全日班定上午班好?

Belovedjohnjohn

我是FTM, 小兒正讀全日班N, K1有2個差不多的offer, 但一個是全日班, 一個是上午班。 兩校無論師資/課程/校風/交通時間都分別不遠。
如果選擇全日班, 我自己接送會比較方便, 可以回家做家事。
如果選擇上午班, 送上學後我就要在街等4小時接放學, 但放學後就可以去玩下, 學下嘢，上英文/國語課。。。又可多點親子時間。

大家認為點揀好?

liliankaykay

睇你係咪珍惜親子時間，幼稚園都係三年。小學都全日制，到時想親子都無機會。番上午班，下午小朋友又可以學鍾意的興趣班。另外，個人覺得可以留番全日班俾有需要的家長。

964000

FTM 我會珍惜親子時間，除非自己怕辛苦或吾識教。平日下午可帶去玩，又吾洗同人逼，學下野又好，到小一以後都番全日了，何不呢幾年最需要媽媽的時候對多D。
很多人説番全日自理會好D，我自已識教小朋友自理都不錯，歲半已自己食飯，兩歲自己着鞋，擦牙。

小曳人

自己湊嘅，就當然返半日好啦！多d時間周圍去嘛！

cat130

我都有呢個考慮，我係working mom，依家個仔pn讀緊全日班，學校唔算出名但都算唔錯，我仔都返得開心，不過下年有另一間坊間排名top 3既學校收左上午班，校風課程環境應該都好值得考慮，唯獨是捨棄全日班有少少令我卻步，不過我有婆婆有工人姐姐幫手，但始終婆婆未必有精力放學帶我仔去公園去上興趣班，而且我仔依家返學肯自己食飯，但係屋企就要人餵，所以都諗緊應唔應該放棄全日班而揀上午班，大家又有咩意見呢？

kvvvcheung

原帖由 cat130 於 15-04-14 發表
我都有呢個考慮，我係working mom，依家個仔pn讀緊全日班，學校唔算出名但都算唔錯，我仔都返得開心，不過 ...

如果新個間language 好d我會轉新個間！

YY_2011

原帖由 cat130 於 15-04-14 發表
我都有呢個考慮，我係working mom，依家個仔pn讀緊全日班，學校唔算出名但都算唔錯，我仔都返得開心，不過 ...

Same here. 我囡囡K1會轉半日龍校, 放棄現時的全日班, 都有點可惜。

cyfcyk

我也處於這個狀態,依家返緊全日N,有半日半龍校K1 am offer,好難決定

YY_2011

原帖由 cyfcyk 於 15-04-15 發表
我也處於這個狀態,依家返緊全日N,有半日半龍校K1 am offer,好難決定

我會覺得如果半日半龍校整體比現校好, 值得一轉。始終龍年龍B的競爭很大。

妹豬妹妹媽

cat130 發表於 15-4-14 13:37
我都有呢個考慮，我係working mom，依家個仔pn讀緊全日班，學校唔算出名但都算唔錯，我仔都返得開心，不過 ...

你個情況同我一模一樣，我今日才為左食飯這事，打電話同老師請教。個女係學校自理好好，肯自己食飯，但係屋企不單止要餵，仲成日唔食，一家人成日為了佢餐飯也弄得不愉快！
同樣有一間坊間"名幼"的學校收了她讀K1，上午英普班，語境、考直資成績也好好。個女得15分，如果考不到直資、私小，她必定要大抽獎，我們又不是住好的校網，所以入到間幫到佢考直資的學校，好似較穩陣。

就快要交第二部學費了，我都未知應該點下決定。要放棄全日班，又有點捨不得。

cat130

原帖由 kvvvcheung 於 15-04-14 發表
如果新個間language 好d我會轉新個間！

其實新果間語境可能只會好少少，因為無學券少啲限制，但就出名德育好，呢方面亦係我地非常著重既一環，雖然唔係龍校，但因為佢既名氣我相信將來若果需要扣門亦可能有少少幫助。現時呢間學校亦唔係龍校，德育都唔錯，只係學校環境無戶外地方，校舍較細，因為學卷而可能某方面要跟教育處指引，但我個仔由初初返學日日食飯會喊，到依家返學可以自己食哂餐飯，但係屋企就要人餵，我驚放棄全日而揀半日會令佢自理能力倒退，因為婆婆工人姐姐肯定唔捨得由佢自己食，所以真係好苦惱好難決定！

notcool

>>如果選擇全日班, 我自己接送會比較方便, 可以回家做家事。如果選擇上午班, 送上學後我就要在街等4小時接放學,
If you need to wait outside 4 hours for AM school, too demanding for you.
BTW, some schools may have lessons or volunteer work for parents. Check your school

>>但放學後就可以去玩下, 學下嘢，上英文/國語課。。。
Definitely, you can arrange more activities if that's your wish. Actually, some parents switch to half day school during K3.

>>又可多點親子時間。
If you are full time mom, i think you should already have good enough 親子時間. Kindergarten also have lots of holidays. You will have lots of time for that.

Full day for K1 is a good choice.

siden

原帖由 妹豬妹妹媽 於 15-04-15 發表
你個情況同我一模一樣，我今日才為左食飯這事，打電話同老師請教。個女係學校自理好好，肯自己食飯，但係屋 ...

放心。

自理不是一定要在學校訓練。

在家裏，只要你用對方法態度，你都一定可以令佢有進步。問題是你或家人有否用正確的態度鼓勵引導控制佢。

半日班啦

除非真係冇人湊，否則全日對小朋友好處不及半日

妹豬妹妹媽

回覆 siden 的帖子

謝謝您!

964000

原帖由 妹豬妹妹媽 於 15-04-15 發表
你個情況同我一模一樣，我今日才為左食飯這事，打電話同老師請教。個女係學校自理好好，肯自己食飯，但係屋 ...

我會揀半日名幼。
食飯，餓下就識啦，洗乜日日係學校教，小學番全日你荒佢吾識。

妹豬妹妹媽

回覆 964000 的帖子

你梗係無湊過唔食飯既細路..每餐飯左氹右氹, 真係個折磨!

iloveliushing

我會揀全日

winnyto

全日, 係學校食三餐, 可以訓練佢唔偏食, 學群體生活, 自理能力會好d

hyritaleung

要在街等4小時 -_-'' 連續3 年喎...............小朋友放學, 你連飯都未煮.....(OR 有工人姐姐幫手做家務和煮飯就另計)

我覺得全日班另外一個考慮是, 升到上K2 和K3, 學校都是要小朋友午睡, 有些家長覺得浪費時間, 而且下午瞓左, 夜晚又瞓唔著. 第二朝又會唔肯起身.....

半日班, 讀上去的話, 佢課外活動的時間會多些......

catmint11

我pn是半日，之前在街等3小時才接佢放學，雖然下午係可以同小朋友一起，但由於我同佢都好攰，結果好多時都留在家休息。無精力去咩playgroup. K1會轉全日，第時想下午帶佢去玩，便同學校請半天假好了。