新會員於2015.5.7 17:52 18:58 22:31 加入Education Kingdom大 ...

Welcome new member "Radynkh" registered on 2015.05.07 13:52

excellentgogogo

回覆 prince0214 的帖子

我平時只睇唔講野既, 就係不值你呢D 咁既行為, 立即註冊個 account o黎幫老師平反既

你o個D 所謂既善意提醒, 駛唔駛咁過份呀!!! 你咁鐘意據理力爭, 唔該你唔好o係呢度唱衰老師同學校, 建議你出封律師信俾老師同學校, 等法官判

仲有, 你呢D 咁既怪獸家長, 只係照顧小朋友都未必滿足度你, 你應該加入社民連呢D 小事化大, 大聲夾惡既團體, 去選埋立法會啦你不如

JoJo

版主按: 通告因涉及個人私隱, 已刪除

作為有質素的家長, 不應在平台上使用粗言穢言, 這亦是有違版規, 會收警告牌, 我們要作好身教, 比下一代一個好榜樣.

另如發現用戶開分身以達至個人目的, 一經查核, 兩個戶口也會被封戶, 敬請注意!

feifei_baby

原帖由 prince0214 於 15-05-08 發表
對，優先處理情緒問題，所以請教社工。
轉校，談何容易？多謝關心

你能夠抽出時間去找社工，去找防止虐待兒童會，去找學校跟進個案，點解唔抽啲時間打去唔同嘅學校，睇下有冇得插班？既然你後悔小朋友入讀譚歐，譚歐唔係你嘅選擇，點解又硬要小朋友留低？我相信一定仲有學校有學位，但當然唔係大家心儀的學校。

我自己都做學校，我覺得老師真係體罰學生多數兩個原因，一，係老師果日傻咗，二，係個學生曵到傻咗，老師頂唔住失去理智，否則點會咁豬眾目睽睽下體罰學生，我女k1三歲半都識返嚟同我講邊個邊個唔乖俾老師罰咗去隔離班房啦，老師冇理由咁傻唔知個五歲小朋友會返屋企同家長講，而家啲家長叻過以前咁多！我唔評論老師有冇體罰，樓主好似冇透露小朋友因何被罰，小朋友平日調皮嗎？唔係話小朋友調皮就要體罰，而家不妨趁呢個機會檢視下小朋友的行為，讓小朋友進步。我自己都係教育界，我唔否認我曾經諗過 “如果呢個細路係我個仔，我已經打佢pat pat”，因為個小朋友持之以恆地打人咬人踢人，偷嘢，玩課室所有開關制，開合所有門同櫃桶，講粗口，周課室行唔上堂，搔擾課堂，故意對抗老師等等等等，連佢阿媽都話，你地打佢啦，唔使俾面我，我心想，我都要俾面香港政府！唔係話你小朋友好調皮，似我果個極品（我只係打出嚟抒發下，順便吐下心中忍住嘅悶氣）而係老師都係人，唔發生都發生咗，不妨正面看待事件，從中了解下小朋友的行為，都未嘗唔係得著，始終小朋友健康快樂成長最重要，也是每個家長的願望！

小朋友先K2，仲有一年k3，無論體罰事件係真係假，家長不再信任學校，小朋友又唔想返學，呢啲係事實，勉強冇幸福，愛你嘅小朋友，就幫佢搵另一間能輕鬆愉快地上學嘅學校吧！

feifei_baby

原帖由 prince0214 於 15-05-08 發表
Welcome new member "Radynkh" registered on 2015.05.07 13:52

唔好哂時間同其他家長嘈啦，小朋友先至係重點呀，無論事件真定假，對小朋友有影響是一定的，留意小朋友情緒，喺佢面前唔好緊張追問學校情況，要輕描淡寫，旁敲側擊，你緊張，小朋友都會緊張！

當家長作出投訴，無論指控是否屬實，小朋友難免成為vip，以避免日後再有投訴 （我校校長直頭想零投訴，連無理投訴都唔要有），喺學校做vip都唔係咩好事，你認真諗下！

yukilee

解釋或反駁別人的批評，對事情本身沒有幫助。我覺得首先關心孩子情緒，而不是
把負面，沒有得到証實的事情，傳來傳去。孩子不喜歡上學自然有他的恐俱，等他情緒緩和後再上學。如果孩子不喜歡這所學校，就轉到別的學校去，活扯拉他上學，哭哭啼啼的，也難怪會嘔吐。更重要的是，孩子活在眾人焦點下，對孩子一點好處也沒有。在這樣下去，即使進了好學校，遇到了呂校長，也不感幸福了！
譚歐是一間歷史久，口碑很好的學校，這麼多年仍能受家長歡迎，不是浪得虛名的。

7May

1) 首先不要假設新用戶的人是有舊ACCOUNT, 很多人睇FORUM 都不會開ACCOUNT, 要發表意見, 當然要開ACCOUNT

2) 這個POST 富爭議性,  開一個新用戶來說話有什麼出奇, 都是像其他人說要保護自己孩子, 開戶要用真電話號碼來驗証, 很公平

3) 收到通告當天才出現幾個同一天開的新用戶有什麼問題, 就是因為這個POST我地先出現。就算同一IP開又點? 兩公婆一人一個ACCOUNT 各有發言

4) 有人要用PM 支持你, 都想是怕在此公開用戶, 要支持但又唔俾得人知?! 所以就唔好話人開新ACCOUNT啦!

