數學老師你想點?

HaYi

不過long answer short answer 倒轉都一定是錯, 所以我教個仔一見問題紙先要睇清楚問咩要求咩, 不是求其寫晒先發覺錯左基本野, 不過佢都是不小心多.

最經典有朋友個小朋友中文類似"作句", 老師 改交乂, 說他作得不對, 我地大人一看都知是作文, 如冇ANSWER 好難同標準一棣, 真是好古怪, 只好教他不要介意啦.  

MASAYA

有d人係咁，老師都係人，你舉一反三以為好醒，但對方只容得下一個答案，明明意思一樣，佢死都話你錯，咪當提前認識呢個社會，我女遇到呢個情況，如果佢答案都0岩，我會同佢講佢個答案唔可以話錯，不過老師要既就係呢一個，個個老師標準唔同，自己留意多d去執生，順便培養合作能力

wan_sosin

成日話學識咗係屬於自己嘅，我自己嘅角度唔會為咗答個標準答案而去學習，我接受學校有個框框，我自己就唔想有個框框比小朋友！勉強要那一邊跟那一邊就好困難。
考試技巧，答題技巧都重要！尤其去到重要考試！要掌握出題者要什麼答案，我都會教個仔到考試，要跟清楚題目去做！
變唔變通到，要睇個小朋友同家長點樣引導！
我仔其實係常會離開指示，例如話係課文搵詞語填充，但佢唔睇課文，填佢自己嘅詞語，個意思其實都差不多，但老師當然會話錯，我就要解釋佢聽！題目要求那個答案，而另外可以有那些想法！
但樓主是乎合題目指示，只係不是標準答案，呢D情況好多學校都會，一係就調節自己心態，一係搵過間適合學校，但後者唔易！

akys

我好市儈，經常同阿仔講要清楚題目嘅目的，就算有好多答案都要揀個最合理嘅。例如正方形是否屬於長方形， 佢會話平時唔係，但奧數係。

崆峒絕學

同意首先要睇清楚題目嘅要求。之後要睇要思考題目想問乜，呢一樣嘢最難。


例如要小六學生列方程計：姐姐有10元，買了一杯汽水之後，餘下3元。一杯汽水要多少元？
唔用方程計，一定無分。


設一杯汽水要X元
X=10-3
X=7
答：一杯汽水要7元


咁計，已經會俾人扣分。可以上Google search 下 TSA過去試卷嘅答題要求。當年，有因為呢題問老師點解扣分。


三角形，可以用邊去分類：等邊三角形、等腰三角形，仲有一些人分出不等邊三角形、任意三角形、不規則三角形。
三角形，可以用角去分類：直角三角形、銳角三角形、鈍角三角形。有時，會分埋等腰三角形等。
又有直角，又有兩條邊長度相等，一係叫直角等腰三角形，又或叫等腰直角三角形。


係小學，如果我無記錯(已係幾年前嘅事)，會教：
等邊三角形、等腰三角形、直角三角形、直角等腰三角形(或等腰直角三角形)。


所以樓主呢一條，我都係建議樓主直接問個數學老師。


至於， "寫出一個比六分四小, 但比六分一大的分數"，二分一嘅值的確係正確。不過，小學三年級只係學同分母分數，如果學生寫 "123/247"，答案嘅值的確正確，但老師好難判斷學生係識定係撞。
如果話 "題目又無要求一定要用同分母"，可以理解。因為本書或練習嘅設計只係俾一般程度嘅學生，如果學生寫 "1.5/6"，個分數值係正確，而且題目亦無寫 "唔俾用小數"。寫繁分數 "一又二分之一 分之 二分之五"，個分數值又係正確。


如果樓主個小朋友已經超越一般程度，建議下次寫埋 "三年級程度嘅答案"， "1/2=3/6"，咁就無敵，仲可以令老師多點留意下自己個小朋友，唔好淨係俾一般程度嘅工作紙佢做，免得小朋友上上下堂覺得悶，嘥咗學習時間。


回想條方程俾人扣分，就諗其實係小二程度嘅數學題。題目咁淺，迫人用方程，但又唔可以 X=10-3......

momama

http://zh.m.wikipedia.org/zh-hant/%E4%B8%89%E8%A7%92%E5%BD%A2

我學歷唔差，相信終生學習，細路有問題就一齊去了解，會鼓勵去揾老師問清楚；如果師資咁有問題，寜願去轉校。

S-Kwok

原帖由 wan_sosin 於 15-04-29 發表
無錯，教小朋友明白，老師有佢要求，但唔等於得一個答案，不過最好答返老師要求的。
我仔有次做英文功課， ...

