求美國升學意見

ivyscyip

其實樓主想入呢幾間，都要睇下小朋友現在的成績。美國入U唔難，但入好的U好難的。如果你小朋友現在成績都 top,  那都有可能。如果中三後才去美國，我會覺得SAT都幾難追 ，D  vocab 都好深下.

Leo_tsunhin

原帖由 mugtaitai 於 15-04-22 發表
你一直問而家中三係咪太遲，點解你怕遲？遲喺邊度？你嘅憂慮係乜野？英文程度？overall 成績？

你提到嘅嗰 ...

唔該哂！

Leo_tsunhin

小朋友英文唔係咁好  覺得如果過美國讀中學成績未必好 所以想佢做一年交流生 之後入CC博下入好既大學

laorenjia

mugtaitai 發表於 15-4-22 15:00
你一直問而家中三係咪太遲，點解你怕遲？遲喺邊度？你嘅憂慮係乜野？英文程度？overall 成績？

你提到嘅嗰 ...

UCSD has withdrawn from the transfer guarantee program already.

happyhealthymin

原帖由 ivyscyip 於 15-04-22 發表
其實樓主想入呢幾間，都要睇下小朋友現在的成績。美國入U唔難，但入好的U好難的。如果你小朋友現在成績都 t ...

想請教下如果一心想去美國讀大學,係未應該讀一條龍的美制國際學校, 而不選擇一條龍英制國際學校? 小孩而家年紀尚小, 是否考慮得太早?

mugtaitai

Leo_tsunhin 發表於 15-4-22 17:02
小朋友英文唔係咁好  覺得如果過美國讀中學成績未必好 所以想佢做一年交流生 之後入CC博下入好既大學 :sick ...

如果你擔心小朋友去美國讀中學成績未必好，點解你會覺得做一年交換生之後入 CC 成績會好？CC 嘅課程係大學程度，點諗都應該會深過中學嘅課程吧？而且仲要讀少左兩年中學，基礎冇其他同學咁好，同佢地競爭攞好成績應該更難？

如果計劃係想小朋友去美國升讀大學嘅，我覺得可以試下：
1. 儘快送小朋友去美國讀中學，如果佢唔係美國公民／居民，咁只可以入讀私校，有唔少寄宿私校都管得好嚴成績都唔錯嘅，我當年中學讀中文學校，英文成績雖然唔係差，但比起自細讀英文學校嘅始終差 d，我讀完中四去美國讀寄宿學校，日日浸喺嗰個環境，英文進步神速

2. 留喺香港，將佢英文谷上去，或者試下轉國際學校，呢 d 年紀嘅國際學校學生開始陸陸續續去外國升學，越高年班學位空缺越多，相對越容易轉

上面已經有 JM 提到，要入好嘅大學，除左要成績好，仲要有課外活動，文武體藝全能，又要做義工，呢幾年就係部署呢 d 資歷嘅時候了，小朋友已經中三，要馬上開始做了

ivyscyip

happyhealthymin 發表於 15-4-22 18:33
想請教下如果一心想去美國讀大學,係未應該讀一條龍的美制國際學校, 而不選擇一條龍英制國際學校? 小孩而家 ...

香港無乜一條龍的國際學校。講真﹐唔係美國人想入 top u超難﹐就算係美國人都難﹗

ivyscyip

Leo_tsunhin 發表於 15-4-22 17:02
小朋友英文唔係咁好  覺得如果過美國讀中學成績未必好 所以想佢做一年交流生 之後入CC博下入好既大學 :sick ...

英文唔係咁好就係問題, 你就算F4去讀﹐我估SAT都好難追到高分。。。。。入CC入到大學不是問題﹐但難入好的大學。

Leo_tsunhin

小朋友而家係香港成績都唔係好好 如果美國睇四年成績既話 睇一年香港既成績應該一定入唔到好大學 我只怕過去讀三年中學 到頭來又入番CC。所以諗過比小朋友係香港讀埋中四 之後參加一年交流生 打好個英文低 熟習下個度既環境 再讀CC 博入番 UC好既大學

ivyscyip

Leo_tsunhin 發表於 15-4-22 22:28
小朋友而家係香港成績都唔係好好 如果美國睇四年成績既話 睇一年香港既成績應該一定入唔到好大學 我只怕過 ...

