好學校

long0

其實呢個帖子應該放係升中度無奈果邊有大量精英主義者
經常以專家角度幫學校排位
十足十日本d大炮主義者
入b1一定好 入到=大學

呢個帖子比佢地見到又係話送人去死架啦
各位有需要就睇
正文

好學校 有兩種
1, 教(好學生)
2, 教好(學生)

1, 人人都想入 但諗深一點 其實係邊個教出來 家長無努力過 有(好學生)?
2, 首先(學生)一定未係最好 好的去咗1, 家長會話呢種學校難搵, 其實唔難任何學校就算B3都一樣
    只你係間學校top10就得, 間學校所有資源係手上, 無學校會浪費呢D該校精英
    偏偏d人要送佢去1, 就這樣浪費了,
    其實要成為TOP10又難唔難?
    最起碼係學校要你 即係自行時 要間學校一定收你
    即係搵低一個BAND 選出當中最好果間 (要間學校係平穩 最好係升緊BAND的 跌緊BAND的係送死)
    呢自行時好多家長都會越級選校
    如果係學校收你 你非常大機會係TOP25%
    而BAND2好多升大都係TOP25%
    即係入硬精英班
    到呢度你會話有無這樣易呀


    我話比你知 要敢做好難
    第一要受千夫所指 話你送呀仔去死
    第二公怖時你會好難受 因為比你仔成績差的人 都好似好過你
    身邊好多同情目光 比死難受

    其實係呢個時候
    有必殺手段令阿仔以後會一路平安
    有缘再寫

ren

通常家長係想子女入到"教好(好學生)"的學校…

brother4

香港是那樣大學學位有限，新加坡得不足30%上大學，真人真事band 3全級第一，上不到，band 2全級第一，可，band | 要精班學生最好，另類副學士及自資己講太多，自己看。。。。當遊戲規則吧！好學校如有可能，去留學如英，因教育制度不同，香港快上—年以上，去英基本愉快學習，成績名列前矛，大學及專上過百間，醫科及律師名額—定比香港多。。在香港就遵從‘’遊戲規則‘’的重要

Yanamami

朋輩问題都要考慮，虽然band2都有校风好既学校，但乖学生比例上可能有d唔同，学習风氣都有分别｡—切都係講比例，band1校比例上多d学生較有目標、紧張自己学業、知自己想要乜……｡當然勉强無幸福，但band2头学生，有時4科可能有1科弱左d,或失手，唔代表無能力或懶散，去band1中学無可厚非｡而且上到中学讀書方法同答題技巧又係另一回事，真係莫欺少年窮｡不过，真係要睇小朋友性格，有部份符碌入band1的，又真係変得無心向学｡