5) 在此說識這位老師的人, 都是說她是位有心的老師, 好難夾埋咁多人來講吧! 這是公開平台, 如有新用戶說這老師不好,  又如何? 想看看支持者有何意見!

6) 小孩當天嘔, 會否因迫佢出門所以不適? 小朋友情緒激動, 大喊都好易嘔。校內嘔我估係老師同家長講, (如是)這已証明老師關心同學。如果放左學回家先嘔, 又不知關什麼人事?!

evason

prince0214 發表於 15-5-8 00:59
收到大家的PM，未能逐一道謝，在此多謝大家關心。
爭論不休沒意思，事實勝於雄辯，日久見人心。
其實全港多 ...

PM你不代表支持你，我PM你是想肯定下你有冇𨍭校，不過你咁嘅心態收你個間學校都要想清楚，只聽自己個仔一面之詞又不接受其老師、同學和學校的解釋，邊個話五歲唔會講大話咖?咁保護你個仔要請個家教好過！

bm8888

prince0214 發表於 15-5-8 00:37
閣下冷靜，她的生計與前途，不是誰毀掉的，是她親手選擇，早知如此，何必當初。
如果大家能夠接受一位會體 ...

家長是非不分冇証冇據，就隨便post上網話老師唔好，學校包庇，毀人聲譽，毀學校名聲，要網民公番，你用意可在，老師點解體罰就冇交代，我大胆假設如果你小朋友用工具傷害其他小朋友，你會有咩想法? 你又會點處理? 難道你小朋冇錯? 你選擇信一個五歲小朋友唔會講大話，選擇唔信學校唔信老師，點解你當日唔報警交法庭處理，你有咩顧忌? 你在網上任意傷害老師傷害學校，點解唔用真實姓名呢? 如果你所講的係事實你怕咩，如果查證後老師冇造過，你會點賠償老師，點賠償學校? 你話社工証實此事，你接他放學都見到受傷啦，你有冇立該問學校了解咩事? 有冇醫生証明你小朋友是當日放學後受傷? 如果冇點解你放學唔立刻帶他看醫生驗傷呢? 點解要等第二天讓小朋友上學去? 我會覺得你所講跟你所造的都有好大問題?希望你可以解釋一下?我小朋友都係這位老師教的，她造事認真，對自己要求，對小朋友用愛關懷每位小朋友。

sansansan

讀緊嘅家長個個都有眼睇到，吾會咁易俾你呃到！如果你希望有意入讀嘅人會因為你嘅片面之詞而吾選擇譚歐，太幼稚卦！如果人地真係睇你講兩句就斷定譚歐吾係好學校，我更加無言！

Mymonsterbb

本人小孩都係呢位老師教, 點解樓主所形容的老師跟我平時接觸既呢位老師一點也不同??? 以我平日參加學校既活動, 眼見呢位老師親力親為, 對工作熱誠, 對小朋友也非常有愛心, 而且更著重家教合作, 很難想像樓主所形容既情況。 本人小孩每天也是開心地上學, 開心地回家, 對學校也十分有歸屬感, 也從來未對過此老師有作出任何投訴或有任何恐懼感。如果真是有樓主所講的事, 為何班內沒有其他小朋友看到?  現今小朋友已很聰明, 什麼事也懂匯報給家長知道, 為何班上無小朋友講及此事? 請你在攪大件事前, 有否了解清楚你的孩子所指控是否屬實? 為何大部份家長也不認同此事?  現由於你一人的投訴, 而令其他家長及小朋友要適應另一位老師? 本人只希望此事盡快平息, 還老師一個清白, 亦希望此熱心的老師可儘快再次教導本人孩子

hilarychu

我不認識這位老師,我只是準譚歐家長,開頭見到個標題,我個刻真係打左個突,以為自己幫個囡囡轉錯學校....但到現在事情的發展,我反而覺得鬆一口氣, 我更支持自己當初的決定, 譚歐的口啤是我身邊識的朋友所肯定的, 加上, 而件事上, 一個老師出事有咁多家長都出來撐和肯定的老師, 我更不用懷疑, 試問如果一個鐘意體罰的老師, 應該有不小學生受害, 應該有好多家長出來聲援樓主, 但暫時來說一個都沒有, 為何只有樓主的小朋友受害? 當中是否另有內情? 我也想問問樓主你有物證 ->小孩的確受傷了, 但有人證嗎? 有其他同班學生在現場見到嗎? 我不明白社工也證明了, 社工應該當時不在現埸,她何以證明呢?

