這樣算理解能力高嗎？是資優機會大嗎？

mphilwan

我個仔仲未夠兩歲半，但個人覺得邏輯好強，以下係幾個例子：1.他一歲半左右，對我們說：「我飲奶奶。」我地回應：「訓覺之前先飲奶奶。依架唔飲。」佢即刻回應：「我訓覺喇，飲奶奶。」講完跟住就訓落床。（補充：但果下佢一D都未想訓。）
2. 兩歲學習戒片，我同佢講：「唔包片」佢爆喊，問佢原因，佢話：「因為換片果時，睇let it go。」（佢意識到如果唔再包片，佢就無需換片，就不會有換片果時短暫既睇片時段。）
3a一歲左右，問佢鍾意爸爸定媽媽多D，佢答：「舅舅。」
3b歲半左右，問佢玩三下定五下先走呀？」佢答：「十下」（之於3A3b, 我地刻意問問題，俾兩個答案佢2選1，但佢係「think out of the box」不被問題限制自己答案。）
4.歲半左右已經識得講反話整古爸爸和媽媽。

至於佢對於Thomas D角色既名同分別等等，講過一兩次佢就記得，呢D我反而唔覺得特別，只覺得佢係觀察力強，記憶強同比較專注。另外N班老師話佢比同齡幼兒識講的詞語多，語句長，我只係覺得因為佢極少看電視，我地同佢多溝通有關。

其實最令我頭痛反而係佢既堅持，或者係固執，除非你用道理去說服佢，否則好難改變佢既想法。而且情緒起伏較大，比較敏感，急性子。除此，平時比較鍾意同大過佢既小朋友玩。

佢對好多事物好奇，會觀察，會發問，好想即刻知答案，所以擔心係學校會帶俾老師麻煩，影響其他同學，又抑壓佢好奇心。係屋企，我地會有時間精神諗佢「被其他人認為曳既行為」背後既原因，係佢立場角度去睇，但學校老師一對咁多個，有心都可能無力。

P.S. 但係精力旺盛,反應超快既佢，每天都需要午睡2-3小時。

Radiomama

是新手mami嗎？好少接觸幼兒？
每一位孩子都是獨特的，他們天天成長都會叫人驚訝。
不用費神去估資優不資優，好好享受相處時刻就是。

derek0811

有時資優並非如所想般的"樂事"，平凡健康快樂便好。

小曳人

小朋友總有d小聰明精靈嘢
我唔覺得呢d事件睇到d乜
一般最容易咁細就發覺到嘅，係認字認圖案超強，開始對數學敏感

mrshoho

單憑呢D例子真係唔覺理解能力特別高，要多D例子才可以估到。

derek0811

以上呢D回應及對答太正路了，資優就未必係咁樣回應你。

mrshoho

原帖由 derek0811 於 15-04-03 發表
以上呢D回應及對答太正路了，資優就未必係咁樣回應你。

Sorry,唔係好明白你嘅意思.

Jane1983

呢d例子睇唔到係，但吾等於吾係。

derek0811

我指個小朋友及他家長的回應及對答很正路，資優的小朋友回應及對答應更特別。

mrshoho

原帖由 derek0811 於 15-04-03 發表
我指個小朋友及他家長的回應及對答很正路，資優的小朋友回應及對答應更特別。



  ...

明白了，說得對，認同！

mphilwan

多謝各位睇法，加了較詳盡既內容在主題內。

除左教導佢禮貌，尊重別人，其實我地兩公婆既教育模式係：係安全情況下，俾佢循自己意願多探索，多學習，多嘗試，但主流學校教法可能令佢難適應。
擔心中

derek0811

不要想太多，順其自然。其實如果是真正資優，情況會好明顯，根本沒可能不知。例如佢會大量閱讀及自學，你想stop佢都好難，又例如佢會硏究一樣嘢，好深入，例如數學，少少教一下，K3已懂計小三的數，而且不用逼，佢自己會好用心去日夜鑽研！。

mrshoho

原帖由 derek0811 於 15-04-04 發表
不要想太多，順其自然。其實如果是真正資優，情況會好明顯，根本沒可能不知。例如佢會大量閱讀及自學，你想 ...

講得好正確，係真係資優嘅話，你可能想佢反而唔係....唔係嘅話，點都唔會係。

mrshoho

原帖由 mphilwan 於 15-04-04 發表
多謝各位睇法，加了較詳盡既內容在主題內。

除左教導佢禮貌，尊重別人，其實我地兩公婆既教育模式係：係安 ...

講真，睇完你新加嘅嘢，真係唔係好明顯佢係資優，可能要大D先知，但佢係個醒目仔！

gingerm

固執都係 trouble two 既其中一個特點。慢慢就會好。小朋友要從自己的經驗中調整對同一事件既看法。加油。

himmamme

Jane1983 發表於 15-4-3 23:42
呢d例子睇唔到係，但吾等於吾係。

same here!

mphilwan

derek0811 發表於 15-4-4 23:11
不要想太多，順其自然。其實如果是真正資優，情況會好明顯，根本沒可能不知。例如佢會大量閱讀及自學，你想 ...

其實佢又真係無大量自學，可能因為鍾意Thomas, 所以鍾意睇路軌 ，成日想搭火車同mTR, 又會想望MTR果D lift，但又未去到沉迷。另外去人地屋企玩鋼琴，佢亂彈又會自彈自唱。至於球類，我地成日帶佢去球場睇人打羽毛球，籃球，乒乓球同踢足球，所以興趣好廣泛。
可能佢比一般同齡醒少少係同後天教育有關。
我相信資優小朋友應該係天生，無需培養。

mphilwan

gingerm 發表於 15-4-5 00:04
固執都係 trouble two 既其中一個特點。慢慢就會好。小朋友要從自己的經驗中調整對同一事件既看法。加油。



...

佢既固執，敏感同急性子，我地大概係佢一歲時已經發現，每次我地都叫佢冷靜，數十下（或者更多時間，當然開始係同佢一齊數）。佢固執扭要佢既野，我地由佢喊，等佢冷靜，先慢慢同佢講道理，用佢明白既方式去講，下下都要咁，其實都幾攰，但佢明白左之後，好多時都識得道歉，又冧曬。

mphilwan

不過睇左你地D post， 我個仔對比起資優生又好似好普通，希望佢只係比普通小朋友叻少少又未到資優，感覺資優生既世界只有資優生既朋友先可以互相了解，在普通學校學習一般都會悶死吧。

S-Kwok

原帖由 derek0811 於 15-04-04 發表
不要想太多，順其自然。其實如果是真正資優，情況會好明顯，根本沒可能不知。例如佢會大量閱讀及自學，你想 ...