brother4

在香港就遵從‘’遊戲規則‘’的重要


真人真事故事，說明了遵從「遊戲規則」的重要，今次，我又有另一個更有趣的案例與大家分享。

我有一位朋友對於機械操控上特別有天分，年紀輕輕便考獲直升機牌照，故被冠以「全港最年輕的直升機師」之名；即使在美國讀書後回港，需再次重新考牌，他依然能在無任何準備情形之下一take搞掂，簡直是機械操作的神童！
早前，他決定申請香港的駕駛執照，駕車對他來説基本上就是易如反掌，朋友故然是信心爆棚，抱着「難我唔到」的心情前往考核。但意想不到的，他第一次考車竟然肥佬；而第二次重考……亦是不及格！
友儕間偶爾會提及此事，想不通何以這位朋友竟連續兩次遭遇滑鐵盧？此時我便會笑着說：「駕車技巧好的人，取得車牌之前，第一件事便是要接受懲罰，就是無法順利考取車牌。一次、兩次甚至三次。小弟我也有同樣的經歷，亦是第三次考車才能順利pass。原因其實簡單得很，考牌官給予你及格最重要的準則，根本就並非你的技巧夠不夠好、手車夠不夠辣，而是要求考生了解道路的情況，懂得小心駕駛，如出路口前必定注意四周環境，在確保安全的情況之下方可前行等。
但是，考牌師傅何以見得你有如此的心態與謹慎態度呢？於是他們認為，你必須擁有超乎常人、非自然的動作及反應，才會相信你是有此態度的。正常我們駕車出路口，我們只會移動眼球兩邊張望，可是坐在你身邊的考牌官，卻無法看到你眼球的動作，所以在學車時，部分教車師傅都會對學生說：『啓動任何操控前，請記緊要大動作地看倒後鏡與側鏡，出路口時更要記得擰頭看看左右兩方的情況，更必須擰足九十度，就有如做大戲時揈水髮一般，大大力的，這樣，考官才能確定你記得有關的安全規則。當然，在你取得了車牌後，你還有沒有左顧右盼呢？那就是天知、地知、你自己知了！』」
我亦曾問及神童朋友有否遵從這個規則？他便理直氣壯地說：「當然沒有啦！怎會有人如此誇張地駕車的？！」沒錯，的確沒有人會如此誇張地駕車，即使學車時亦不會這般大動作，但考牌呢，這種誇張卻是必須的，而且更要慢動作一步一步地去做，否則，你休想考取駕駛執照了！
每件事、每個環境、每一場考驗等，都有其成功的必殺技，而所謂的必殺技，其實並非甚麼高深的技巧，不過是掌握它的「Rule of the game(遊戲規則)」以及「Rule of engagement (戰鬥的規則)」而已。完完全全跟從規則去幹，別人問A，你便回答A，即使這答案明明是違反常態也好，反正這就是取勝的唯一之路。
正是這個原因，有條件、有能力並駕得一手好車的人通常較易肥佬，相反條件不強但聽話的學生，反而更大機會一take pass！在職場上亦如是，為甚麼能力不強，但服從性高的人很多時都能一級一級地往上晉升，關鍵是他願意遵從遊戲規則，懂得達至規則所要求的期望。
希望在職場、學界中的每一位朋友，都能夠清楚你們所要面對的遊戲規則，努力達成，在新一年自然成功在望、心想事成、步步高陞

王家爸爸

long0 發表於 15-4-24 09:33
其實呢個帖子應該放係升中度無奈果邊有大量精英主義者
經常以專家角度幫學校排位
十足十日本d大炮主義者

其實兩種好學校係一樣，首先點解間學校會收到好學生？因為學校以前教好佢地既學生，師兄師姊成績好，所以吸引到好少少既學生報讀。學校不停努力，學生質素慢慢提高，經過好多年學校同師生既努力，學校由「教(好學生)」轉變為「教好(學生)」。基本上，間間名校都係咁練成既。

公主老豆

回覆 王家爸爸 的帖子

同意同意,
如果無本事可到外國讀書
就無謂找那麼多借口
香港就是這樣的
瀟灑可以
勿誤下一代便是了
那裡有那麼多天生愛讀書
有時都要想點好法子迫出來的

long0

好彩放哩度 係另外個邊一定已萬剪穿心
通常有本事的 自身情況優越
其實真係唔駛點幫
當然亦有本事週圍哂

但其實更多要幫的升中家長
係b1尾b2同b3
呢d學生好多時真係要幫
入錯學校真係
屋企無能力比佢再黎過
有可能來自低下層社會
要改變看來門都沒有

我聽過
香港的教育係培養失敗者, 低下層
只有令無能力考好試的人認命
努力為讀到書的有錢人打拼
呢個就係香港特色
由9年教育去到12年係令佢地更心甘命底
比哂機會都係讀唔到所以注定係失敗者

而今見到呢D失敗者
開始反擊
年紀輕輕攞綜援
有錢攞就上街
無錢就社會欠佢

其實可能真係欠咗佢

hkpapa852

long0 發表於 15-4-24 12:20
好彩放哩度 係另外個邊一定已萬剪穿心
通常有本事的 自身情況優越
其實真係唔駛點幫

係升中版, 需然多數都係講/問點揀B1學校, 但亦有不少B1/B2邊綠人, 或者B2/B3的學生家長問意見, 還是有不少資深又熱心既EK會員願意協助

Charlotte_mom

原帖由 hkpapa852 於 15-04-24 發表
係升中版, 需然多數都係講/問點揀B1學校, 但亦有不少B1/B2邊綠人, 或者B2/B3的學生家長問意見, 還是有不少 ...

