被寵壞的小學生

little_yolky

MASAYA 發表於 15-4-30 11:51
妳上網話兩個女既堂哥堂姐怕唔怕？
尋日中文老師第二次要求見家長，又係話我個女做功課拿西， ...

唉, 點解咁大個仔女都為咗D咁小事喊


拿, 我囡囡學校老師個溝通技巧就好D喇, 家長日時同我講, 頭兩次默書好低分, 佢問過囡囡係咪無溫書, 第三次我有同佢溫, 好高分, 老師話, 囡囡好開心咁同佢講媽咪同我一齊溫書。老師無講要我哋做乜, 只話有媽咪陪佢一齊溫書, 囡囡表現得好開心。


咁即係, 媽咪你識做啦

little_yolky

MASAYA 發表於 15-4-30 12:26
呢個老師係好好架，因為佢講既要求唔係指分數上，而係態度上，不過我搞左好耐都未改善到... ...

好彩我囡囡對自己有要求啫, 不過佢對自己既分數從來無要求就是了

wan_sosin

原帖由 MASAYA 於 15-04-30 發表
妳上網話兩個女既堂哥堂姐怕唔怕？
尋日中文老師第二次要求見家長，又係話我個女做功課拿西， ...

如果幼稚園時要求唔高，上到小一突然要高要求，是要多小小時間讓小朋友pick up, 會有一斷時間唔明點解要咁認真，幾年幼稚園生活都輕輕鬆鬆！我都見過一些小朋友有類似情況，同樣連家長都話埋，個家長話想比時間個小朋友，個老師同家長講，你仲要慢慢比時間佢呀？當然家長最後有權決定如何教個小朋友！

MASAYA

little_yolky 發表於 15-4-30 12:28
唉, 點解咁大個仔女都為咗D咁小事喊

但我對家長同小朋友一齊溫書呢個做法有保留，如果要提高分數係有用，不過唔長遠，但對改善態度黎講，係咪有用？

little_yolky

MASAYA 發表於 15-4-30 12:41
但我對家長同小朋友一齊溫書呢個做法有保留，如果要提高分數係有用，不過唔長遠，但對改善態度黎講，係咪有 ...

無法啦, 但我只同佢溫弱項, 例如英默。但英文測驗考試就唔駛同佢溫。

至於態度, 真係唔知, 因為無經驗。

wan_sosin

講開幼稚園，小一生好易仍有之前幼稚園建立咗嘅行為模式，我有教兒童主日學，曾有兩個小朋友常出位來掂我放在枱上的教具，我有點奇怪，常都是那兩個，於是走去了解下，兩個原來是同一間幼稚園同學，原來嗰間幼稚園是容許小朋友這樣的，會接受間中起身走下！
我並唔係想講啱與唔啱！事情無錯與對！只係從小如何培養，小朋友出來就如何，所以從小自理好，負責任，有良好行為教導，真係非常重要！

MASAYA

little_yolky 發表於 15-4-30 12:44
無法啦, 但我只同佢溫弱項, 例如英默。但英文測驗考試就唔駛同佢溫。

至於態度, 真係唔知, 因為無經驗。:w ...

咁我都只係同佢溫英默，因為佢滿意而家個成績，所以佢唔明點解要認真d，雖然我都滿意佢而家成績，但唔識解釋佢知，咁既態度唔長遠，再係咁只有不斷退步
其實佢知返學係要對自己負責，正因為咁，所以佢成績理想就以為已經盡責，我已經盡量淡化個結果，希望佢注意過程要盡力，不過進展緩慢

PeggieLam

回覆 S-Kwok 的帖子

好認同自理及幫手做家務都係由細習慣, 我兩個仔女, 未夠3歲幫手收衫除衣架, 大女3-4歲就自己換衫換校服, 4-5歲自己執床摺被, 洗完衫幫手摺好啲衫放好, 用除塵紙抺地 (我仔而家未夠3歲, 已叫佢抺, 當然唔好expect好乾淨, 但都有板有眼, 枱底梳化底識得mou底睇住黎抺), 阿女5歲開始有幫手擇菜洗菜, 自己沖涼洗頭..... 學習方面, k2自己做功課, 做完俾我睇, 做完功課溫習一下當日學既嘢, 執書包等...

小朋友, 佢有能力, 就可以俾佢試下做, 唔怕做錯, 只怕唔肯做, 做到佢又開心, 又可以為自己, 屋企, 出一分力, 我老公成日講, 有份食, 有份做, 自己既事情, 自己要負責, 有問題要提出, 唔識可以問, 會教你.... 就算以前有工人姐姐, 姐姐第一日黎已經講, 有邊啲佢自己可以做就要佢自己做, 唔可以要姐姐幫, 以免做壞手勢...

little_yolky

枱底梳化底識得mou底睇住黎抺 <====  工人姐姐都唔識

little_yolky

MASAYA 發表於 15-4-30 12:52
咁我都只係同佢溫英默，因為佢滿意而家個成績，所以佢唔明點解要認真d，雖然我都滿意佢而家成績，但唔識解 ...

