【輸在起跑線上】研究發現：窮家小孩腦部較細小

twotwoshing

經常有人說小朋友讀書有起跑線，父母都要子女「贏在起跑線上」，那麼，條件差一點的父母，其子女又是否注定要「輸在起跑線上」呢？這聽上去很Sad，但又不能否認是True。
日前在權威醫學雜誌《Nature Neuroscience》發表的研究結果顯示，窮家小孩的腦袋較細。
該研究為一千名年齡由三至二十歲不等的兒童及少年，進行腦部核磁共振成像，發現年收入少於二萬五千美元的家庭，其小朋友的大腦皮質表面，較年收入逾十五萬美元的家庭少6%，當中涉及語言控制及理性決策（Decision-making）的能力。
研究指，原因可能是因為窮小孩缺乏物質生活，而且窮家庭的生活較混亂和無秩序。
有份進行研究的哥倫比亞大學學者Kimberly Noble說：「我們留意到兒童的腦部結構，與家長的教育程度及收入有關。」
不過他強調：「關聯並不代表是因果關係。我可以說，家長的教育程度與家庭收入，與兒童的腦部結構有關聯，但我們不可以『肯定』差異會導致不同的腦結構。」
有時候成功需苦幹之餘，「父幹」也是重要因素。
▼有錢仔很大把書看

資訊來源：Metro英國都巿報

腦大亦唔一定好，要睇下用到幾多

Jane1983

窮的小朋友就等於蠢？好懷疑。

好多有錢人都係從無到有的。

HMmummy

研究地點在那裏？美國？美國的醫療系統和教育系統同香港唔同。只不過窮可能唔夠營養吸收,影響腦部發展，相反只要人人有書讀，有好老師，應該不大差異！

Soundervolt

Metro 係英國版蘋果

雲牛

鬼佬嘢咪知, 中華智慧話頭大無腦, 腦大生草.

yamin

原帖由 twotwoshing 於 15-04-20 發表
經常有人說小朋友讀書有起跑線，父母都要子女「贏在起跑線上」，那麼，條件差一點的父母，其子女又是否注定 ...

窮的小朋友不會冇書看，因可以去圖書館借書。只怕是父母為口奔馳，工作時間長到連自己休息的時間都冇，仲點會有時間精神帶小朋友去圖書館，去公園/郊外玩，去透過感觀學習世事？因為我細過的時候就係在咁樣的環境長大，呀爸一個養6個，呀媽一個湊唔到4個出街

11B

雲牛 發表於 15-4-20 18:30
鬼佬嘢咪知, 中華智慧話頭大無腦, 腦大生草.

fishchow

應用到第三世界 可能是對的！

hkpapa852

唭唔怪得有人會整D大頭奶粉了! 佢地仲可能因為呢個研究報告而攞到諾貝爾添!

little_yolky

yamin 發表於 15-4-20 18:40
窮的小朋友不會冇書看，因可以去圖書館借書。只怕是父母為口奔馳，工作時間長到連自己休息的時間都冇，仲點 ...

我阿爸嬴世伯一個, 我哋7個。不過, 阿媽可以湊4-5個出街無問題, 因為我哋隔得開, 家姐可以睇細妹。

窮孩子的生活嗎? 沒有圖書館, 只有學校的圖書角、教科書跟爸爸每天的報紙, 因為圖書館要俾錢坐車, 無得去。伴讀是不可能的, 邊個得閒采你, 仲要阿媽跟本無讀過書, 最多聽下阿爸同阿女麻講下以前打日本仔既歷史, 同埋二十四孝既故事。興趣班諗都唔好諗, 要畫畫就用張睇完既報紙, 對住老夫子照抄, 學臨摹。平時就自己幫自己燙校服, 幫手做下家務咁, 仲會陪阿媽落街買餸幫手攞嘢, 睇下阿媽點揀食物, 點精打細算, 用最少既錢餵飽一屋10個人。細個時因為係有勁多拐子佬年代, 所以無得出街玩, 一日到黑都係响屋企度, 睇電視(以前CCTVB好睇好多)。

窮教子天天就是這樣過了。

ppmmbb

原帖由 little_yolky 於 15-04-21 發表
我阿爸嬴世伯一個, 我哋7個。不過, 阿媽可以湊4-5個出街無問題, 因為我哋隔得開, 家姐可以睇細妹。

窮孩子 ...

little_yolky

HMmummy 發表於 15-4-20 18:09
研究地點在那裏？美國？美國的醫療系統和教育系統同香港唔同。只不過窮可能唔夠營養吸收,影響腦部發展，相 ...

你說得對, 其實聰明與否跟腦容量無直接關係的。早我們一個人種的尼安德特人, 他們的腦容量平均有1400c.c., 我們現代智人一般只係1200c.c., 但是最後我們勝出了。我們的前額較突出, 即比較具創作能力。後腦突出的比較好記性。

有錢人可以提供高脂肪食物俾寶寶, 所以响出生初期腦部發育較好, 但係聰明與否在乎接受外來刺激多少而言。

yamin

原帖由 little_yolky 於 15-04-21 發表
我阿爸嬴世伯一個, 我哋7個。不過, 阿媽可以湊4-5個出街無問題, 因為我哋隔得開, 家姐可以睇細妹。

窮孩子 ...

世伯真係厲害~~~ 你的分享勾起我細過時的回憶，同你的好似呀~~~ 我呀媽一年生一個，帶出街玩有困難。我都冇得出街玩，但可以係屋村走廊同一大班鄰居玩，分享鄰居的漫畫書。我4-5歲幫呀媽落樓下買雞蛋時返屋企行樓梯仆親d雞蛋爛哂。7-8歲幫呀媽去買叉燒學人打斧頭。屋企電視收唔到無線，只可以睇亞視。

呀媽講黎講去都係3隻小豬，唔記得邊個灌水浮球，鑿壁偷光，鐵柱磨成針 ......... 冇書睇，呀媽齋嗡     真的，千金難買少年窮