呢個情況我會話仔唔睇題目要求

yolayoha

王家爸爸 發表於 15-4-28 09:25
第三題，小朋友係錯既，因為直角三角形可以同時係不等邊三角形，所以不等邊三角形可唔可以有直角？答案應該係可以，因為不等邊三角形既定義係三條邊唔同長度，唔關有無直角事

唔太明點解你會話第三題係小朋友錯.  你的解釋不就是問題所在?!?!  如你所說, 不等邊三角形可以有直角, 亦即是起初老師教同學的; 而結果, 後來當小朋友畫了一個有直角的不等邊三角形時, 老師就打了交叉, 話因為有直角的不等邊三角形就要叫"直角三角形", 唔可以當係"不等邊"嘛.  

yolayoha

wan_sosin 發表於 15-4-29 10:18
無錯，教小朋友明白，老師有佢要求，但唔等於得一個答案，不過最好答返老師要求的。
我仔有次做英文功課， ...

做功課時候就無所謂者, 咁考試呢? 難道真的"求學不是求分數"??  

yolayoha

王家爸爸 發表於 15-4-28 10:22
我覺得如果個圖係有直角既不等邊三角形，小朋友寫直角三角形應該對，因為唔需要強調不等邊。如果兩邊相等， ...

其實問題關鍵不在於"有直角的不等邊三角形"應算係"直角"、"不等邊"、定"直角不等邊"又或者兩者皆是.  問題係, 老師當初講左, 不等邊三角形可以有直角, 而後來小朋友被要求畫不等邊三角形時, 畫了一個有直角的不等邊三角形, 而老師話錯, 而理由竟是"有直角的就要叫直角三角形，唔可以叫不等邊"!!!  同佢之前講的一套南轅北轍, 叫小朋友點適應呀??

王家爸爸

yolayoha 發表於 15-4-30 08:59
唔太明點解你會話第三題係小朋友錯.  你的解釋不就是問題所在?!?!  如你所說, 不等邊三角形可以有直角, 亦 ...

直角三角形既兩條直角邊，可能相等，亦可能唔相等。如果相等，呢個直角三角形係等腰直角三角形。如果唔相等，呢個直角三角形係同時係不等邊三角形。

換言之，概念上，直角三角形同不等邊三角形有Overlap既。

王家爸爸

yolayoha 發表於 15-4-30 09:05
其實問題關鍵不在於"有直角的不等邊三角形"應算係"直角"、"不等邊"、定"直角不等邊"又或者兩者皆是.  問 ...

條問題係：不等邊三角形可唔可以有直角？
重點係：可唔可以有直角。

little_yolky

王家爸爸 發表於 15-4-30 09:13
條問題係：不等邊三角形可唔可以有直角？
重點係：可唔可以有直角。

所以, 理論上, 如果題目要求畫一"不等邊三角形", 小朋友也可以畫一個直角不等邊三角形吧!?

little_yolky

王家爸爸 發表於 15-4-30 09:13
條問題係：不等邊三角形可唔可以有直角？
重點係：可唔可以有直角。

其實我都有一條小一問題想問。

946, 9是  百  位, 4是  十  位, 6是  個  位 (以上橫線是要求小朋友填)

946= + +


答案為何必須是900+40+6, 而不可以填6+40+900? 是數學概念的問題嗎??????

王家爸爸

little_yolky 發表於 15-4-30 09:36
所以, 理論上, 如果題目要求畫一"不等邊三角形", 小朋友也可以畫一個直角不等邊三角形吧!?  ...

原則上係可以，所以考試時老師應該當佢啱。但係如果係做練習（功課）時，老師唔知道小朋友有無概念上既錯誤，所以要提醒小朋友，最好畫一個無直角既不等邊三角形。

王家爸爸

little_yolky 發表於 15-4-30 09:41
其實我都有一條小一問題想問。

946, 9是  百  位, 4是  十  位, 6是  個  位 (以上橫線是要求小朋友填)

概念上兩種做法都正確，考試時唔可以當錯。

wan_sosin

原帖由 yolayoha 於 15-04-30 發表
做功課時候就無所謂者, 咁考試呢? 難道真的"求學不是求分數"??

求學是求分數？而家唔少學生平均分9字頭，名次仍然唔知落咗去邊處，D家長都感到懊惱，而家呢句說話應該改為求學不是求名次了！

little_yolky

王家爸爸 發表於 15-4-30 09:45
概念上兩種做法都正確，考試時唔可以當錯。

老師話錯, 阿女由80分變咗78

AgapePa

little_yolky 發表於 15-4-30 09:41
其實我都有一條小一問題想問。

946, 9是  百  位, 4是  十  位, 6是  個  位 (以上橫線是要求小朋友填)

因為上下兩條有關連, 所以要答 900 + 40 + 6
而且課程係教 百, 十, 個位概念.  唔可以反轉加, 否則你寫 890 + 49.50 + 6.5 都得
學數學除了結果對, 亦雖要運算歩罩正確