我細女聰明, 但係懶到無朋友。前幾日同佢讀ORT 1, 佢連a , an, the都未搞得掂, 我就好唔開心同佢講, N1已經教, 仲分唔開。佢眼仔紅紅(想喊既意思)。

瞓覺時, 熄咗燈, 我就同佢講, 媽媽知道佢好叻, 只係依家唔夠勤力。我問佢記唔記得以前講過齊威王既故仔(緊係唔記得啦), 我知道佢係聰明女, 只要勤力, 就會一鳴驚人, 一飛衝天。


我們都等著小朋友一飛衝天既一日。

MASAYA

little_yolky 發表於 15-4-30 13:46
我細女聰明, 但係懶到無朋友。前幾日同佢讀ORT 1, 佢連a , an, the都未搞得掂, 我就好唔開心同佢講, N1已經 ...

妳大女冇態度問題，但細女有，又話冇呢方面經驗，咁有乜對策？
我又冇同我女講佢好叻，只係同佢講知佢有能力做得好，唔好淨係做過就算

little_yolky

MASAYA 發表於 15-4-30 14:02
妳大女冇態度問題，但細女有，又話冇呢方面經驗，咁有乜對策？
我又冇同我女講佢好叻，只係同佢 ...

K3, 仲未有對策

S-Kwok

原帖由 IloveJJ 於 15-04-22 發表
係呀！其實小朋友覺得可以幫到媽媽，係好開心。不過，可惜小學太忙，攪到佢地無時間幫手呢！我仔不知幾鐘意 ...

我仔最鍾意幫我煮飯

littlemmo

剛剛睇醫生, 身邊有個似係小五六的男孩,在醫務所大吵大哭,話要食譚仔,要媽媽唔好睇醫生,媽媽個樣病到青晒,都要就範,同姑娘話唔睇

MASAYA

http://goo.gl/QNpAqK <-- 又有故事睇

=================

他，一頭亂髮，刻意搬弄過的凌亂，眼高手低，剷青，兩邊高低。潮童打扮，drop crotch低浪褲名牌Tee時款球鞋，有點像發育中的Justin Bieber，全身散發一種劇烈的不耐煩，也像Justin Bieber。雙眼發直，盯着雙手打橫拿着的手機，不停發出嘈吵的音效聲，旁若無人，與世隔絕。十五、六歲吧，身邊的書僮爸爸問：「食魚好唔好？剝隻蝦俾你？」牛高馬大，用眼尾答了算，久經訓練的爸爸會意，賓至如歸又小心翼翼把一匙舀去骨蒸魚送入少爺口中。

香港奇景，不是修路圍城，假日外傭佔領，是遍地殘孩。

去鴨脷洲吃海鮮，街市揀料，買好餸直赴街市市政大樓的大牌檔食肆連隨搞掂之，海三刀、花竹蝦，清蒸白灼，我等你。大牌檔，搭枱，必然。來了一家四口。奇景。

書僮爸爸給兒子餵食殘廢餐不是一次半次，是全餐。潮童看上去不比黃之鋒小幾歲，一頓飯幾乎完全沒有動過筷，飯來張口極度熟練，毫無廉恥，光天化日眾目睽睽，全家表演。是全家。（我見識少，睇到眼都凸埋）

書僮爸爸左邊是大仔，右邊，細仔。細仔，四眼，八、九歲，由坐在他右邊的丫鬟媽媽招待。不停打機，雙手超忙，雙眼更忙，近視頗深，樽底類鏡片，爸媽都沒戴眼鏡。丫鬟很勤快，很專業，很無我。書僮還會邊食邊餵，丫鬟，先服侍細少爺周全，自己才吃殘羹。海鮮菜湯嫌熱，仰頭擰開不要就不要好了，白灼蝦剝好殼，像餵雀地給細仔張大口嚼。試過放入他的碗中，不動，懶理，一定要直航入口，溫度要對。蟹，當然拆肉侍候。別說海鮮有骨有殼，我六歲已懂把大閘蟹剝光豬而沒有鯁死健在至今。炒菜，冇骨喇啩，雞，骨頭易處理吧，不舉箸。

甘拜下風。小學之後，爸爸已不許家中傭人餵食，如有犯例或見我邊玩邊食，必被爸爸罵個甘香鬆脆，祇罵我，不罵六姐，但六姐疼我，便不敢再餵了。細路仔啜飯汁、慢食、沒有table manners，隨時被修理。在我家，沒禮貌比成績不好罪大九倍。

溺愛縱容現在好像是常態，成行成市。好友在《大家樂》目睹，又係十幾歲仔大牛龜，爸媽二對一，哄着問「食XX餐好唔好？定乜乜餐你鍾意多啲？」殘孩總之坐喺度等食，聽歌打機少理，父母慇懃買齊兩款餐不敢待慢大帝，豬扒鋸成小塊送入口，另一個餵汽水。他很想車巴掌埋去，兩個成年人，不似父母，書僮丫鬟不如，有如太監。