如果現在發力，入到UC唔難，但難入 top UC.... 唔好介意，如果你小朋友現在F3成績也不是甘好，你係咪應該諗下點入二線而不是一線大學呢？用返香港來比如，唔好  target HKU/CU/UST ， target  HKBU/Poly/City。。。。美國入呢幾間分分鐘難過香港入 top 3。

foolish.mom

回覆 ivyscyip 的帖子

Agree. UC Berkeley and UCLA are much more difficult to get in than HKU/CU/HKUST.

supermbnz

我仔幾年前都係完成F.5先去CC, 之後transfer to UC, 佢本身英文底吾錯, 頭一年都ok, 但到第二年......除左d功課忙, 仲要睇好多幾吋厚ke書去完成功課, 如果英文吾好, 真係好難想像......

rose-mag

我住三藩市，見到嘅情況係，唔係公民唔係住三藩市，公校你唔駛諗，連三藩市學生都爭崩頭，外來生一定唔會幫你搞VISA，你自己搞掂晒去報都未必收，因為居民納重稅，公校係本地人福利之一，收到冇學生至會收，你唔介意入D唔好嘅學校可能有機會。

無錯，有JM講過，SF校區係攪珠抽籤，個system好複雜，近年轉緊制度，但入好區嘅好學校，如冇兄弟姐妹讀緊就係大抽獎，睇你彩數，問題係咩叫好學校？唔係只講分數，間間學校都有好老師唔好老師，遇著個好嘅讀得好，遇著個唔好嘅，一年下來根本可以咩都學唔到。

中學同高中係好關鍵嘅年級，唔只成績，仲驚學壞，有親戚睇住好D，但小朋友適應能力自制能力更重要。美國讀書好講主動獨立，你唔讀老師唔會逼你，學生要學嘅亦唔只係書本上知識，仲有處事處世。讀死書一定唔得，課外活動義工等經驗都係報大學必須，而家比較好D嘅大學大把人排隊，要點脫穎而出至係關鍵，就算俾你入到去top school，你話個仔英文唔好，只讀一年交換生浸一年入大學，你真係覺得佢有本事同人爭？幾多人讀讀吓讀唔落去。功課多之餘，寫論文做功課唔係搬字過紙，好多係要個小朋友要有主見有個人理解，英文底唔好的話，正路過到嚟美國要讀多一兩年至升大學就真。

至於社區大學，唔一定唔好，睇你讀邊科同埋邊一間，我仔女未上中學，我自己又唔係美國讀書，我唔多熟呢方面資料，不過見身邊朋友親戚或者佢地仔女都有入不同大學，當然入到UC Berkeley係好，但UC Berkeley都係出名嘅party school，入到去唔讀書玩到天昏地暗都大有人在，亦有一D科例如護士，出名嘅唔係UC而係SF City College，其次就係USF。

我識一個曾經喺我公司做internship嘅女仔，由香港移民過嚟，讀社區大學，一年後轉去UCLA讀philosophy，一年後轉科讀Laws major，同時HKU收佢入法學院，佢即刻執嘢返香港，而家應該都就畢業。

學海無崖，睇清楚小朋友強弱項先，俾得起錢的話，而家幫佢打好英文底再考慮出國讀書，唔係吓吓要早畢業，入世未深出到去自由花花世界，好多嘢要適應，不知見到幾多錢就駛咗，書就半桶水，成日搵人抄功課，畢到業還好，畢唔到業混沌幾年都唔知發生咩事。

nintendo

happyhealthymin 發表於 15-4-22 18:33
想請教下如果一心想去美國讀大學,係未應該讀一條龍的美制國際學校, 而不選擇一條龍英制國際學校? 小孩而家 ...

冇分別，美國大學乜學生都收，重點係要成績好。

nintendo

foolish.mom 發表於 15-4-23 11:04
回覆 ivyscyip 的帖子

Agree. UC Berkeley and UCLA are much more difficult to get in than HKU/CU/HKUS ...

係。但好多人唔信。

Leo_tsunhin

多謝你咁詳盡既意見 睇嚟我要好好諗下
佢既成績係香港入大學都有機會

林嬌嬌

原帖由 foolish.mom 於 15-04-23 發表
回覆 ivyscyip 的帖子

Agree. UC Berkeley and UCLA are much more difficult to get in than HKU/CU/HKUS ...

UCLA  揾D非熱門科 , 易D入

Leo_tsunhin

例如咩科目？

Leo_tsunhin

決定了今年走 原來exchange完 間中學可以比個discount你繼續讀埋grade11同12 可以讀完11班就讀CC 如果grade 10 成績好好就直入CC 我係去讀private school

harrymanmypun

回覆 林嬌嬌 的帖子

Top UC 勁科目好難入，若SAT I 考得不太好，GPA 4.0 都沒有幫助，小兒IB PREDICT 42分以上 (45分滿分)SAT Subject Test (Math & Chemistry 760分以上(800分滿分) 想讀CHEM ENG. 只有一間細UC收，TOP UC reject，TIER 2 UC 收讀Chemistry. 大仔話入了UC transfer major 讀工程GPA要3.7以上，故此來年要加把勁轉MAJOR。