雙重特殊資優兒

lillymarie

我聽過一位專家說小朋友細個時左右腦未撘通, 好多時受右腦情緒影响, 未能發揮左腦理性思維的功能.

幫助孩子的方法是引導他把事情的經過講出來. 因為當他要述說一件事的時候, 就需要用左腦去組織思維, 以致他能夠清楚表達. 這個過程會讓他在右腦影響下啟動左腦功能, 撘通兩腦半球.

另一個方法, 亦和言語有關, 就是教他感受字眼, 當他有情緒時, 講出他的感受.

cl_kaka

Diamondtcc 發表於 15-11-20 20:59
我小朋友今年小一，班主任話佢容易感到憂慮而成日喊，例如:唔見文具，好擔心文具揾唔返喊，幾乎要揾番先收 ...

我仔幼稚園時都會甘,好小時就好緊張大喊，好小事都好擔心!我會同佢傾，你唔見左樣文具我知你好擔心,不過喊解決唔到。。。。，如果真係揾唔到屋企仲有所以唔駛擔心，但你要諗下有咩方法唔會唔見左樣文具例如用完即刻放返好。。。漸漸佢就係呢方面好D，唔見野都好緊張想喊但可以控制到!至於成績我仔K3第一次默書都好緊張同擔心，默書前一晚臨睡時叫我第2朝早D起身再同佢温，我同佢講唔需要你已經盡備好充足，唔好擔心!今年小一第一次測驗又係同我講好擔心，我都係同佢講你有冇100分唔重要，只要你有努力70分我已經好滿意!有次佢默書得87分，佢問我會唔㑹失望，我話唔會，因為你盡左力!再同佢講下自己細過都有試過低分唔合格呢D野!

YanKanMom

IloveJJ 發表於 15-11-20 23:39
表達能力呢樣野真係呢唔知點講!佢細細個已好叻，歲幾已用完整句子，理解力好好，唔講bb話，仲被人叫我睇下 ...

這方面你囝囝與我囝是比較相似的，他們都是邏輯推理及理解力不錯，但慢吞吞及數感弱。

Jcat

我仔係多言既小孩, 小學老師都投訴佢多野講. 不過佢仍然要做言語治療, 因為多野講唔等於講得好. 佢組織力較弱, 有時講一大堆野都講唔中重點.
我仔係資優+亞氏, 所以理解/猜想/暗示這方面會較弱, 將來小二開始深D既閱讀理解就會出問題, 今年小一校內既言語治療已開始訓練佢.

S-Kwok

原帖由 IloveJJ 於 15-11-20 發表
表達能力呢樣野真係呢唔知點講!佢細細個已好叻，歲幾已用完整句子，理解力好好，唔講bb話，仲被人叫我睇下 ...

我仔就係咁既情況，其實這係會影響作文。當你問佢嗰日發生咩事，佢會答到一舊舊，問佢點解會跌倒，佢亦會答到一舊舊。要拆開問題問，不過有時即使只係答一條問題，亦未必可以好清晰答到，簡單講，叫佢寫一篇記鈙文，佢係寫唔到，例如: 公園遊記，佢會寫到點準備、點去，最後玩得好開心，但中間發生嘅事 只可以講得一、兩句，講唔到發生咩時，點玩……即使有5w1h 引導，你都會發覺佢講得好怪，攞唔到重點。但如果你問佢，去圖書館嘅借書步驟，佢會講得好好。

至於閱讀理解，一般都可以答到好好的，但問:段落大意呢啲，或當時人的情緒嗰啲問題，就會錯《=就係咁。我個人覺得，初小問題不大，畢竟直問直答多，上到高小問題可能大啲。

S-Kwok

原帖由 IloveJJ 於 15-11-20 發表
表達能力呢樣野真係呢唔知點講!佢細細個已好叻，歲幾已用完整句子，理解力好好，唔講bb話，仲被人叫我睇下 ...

我仔就係咁既情況，其實這係會影響作文。當你問佢嗰日發生咩事，佢會答到一舊舊，問佢點解會跌倒，佢亦會答到一舊舊。要拆開問題問，不過有時即使只係答一條問題，亦未必可以好清晰答到，簡單講，叫佢寫一篇記鈙文，佢係寫唔到，例如: 公園遊記，佢會寫到點準備、點去，最後玩得好開心，但中間發生嘅事 只可以講得一、兩句，講唔到發生咩時，點玩……即使有5w1h 引導，你都會發覺佢講得好怪，攞唔到重點。但如果你問佢，去圖書館嘅借書步驟，佢會講得好好。

至於閱讀理解，一般都可以答到好好的，但問:段落大意呢啲，或當時人的情緒嗰啲問題，就會錯《=就係咁。我個人覺得，初小問題不大，畢竟直問直答多，上到高小問題可能大啲。

Diamondtcc

回覆 cl_kaka 的帖子

謝謝你意見。你講嘅方法我都一路用緊，請問要幾耐至見成效？暫見成效不大，我小朋友開學至今不停咁喊，實在非常困擾，但以前幼稚園是沒有這情況的, 我應否帶佢見心理學家？

S-Kwok

原帖由 Jcat 於 15-11-21 發表
我仔係多言既小孩, 小學老師都投訴佢多野講. 不過佢仍然要做言語治療, 因為多野講唔等於講得好. 佢組織力較 ...

我仔小二，問題開始出現

S-Kwok

原帖由 cl_kaka 於 15-11-20 發表
請問亞氏小朋友喺說話嘅表達能力上會比同齡小孩差少少，即係點？我仔講野好老積好大人口吻，駁咀都好叻，同 ...

我仔都係咁，能跟大人溝通得好。 至於跟相距有幾遠，就因人而已，我仔喺語言表達上相差2、3年。
小朋友能同大人溝通，因為大人能適時調節程度，所以無問題，但同齡就會覺得格格不入。
至於閱讀理解，我覺得除非佢地喺感受上(理解別人方面)有所改善，否則，單憑多做閱讀理解去解決佢地錯嘅題型會較難。

S-Kwok

原帖由 IloveJJ 於 15-11-21 發表
係?但我仔而家小三啦，佢作文又無問題喎，都作得幾好噃!

我仔有問題，尤其寫recount

S-Kwok

其實真係因人而已，我們的經驗，可作一個參考。

（突然諗起，仔細時，每晚重覆唱同一首歌ten green bottles唱足2年）

Kennyip5d

回覆 Diamondtcc 的帖子

我女又係咁,但我唔知佢係呼資優,總之就好煩.............日日喊

Diamondtcc

回覆 Kennyip5d 的帖子

好明白……我個仔依家都仲日日係咁喊，煩到嘔……我都唔知佢係未資優，但學校成績是不錯的。唉……我已經唔care佢係未資優，只想佢唔好再喊……

cl_kaka

回覆 Diamondtcc 的帖子

有無搵學校社工幫手？

Diamondtcc

回覆 cl_kaka 的帖子

有跟進緊，但作用不大，佢仲會因d小事擔心而喊，唉……

cl_kaka

回覆 Diamondtcc 的帖子

比多D時間小朋友去適應，我地家長亦要比多D鼓勵，幫助小朋友克服緊張同擔心！我仔D情緒都好大上大落，近排我仔要求我檢查佢D功課有無做錯同D字會唔會太醜樣(因為試過比老師話佢做錯同D字醜樣要佢小息入教員室改正），我要求佢改正時，佢就會發脾氣喊，話自己無左D時間玩，我叫佢咁不如唔好改，佢又唔肯！唉，呢1,2個星期晚晚都係咁，其實好傷親子關係，我都未誌到點處理好！