怪獸家長外國稱為“Helicopter parent”，指家長終日在子女上空盤旋候命，伴讀陪吃身先士卒搶着替他們斟茶遞水，身兼百職做齊打雜秘書管家傭人，把子女當寵物也養成廢人。奇怪是他們一面拚命溺愛一面亡命催谷，要孩子讀名校學外語運動琴棋書畫補習十項全能，但生活、常識及社交即管無能。長期飯來將口的殘孩，和朋友同學相處時挺討厭的吧。聽過知名專欄作家到中學客串家政課的真人真事，有女同學對着雞蛋哭了出來。原來她因為不懂打蛋，嚎哭了，慌了。中學生。

應香港大學邀請，客串教過創作、通識、寫作，這些年來，除了見證香港和大陸學生的比例越來越主客對調、懸殊，香港學生越少大陸學生越多，就是驚嚇於一代代孩子常識和基本水平的大倒退。走出課室請同學們吃餐飯，飯桌上有人問，其實「廣東菜同上海菜點分？」係真唔識。法國同意大利菜當然唔懂順手粗略解埋。不分階層，父母都沒有理會過。常識低能如殘疾。準時點教？責任感呢？好友陳慧在演藝學院教授編劇，多次聽她用吐血tone講「咁大個，父母冇教我哋點都教唔番」。

某次課堂完成，記不起那位Dean盛意請我到Cova吃頓飯「謝師」，告訴我他現在要求盡量降低，曾向醫科同學打趣說：「將來睇怕我老咗瞓喺手術床都係靠你哋㗎喇，希望至少記得幫我縫番埋啦」。
人大了，才慢慢意識到父母怎樣影響了自己，模塑過自己，整蠱過自己。我慶幸我父母有大量時間和我同枱吃飯，很多道理和細微，價值觀和趣味，都是在飯枱上潛移灌輸的。現代的孩子是否太少機會和父母一起吃飯？

我老爸，說書人一樣。時而說我阿爺即佢老豆如何修理小時候頑劣的他，“spare the rod spoil the child”是我人生最早學懂的英諺，我爸是體罰之星，家教森嚴。飯桌上，吃大閘蟹他就講《紅樓夢》如何鐘鳴鼎食吃蟹，我媽我哥即鳥獸散，為了蟹，我留下啃之。《醜陋的中國人》出版了，他讀後深切有感，我那時在讀金庸，唔知佢噏乜，他由柏楊講到白先勇鍾曉陽，毫無章法。但原來我輕輕袋了一個幾毫。他的書架，是我的書架。又由馬克吐溫的Huckleberry Finn說到韋小寶，中國人的品性。流行歌詞都不放過，小鳳姐的「熱烈地彈琴」他不愛，愛《隨想曲》：「是我的雖失去他日總會有……名和利不刻意追求」。人，很難不追名逐利，不「刻意」追求就好。「披散頭髮獨自行，得失唯我是」，愛那老莊瀟灑。飯桌奇人，他也像所有男人都愛聽：《My Way》。

但我父母從不迫我讀書，從來讓我自由發展，不學壞，有禮貌就可，甚至不必要成功。美國作家L. Ron Hubbard說“You want to raise your child in such a way that you don't have to control him, so that he will be in full possession of himself at all times. Upon that depends his good behavior, his health, his sanity”。可惜失去sanity的，是太多父母。

MASAYA

今日阿女問點解高年班同學要阿媽幫手孭書包，原來佢離遠見到有個仲高過阿媽既學生個書包畀阿媽孭，我女由K1開始返學就自己孭書包，個書包仲大過佢咁濟，我都驚畀人離遠話我地虐兒

little_yolky

MASAYA 發表於 15-5-4 11:43
今日阿女問點解高年班同學要阿媽幫手孭書包，原來佢離遠見到有個仲高過阿媽既學生個書包畀阿媽孭，我女由K1 ...

幼稚園校長N1入學前家長會時, 要求各家長書包必須由小朋友自己孭。小朋友自己做到既事應由小朋友自己做。

細女N4(即K3)了, 平時爸爸送返學。前排有一日, 爸爸唔得閒, 我返工前趕送返學。女女入課室前要換鞋, 然後將街鞋放入鞋袋, 再放入鞋櫃。女女手腳慢如慢鏡頭, 媽媽又趕返工, 心急如焚, 催過幾次, 見毫無進展, 一手搶去街鞋, 塞入鞋袋, 再塞入鞋櫃。見女女哭如淚人兒, 主任拖入課室。


翌日, 又要送返學, 入校門前, 女女再三叮囑我：媽咪, 校長話小朋友要自己將鞋放入鞋袋的, 唔可以叫爸爸媽媽做。



意思係提醒我不要多事。我又做錯事了, 不過, 也學習到下次送小朋友返學, 要早一點出門口就是了。