對，band three 生，如果唔認輸係都要選band one 校，講出黎一樣會引起不少迴響。我都見有唔少b2b3選校帖丫。成日都話，一間梨校點解多人揀，一定有得解。有學校從寶校升呢變成要擺乙二，我都見過。學王家爸爸話齋「教好學生」漸漸就會變成教「好學生」。弱肉強食，睇唔睇得開，一個「化」字吧了

long0

王家爸爸  失敗主要係官員做成  

呢d官係官校出黎點做成問題?
已肯定呢d官學歷高
有學歷無能力?
最終送仔出去讀書果d官
最令人難明

brother4

家長及學生都不笨，年年留學會入場人數遞升，學生出腳去留學，如肯讀書去大陸/台灣都可，完成大學，去‘’洗底‘’如美國—年master，回港去政府評核取證明，同本地master生同等學歷。。。

long0

公主老豆 發表於 15-4-24 11:09
回覆 王家爸爸 的帖子

同意同意,

如果用到香港就是這樣的這條萬能key可以發展句式如下:

點解甘多人無屋住 香港就是這樣的
點解大陸人落黎要比人罵 香港就是這樣的
點解曾局長比人拉過都做到民政事务局局长
香港就是這樣的
點解大學生要罷課 香港就是這樣的
點解要袋住先 香港就是這樣的
點解有佔中
香港就是這樣的
點解有人反差人
香港就是這樣的
點解特首撍建無事
香港就是這樣的
點解阿Sir唔教書
香港就是這樣的
點解d人要補習
香港就是這樣的




相信d官就係用呢d level2思考模式
我唯有及認同香港教育制度的目的是“推行奴化教育”因為
香港就是這樣的


香港就是這樣的 萬歲

momama

首先我唔認為學校係咁樣分類囉！阿女讀過兩間名小，老師同課程都好。以SFA為例，小二上學期仲係作句咋，有好多小一已經要作文五十字！SFA鼓勵大量閱讀，但又唔使做好多報告，有好多小一每星期交一份呀！因為可以教好「學生」而被定義為教「好學生」，實在唔公平。

Carsonsh

如果間學校嘅校長及老師真係有本事，就唔應該篩選D學生，將乜嘢質素嘅學生都教導成材! 㸃解要篩選學生，係因為D所謂名校、神校並非大家想像得咁神化，佢哋只係靠撿選“最優質”嘅學生去保住自己嘅名聲，而嗰D“最優質“學生已經各自參加雞精補習，即使老師乜都唔教佢哋一樣乜都識齊，同學校教成㸃根本無關，家長拜服喺呢種價值扭曲嘅制度，最大嘅得益者並非閣下嘅仔女，而係嗰D所謂名校、神校

momama

咁名津小呢？

shadeslayer

原帖由 Carsonsh 於 15-04-24 發表
如果間學校嘅校長及老師真係有本事，就唔應該篩選D學生，將乜嘢質素嘅學生都教導成材! 㸃解要篩選學生，係 ...

一竹篙打一船名校，爽快。

momama

如果老師好就乜小朋友都可教導成材，就等如相信點鐡可成金一樣。我冇咁嘅信念㗎，但老師好、課程好，就係一間好學校，就係會多人想讀。

long0

Carsonsh 發表於 15-4-24 19:36
如果間學校嘅校長及老師真係有本事，就唔應該篩選D學生，將乜嘢質素嘅學生都教導成材! 㸃解要篩選學生，係 ...

呢間學校有你咁支持的家長相信你小朋友讀得好開心
而且成績唔差 係中上之流
亦即係學校相當适合你小朋友


但如果有D學生學習能力比較差
小朋友已經好努力
家長盡力支援
學校比佢上補底班
但仍追唔上進度
你學校會點做?


呢間學校係好學校
但對於佢係唔係


當中邊個要負最大責任?

HaYi

我識不少學生是抽入左一線津校, 可惜P1開始發覺有SEN, 學障/ ADHD/ delay, 真係咩都有,  

捱到上高小, 成績都是在20-30分左右, 還要面對不停的催谷及大量的功課, 好學校老師就算如何有心, 都難以教出個成績出色的學生, 這種錯配真是很大數量的,  

我相信錯配冇人想, 但現實上當一間好學校冇得選人時, 學校收了此些學生, 最終是要出動勸退以保升學率, 或是任其自生自X, 不做任何野, 推佢快快捱完6年.  

如果以為好學校的老師可以有辨法教好所以收回來未經挑選的學生, 那真是超現實了.   強如 "升band 1 中學超過50% 的官津" 都己是出產谷得小朋友的強校, 其它的在客觀P1收生條件下可以做出P6成績的空間又有幾多.