littlesisi

樓主
你連social worker 同防止虛待兒童會都懂去聯絡。 轉校一事更是小兒科， 點會談何容易呀？
你可以同人講你小朋友現在情緒出現問題， 即代表你已帶小朋友見了心理學家， 有足夠證據比social worker 同教署幫你找一所更適合你小朋友就讀的幼稚園給你。


早期教育不單單是學校一方作出努力， 家校合作是關鍵一環、 你都已經對學校失去信心， 還留在這裡是浪費小朋友的黃金時間。

把時間留給幫小朋友找一所又好的學校是你現在最重要的事情。

請你馬上行動， 不要再留在譚歐毀了你小朋友的成長。
也把學位讓給支持譚歐辦學理念的家長。
感激不盡。

sindy237

樓主, 開不開新account跟這事件有什麼關係?就是因為看不過你的行為, 令各家長們都忍不住要為正義而發聲,請不要以小人之心度君子之腹. 你在未攪清楚成件事前就post notice, 這樣對老師和學校都十分不公平. 這就是我們的看法和令我們憤怒的地方! 另外不是投訴就可以解決問題, 你現在最應該攪清楚的是為什麼你小朋友被罰 (如有)?你怎麼肯定你小朋友沒說謊? 你憑什麼說學校包庇? 還有你由始至終都拿不出證據, 怎麼可以在此誣蔑他人? 你可知道你的行為帶來很多壞影響, 不旦給他人, 還有是給你自己和你小朋友. 在此forum內 (我相信在學校亦一樣), 大部份家長都支持老師, 由此可見老師深受愛戴, 她的教學亦無需質疑. 故請樓主你三思而後行.

bm8888

樓主，你若果明白這場是誤會，就請你跟學校跟有關機構說出誤會一場吧，還老師，學校一個清白，若你堅持自己冇錯，那麼又何必繼續要小朋友受苦上間他唔喜歡，你唔認同的學校呢?這樣對大家都唔好，你唔相信學校，最繼續下去對你冇好處，公道自在人心，你目的係咩，不用說不用猜啦，但你行為已經損害了好多同學利益啦，他們因為你可能損失一個好老師。老師因為你冇理控訴，教學生涯蒙上污點，你再留譚歐陽都冇意思啦，老師，學校給你失信心，去找你認為適合你小朋友的學校吧!  

Mymonsterbb

我也讚同大家睇法, 既然樓主對學校及老師已不信任, 那就不要強迫 貴公子繼續在此學校就讀, 讓位給其他真心喜歡譚歐的家長, 我深信很多家長會感激樓主。 與其要勉強留住個學位, 但又要讓 貴公子做逃學威龍, 又影響兩班同學的校園生活, 懇請樓主退一步, 海闊天空!

Chewy

prince0214 : I feel so sorry for your kid's plainful experience. That teacher was my kids' class teacher last year. The teaching style was fine, abit strict but not too harsh and rigid.  My kids love and respect this teacher so much. My kids learned great classroom manner in the class and went to school happily everyday. Of course some pepole accept this teacher style; some don't! Please don't be too bias. Plus, kids nowaday are too spoil which may not able to take rules from the teacher.

Also, I never met a teacher can well remember every single kids personality and performance in the class, even small incident. Every impressive teacher! I never belive 1 side story, this is what I and my kids experienced with this teacher.

By the way, I declared I am not newly joined. I m an old memeber. I seldom talked in BK forum but this time I found that is so unfair!

cherrieshum

原帖由 yukilee 於 15-05-07 發表
我女兒也在譚歐陽上過3年學，每天都很開開心心的去上學，開開心心的放學。雖然不盡認識每一個老師，但致少 ...

對啊！我兩個仔女都在此讀書，小女已畢業，阿仔K2，我覺得學校是一所非常好的學校好，行政效率很好，老師又盡責，而且上課時有兩位老師當值，怎會看不到老師體罰呢？我相信當中應有誤會，若不相信學校，應考慮轉校，否則對小孩也是不好。

cherrieshum

原帖由 excellentgogogo 於 15-05-08 發表
回覆 prince0214 的帖子

我平時只睇唔講野既, 就係不值你呢D 咁既行為, 立即註冊個 account o黎幫老師平反 ...

cherrieshum

阿仔的班主任就是這位被投訴的老師，阿仔可謂全班最調皮搗蛋，但從來沒有發生被扭耳仔事件，每天開開心心上學，班主任也偶然主動致電匯報阿仔在校情況，非常盡責。發生事件後，班主任暫停職務，由另一個老師接替，阿仔就很失落，還經常說："I want other teacher."，幸好現在已雨過天晴。最後，我好傳統，我認為想小孩成才，品行好，一定要尊師重道，相信老師，即使有錯，也不要動輒投訴，否則小孩將來驁桀不馴，諸多挑剔。